1 Samuel 2:6 - ŊWÀʼ NYÙY

⁶ «Nyùy Tàr wìy e kpúu, e kfə̀n wìy e dzəʼə̀me. Wù tsə́nsi wír aàŋkfəə́ wòŋ, a kù fəər wun wír fo fo.

1 Samuel 2:6 Referans Kwoze

Remrí 32:39

«Vèn yén ri lèn, dzə̀ mo, a kù mày mo Nyùy. Bó Nyùy wùmòʼ yòʼ kfə̀n dzə̀, e shaà mo. Kù lo, yùyrí mo wír, a kù siì fó mo dzəʼə̀m e wìr. Kù lémer mo wír, a kù kfə̀n fer mo. Kinyo ke m wayin ji m kù‑úù yii, bó yòʼ dzə̀ wìr sə̀r.

Aysaya 26:19

Éè Nyùy Tàr, ku yiì, é wír vé ve á kpukin nee fəə́ fó kpu. Ku yiì, é dzə́n sé wìr vér ve á kpukin ne si ŋáʼáy é yuv. Ven ve á sí néŋ e nsay, vèn ŋáʼáy é yuv, a yòv, a sàvnìn, bìʼ fo Nyùy Tàr dzəə̀n kfə́ ji ŋweʼ ye yí gbu, njaʼkìrì, gbu bèy, a nsay yú, a vifá vi tókirì.

2 Afòn 5:7

Fòn woó Isray leéy ŋwàʼ və̀y, e nèn saàsì ndzə̀y sə́, e sùúy jii, «M dzə̀ Nyùy à? M kér vitaáví vée yuyrí wír, e kfə̀n yiì, é wù luŋ a? Yiì ka, é bo wìr və̀n wáa tsənsí wír wo wù joy shivnsay ji m fer? Vèn leéy, é vèn yén ji wù taʼ a dzə̀ á melaà vèr wun.»

Ŋgaà Yen 1:18

a m dzə̀ shó ghán sidzə̀m. Mò‑oò lo kpù, yii bèy, m sì lèn e tin, a m gòʼ ne kàŋ mòʼón. Kinyo kee kùm kpú ki dzə̀ a dzə̀ e mǒ kiwo, a kér mo kimbàʼ ke dzə̀ kí mvə̀ʼ shúu wòŋ aŋkfə.»

Ŋwàʼ Jov 5:18

Nyùy lémer wír, wù kfə̀n kùr kileémé, dzəv, kív kirə́ʼ, wù kfə̀n kùv.

Joon 11:25

Jesus bìnèr jii, «Dzə̀ mo wo m fəər wíri fó kpu, fó áwune dzəʼə̀m yee là may. Wìr wo wù wáy shilív e mǒ wùn, a wù fə̀m kpù, bo wù wíy lùŋ, a dzə sho,

Matio 12:40

Mo Jona‑aà shiiyin e sə bvə̀m vishiíy vitaár, à shùy, à vitsə́ʼə́, dzə̀ sá réŋréŋ mo ŋgaà wo yírí dzəə̀n *Wanwìr wíy shiíy e loònsay vishiíy vitaár.

Nsùyrì Nyùy 116:3

Alíŋ kpuu‑uù gìŋ mo, e tàr, ghàʼkpu wáa kiv mo, m wáa yen ŋgeʼ, a kom aghàghir.

1 Samuel 20:3

Davir nèn sùúy jii, «Tàr won kì kijuŋ feyì ji à koŋ a mo. Á kifá ke kí yiìn, la wù yòʼ yiì ji à kiíy á kinyo ke wù taʼ e yiì, bìʼ fo kí yíi a nyar wò. M wáa suúy e wò, a kàn yír Nyùy Tàr ji kpú yémé sì á e kiwo.»

Nsùyrì Nyùy 68:20

Nyùy wòsən dzə̀ Nyùy wo wù luŋèr wír və́. Wun woo Nyùy Tàr woo Nyùy wòsən, dzə̀ wun wo wù kér vitaáví vée tin wír fo kpúu.

Ŋgaà Tàrvìnyò 3:3

Ghán se á yúyri wír si dzə̀, a se á fer si dzə̀. Ghán se á saʼtì si dzə̀, a se á baʼrì si dzə̀.

Esiker 37:3

Wù nèn dzə̀r e mò jii, «Wàn wìr msòŋ, a dzə̀ vighvə́r vin vi kfə̀n a ŋèʼ a?» M bìnèr jii, «Nyaa mǒ Nyùy Tàr woo Taà Ndzə, kù dzə̀ kìíy wò.»

Esiker 37:12

Kí nén a dzə jii, tiísí kinyo ke Nyùy Tàr woo Taà Ndzə suuy ki. M suuy aáwune á jii, ‹Wìr vem, vèn yuúrí. M wíy mvə̀ʼtì say sén, e fəə́r ven fó fo. Fəərì, é m li ven, e kfə̀n shó e věn wòŋ woo Isray.

1 Afòn 17:22

Nyùy Tàr nèn yù bunrì Elija, e yiì kiyoy ke wan kí kfə́n é bàm, wù kóʼór.

Nsùyrì Nyùy 30:4

Ven ve á ghvə́m Nyùy Tàr, vèn wáa yòv, a burí wun, a koʼór yír rə́ ye ranéné.

Nsùyrì Nyùy 71:20

Mo à fə̀m‑eè yiìn, m yén ŋgeʼ sinín, ŋgeʼ, a dzə̀ se sí meen é ŋgeʼ, à kù kfə̀n dzəə́ yìi siìr mo é vijùŋ. À wíy taŋ mo fo kpúu,