1 Samuel 2:4 - ŊWÀʼ NYÙY

⁴ Vinte ve vé rər ví kìvkír ne, aànjoó kfə̀n ne ji antav.

1 Samuel 2:4 Referans Kwoze

Nsùyrì Nyùy 76:3

Dzə̀ fó, fo wù‑uù beʼtin mvən se á naan ne, à ŋkeè wov, à nyùy rə̀r yev, à vifá vév vé rər ví vidzə̀m.

Nsùyrì Nyùy 37:15

Yii bèy, Nyùy wíy lì nyùy sév. Wù wíy lì, e sòvtì a dzə̀ áwune shó, sovtì áwune, é wù béʼtí vinte vév.

Filipi 4:13

Mo kù fó Jesus Kristu vitaáví e mò, m nén a dzə, vinyo vidzə̀m vi wáa gheén mo gheénén.

Nsùyrì Nyùy 46:9

Wù mayìr rə́r fó kitu ke nsay, béʼti vinte, kívti kòŋ sí kivtín, ton *viténtén vé rər e və́yí.

Hibru 11:34

Wù kfən ndzə̀mér və́y wo wú‑uù beéme fo wú ton ámóʼó. Wù téʼtín ámóʼó fo á lémkír é shùu rər, e tàvír anjoó, á kfə́n ji antav. Wìr lo, wù tàm shúu rər e fur wùn mòʼón, e jùm wír vee shooy adzə̀m.

2 Korin 12:9

M lóné, wù kù sùúy ji wun yíi a shìy a mò, a sə mo, lá m yòʼ dzə́ə a shii a kinyo kímóʼ kí, bìʼ fo wìr yii búŋ vitaáví, bo wù yú mo vitaáví vé wun woo Nyùy vi lim e ŋgaàŋ wùn kijuŋ. M nén a sheʼrí ndzə́m wom woo shoon e ŋàŋ, é vitaáví vé Kristu vi ku màysì, a lìm e mǒ wùn.

Nsùyrì Nyùy 37:17

Nyùy Tàr wíy laàr vitaáví vé wìr ve á méŋ wun. Yii bèy, ké wìr ve á yúnin wun, wù kù yíi tomrí tomrín.

Jeremia 37:10

A fə̀m lò a dzə ji vèn gháʼ vé rər veé Babilon ve vèn áwune maʼ rə́r, é bér ve á lemkin, a neŋnín e tàv sí, bo á kù lo, e nànèn, e tòn ŋkàlaʼ rə̀n e və́yí.› »

Aysaya 10:4

Bó wìr yòʼ wíy a ker fóo dù, e shaà ji á kù wíy yuyrí wun yúyrín é shùu rər, kìn ji á koó wun, a sə̀ŋ, a dù sho moo vé sháŋé. Fə̀m mo ŋgeʼ sìn sidzə̀m si siìn e wír veé Israyí kitu, Nyùy Tàr kù dzəə́ shwiiy kilòŋ wùn áwune, a wù dzə̀ kibáʼtín ji wun lo, e shaà fo mbìy, a dzə̀sì ŋgeʼlàʼ aáwuné kitu.

Efesor 6:14

Vèn kú a tiy rì a dzə̀ é kinyò ke ru kí ghán sidzə̀m, a dzə moo wír wo wù wovtin ndzə̀y, a taamé kifá. Vèn lóo yiì vinyo ve vèn yii vidzə̀m, vèn wàa yiì a dzə̀ ve bó yòʼ dzə̀ wìr yèn jay sho, é vèn nèn a dzə moo ŋgaà rə̀r wo wù màʼàn kikúm ké kishà ki, kí wáa teʼtín shúu və́ shiliv fo wìr sov.

Hibru 11:32

A m yòʼ lò ji m táŋ wír ve vé‑eè wáy shilív e Nyùy wùn vin adzə̀m, m tàŋ é le? Bó ghán sí yòʼ dzə̀ se dzə̀ m lò, e rə̀sí, a ŋeèvì vinyo ve wìr vee moo Gidiyon, Barak, Samson, Jefta, kìn vé Davir wùn Samuel, aàŋgàa ntum Nyùy ámóʼó.

Nsùyrì Nyùy 18:39

Wò‑oò fò mo vitaáví vé rər, m gháʼ aŋgàa vibàn vém adzə̀m.

Nsùyrì Nyùy 46:10

Nyùy suuy jii, «Vèn yar vindzəʼ vi, a kiíy ji m dzə̀ Nyùy. Sáʼ mo vitúm vidzə̀m. Kù kér mo kitú ke nsay.»

Aysaya 40:29

Kù yii fó wun vitaáví aànjoó, távir wír ve á dzəə̀n là kitar.

Jeremia 51:56

Rúrú, aŋgàa laàri wíy nəə́ Babilon, e koorí vé rər vee fó, e beʼtí vinte vév. A kí dzə̀ jii, mo woo Nyùy Tàr wo kù yii siir mo ŋkfə́tír, kù wíy màʼ ŋgeʼ e wír veé Babiloné kitu mo yii yéví dzəə̀n.