1 Samuel 2:2 - ŊWÀʼ NYÙY

² «Wìr wo wù ranen moo Nyùy Tàr yòʼ dzə̀. Nyùy Tàr, wìr woo moo wò yòʼ kfə̀n dzə̀ shó. Rúrú, Nyùy Tàr dzə̀ kilán ke kí kiŋsìn ver, a bó kímóʼ kí yòʼ kfə̀n dzə̀ gheéy.

1 Samuel 2:2 Referans Kwoze

2 Samuel 22:32

Dzə̀ la Nyùy, e shaà Nyùy Tàr, a dzə̀ la kilán, e shaà Nyùy wor?

Aysaya 44:6

Nyùy Tàr woo Taà Mànjòŋ, wun woo Fon wìr veé Isray, woo Mfə̀ə́r wov suuy jii, «Dzə̀ mo keʼ, a kù dzə̀ mo kinjòʼsì, kù mày mo wo dzəə̀n Nyùy.

Nsùyrì Nyùy 86:8

Rúrú, Nyùy Tàr, a fə̀m dzə̀ anyùy feyì ve wíri cu, bo bó wùmòʼ yòʼ dzə̀ moo wò, a bó lim símóʼ sí yòʼ kfə̀n dzə̀ shó moo sé.

Nsùyrì Nyùy 89:8

Nyùy Tàr, wò woo Taà Mànjòŋ, a dzə̀ fìʼsìn la vitaáví və́ e vé vi? Kinyo ke à yii ki kù yii tíy fo, a bó yòʼ dzə̀ wìr kòr.

Ŋwàʼ Fəə 15:11

«Éè Nyùy Tàr, dzə̀ la moo wò aànyùyí mvəm? À dzə̀ ké Ŋgaà wo Ranén, a vikuʼùy vé vi dzə̀ jeéy. A dzə̀ yiì la viŋgaʼnìn ve vinyò ve ví kér viwìr moo wò?

1 Pita 1:16

A dzə̀ kíwun ke vé‑eè saŋen ji Nyùy suuy a jii, «Vèn kér fó a dzə aránén, bìʼ fo m dzəə̀n e ránén.»

Jeremia 10:6

Éè Nyùy Tàr, wìr woo moo wò yòʼ dzə̀, à dzə̀ e gháʼtín. Yír yée dzə̀ e wíy, bìʼ vitaáví vé ve ghaʼán ví.

Aysaya 57:15

Wun woo Taà Vitu, wo viwìr və́ ví yòʼ kér mfìʼ, a wù kù dzə̀ shó ghán sidzə̀m, e dù, e jòʼsì, a yír rəə́ dzə̀ Ŋgaà wo Ranén, wù suuy jii, «M kù yii dzə́ kém é ntoò yùv, e mǒ kirə̀ʼ ke ranén kí, a m kfə̀n dzə́ sa vèr à wír ve á diy bìʼ ajay vév, néŋ e mǒ sii. M yiì bèy ji áwune fíʼ a ker fo á tiir vifií.

Remrí 3:24

‹Éè Nyùy Tàr woo Taà Ndzə, à kèʼ kèʼèn, a dìn viŋgaʼnìn vé ve vinyò wùn à vitaáví vé vi e mò woo ŋgaà lìm wò. Bó Nyùy wùmòʼ yòʼ dzə̀ shó e yuv, kìn é nsay, wo dzə̀ wù yiì kfə́ə vinyò vímóʼ ví, à viŋgaʼnìn ve vinyò vi moo vé.

Cù 19:2

ji wù suúy á e wìr dzə̀m woó Isray jii, «Vèn wáa dzə aránén, bìʼ fo mo woo Nyùy Tàr woo Nyùy won dzəə̀n e ránén.

Ŋwàʼ woó Rom 15:4

Vinyo ve vé‑eè saŋen é Ŋwàʼ Nyùy fo mbìy vi‑iì dzə̀ ji ví wáa yeʼéy vèsən, a lùmèr melív mèsən, é vèsən wáa yeʼtí a dzə̀ e Nyùy wùn, a leéy fó mbìy, a yu a dzə̀ fo wun.

Aysaya 44:8

Wìr vem, lá vèn yòʼ a fàn. Mò‑oò sùúy ne e vèn, e kèʼ fo kèʼ, vinyo vidzə̀m ve ví kù kér fó wìy a koóy, a vèn dzə̀ anjen vém. Á bèy, vèn naari e kibér ke wìr ki. Nyùy wùmòʼ kfə̀n dzə̀ shó, e shaà mo á? Nyùy wùmòʼ kfə̀n dzə̀ shó wo wù kiŋsìn ven, a bó dzə̀ mo á?»

Aysaya 40:18

Wìr dzə̀ shó wo a dzə̀ á lì Nyùy Tàr, a fìʼsìn wùn wun a? Kifá feyì ke dzə̀ á lì, a fìʼsìn ji nshwìnin Nyùy Tàr kí dzə̀ kiné kí?

Aysaya 6:3

Ví‑iì jaŋnìnè, a kímóʼ kí suuy e kímóʼ kí jii, «Nyùy Tàr woo Taà Mànjòŋ dzə̀ e ránén, wù dzə̀ e ránén, wù dzə̀ e ránén. Vikuʼùy və́ ví rùn kitú ke nsay kidzə̀m.»

Nsùyrì Nyùy 111:9

Nyùy Tàr‑iì tìn wír və́ fó vikwàn, e tùúy mensaŋ mvə, mè wáa tiy fo, e dù, e jòʼsì. Wù dzə̀ e ránén, e kfə̀n a dzə e beémén.

Nsùyrì Nyùy 99:5

Á wáa koʼór Nyùy Tàr woo Nyùy wòsən. Á wáa gvəʼtí e wun ghaa kàvàʼ, a ghvəm wun. Wù dzə̀ e ránén.

Nsùyrì Nyùy 89:6

Nyùy Tàr, dzə̀ la é mbàʼ wo dzə̀ á fìʼsìn vèn wun? Dzə̀ nshìylav rəné ye dzə̀ á fìʼsìn wùn Nyùy Tàr?

Remrí 32:39

«Vèn yén ri lèn, dzə̀ mo, a kù mày mo Nyùy. Bó Nyùy wùmòʼ yòʼ kfə̀n dzə̀, e shaà mo. Kù lo, yùyrí mo wír, a kù siì fó mo dzəʼə̀m e wìr. Kù lémer mo wír, a kù kfə̀n fer mo. Kinyo ke m wayin ji m kù‑úù yii, bó yòʼ dzə̀ wìr sə̀r.

Remrí 32:4

Nyùy Tàr dzə̀ Kilán, a lim rəə́ dzə̀ là kiloʼ. Dzə́ə sə́ sidzə̀m si kér suuyrú. Dzə̀ Nyùy, a yii rəə́ yii dzə́ yee tìítiy, dzə́ là jay. Yii rəə́ dzə̀, a kù dzə̀ ye ruú, e kfə̀n a dzə yee réŋé.

Nsùyrì Nyùy 99:9

Á kú a koʼór Nyùy Tàr woo Nyùy wòsən. Á wáa cù wun e wun gwan wo ranén. Nyùy Tàr woo Nyùy wòsən dzə̀ féyì e ránén.

Nsùyrì Nyùy 73:25

Nyùy Tàr, m kfə̀n kér la é yuv, e shaà wò? M yòʼ siíme kifá kímóʼ kí é nsay, e kfə̀n shaà wò.

Nsùyrì Nyùy 71:19

Vinyo vé ve juŋ vi dzə̀, a ví yénsinè. Ví yénsinè, du, mee e ntoò yùv. À yiì ne viŋgaʼnìn ve vinyò. Feyì feyì, Nyùy, dzə̀ la moo wò?

Nsùyrì Nyùy 71:3

Kú a dzə kirùmèn kém ké nsàm, a dzə moo lav ye á bomen e tíyí, yì wáa kìŋsìn mo. Rúrú, à dzə̀ kilán kém, a dzə kikiŋ kém ke tavín kí.

Nsùyrì Nyùy 18:2

Rúrú, Nyùy Tàr dzə̀ kilán kém, kirə́ʼ ke kí kiŋsìn mo. Wù dzə̀ Mfə̀ə́r wom. Nyùy wom dzə̀ kirùmèn kém ké nsàm. Wù dzə̀ ŋkeè wom. Wù dzə̀ ntav wo wù luŋèr mo, kirə́ʼ kém ke tavín kí.

Remrí 32:20

Nyùy Tàr nèn sùúy e Isray jii, «Vèn dzə̀ ŋgwàʼ liì kisaŋ, a bó m yòʼ dzəə́ tíy e věn kinyò. Bó m yòʼ kfə̀n dzəə́ yiì a sə ven. M yíi koʼ a dzə̀ ŋkiy, a leéy mo kí yíi a kìʼ e věn kitu.

Remrí 4:35

Nyùy Tàr‑iì dìn vinyo vìn e vèn ji vèn fiʼ kìíy ji kù dzə̀ á wun Nyùy, a bó wùmòʼ yòʼ kfə̀n dzə̀.

Ŋwàʼ woó Rom 4:8

Bòŋ ké wìr wo bó Nyùy yòʼ kív njò se wù jáyí.»

2 Samuel 7:22

Rúrú, Nyùy Tàr woo Taà Ndzə, à dzə̀ e gháʼtín. Wìr woo moo wò yòʼ dzə̀. Kù jòʼ wò Nyùy. Á ke vèr‑iì yiìn ne yù, e kìíy.

2 Samuel 22:3

Nyùy wom, à dzə̀ kirùmèn kém ké nsàm. À dzə̀ ŋkeè wom, ntav wo wù luŋèr mo. Dzə̀ wò kirə́ʼ kém ke tavín kí, mbvə̀ʼ ye m lir sho. Dzə̀ wò Mfə̀ə́r wom, aà boyìr mo fo aŋgàa vibàn vémé wo.

1 Afòn 8:23

e nèn a bùnrì jii, «Aà Nyùy Tàr, Nyùy wìr veé Isray, Nyùy wùmòʼ yòʼ kfə̀n dzə̀ moo wò, ǎ yuv, ǎ nsay. À kù yii tíy e wò ŋkàʼmé, kfə̀n din koŋ yé ye ruú aàŋgaà vé lìme, ve á yúnin wò shilív shév shidzə̀m.

Nsùyrì Nyùy 18:31

Dzə̀ la Nyùy, e shaà Nyùy Tàr, a dzə̀ la kilán, e shaà Nyùy wor?

Nsùyrì Nyùy 99:3

Á kú a burí yír rə́ ye ghaʼtíné, yír ye wìr yú, tímé kpù, e rə̀. Nyùy Tàr dzə̀ e ránén.

Cù 11:44

Dzə̀ mo woo Nyùy Tàr wo dzəə̀n Nyùy won. Vèn ku fò vitú vén ji vém vee wír, a dzə aránén mo m dzəə̀n e ránén. Lá vèn yòʼ lòr vitú vén e kifá ke ŋaŋrìn kí,

Cù 11:45

bìʼ fo mo woo Nyùy Tàr, m fə̀ə́r ne ven fó wòŋ Ejiv, e bòyìr ven fó vikwàn ji m wáa dzə Nyùy won. Vèn kú a dzə aránén, bìʼ fo m dzəə̀n e ránén.

Remrí 4:39

Vèn kiíy é kishiíy ké lán ki ji Nyùy Tàr dzə̀ á Nyùy, e làa yòʼ wìy mùm, e làysìn. Wù dzə̀ é yuv, e kfə̀n a dzə e nsay, a bó wùmòʼ yòʼ kfə̀n dzə̀.