1 Samuel 2:18 - ŊWÀʼ NYÙY

¹⁸ A wan woo Samuel kù dzə́, lim fo Nyùy Tàr, a wù maʼ shiŋkèéy shé kikum ké cù, aá bá e làv wo fəvír.

1 Samuel 2:18 Referans Kwoze

1 Samuel 3:1

Wáa dzə e ghan sin se wánlè nsùm woo Samuel‑iì lim fo Nyùy Tàr e Eli sar, Nyùy Tàr yòʼ‑oò táv súŋnin e wíri, a bó kí yòʼ táv kooy sa ji Nyùy wáa ghem ndzə, é wìr wáa yen kinyo.

Ŋwàʼ Fəə 28:4

Ndzə̀y se áwune wíy fèr si dzə̀ jii, kifin keé nsaŋ wùn à shiŋkèéy shé kikum shí, à kikúm ke səənén kí, kikúm ke da ke fəvír kí, à tán ye ndzəméné, à kikuúví kí. Á mo áwune kù wíy fèr ndzə̀y sé Aaron woo fər wò, e fèr sé won və́, é sí kú a dzə ji see jeéy, aá fiʼ wìy a lìm ji atàá cù vém.

1 Samuel 2:11

Á màysì fo Shilo, Elkana lòo kfən e bàm fó laʼ e Rama, wan wov Samuel gòʼ fo, a lìm fo Nyùy Tàr, e taà cù woo Eli sar.

2 Samuel 6:14

Davir wáa dzən vitaáví və́ vidzə̀m e mbìy ŋkùv mensàŋ Nyùy Tàr, a wù máʼ shiŋkèéy shé kikum.

1 Samuel 22:18

Fòn nèn sùúy e Doeg jii, «Shaà, e yùyrí atàá cùu.» Wù nèn yùyrí áwune adzə̀m. Wù‑uù yùyrí atàá cù nshòv sitàn e mwaamé é kishiíy fóo fèy, aàdzə̀me‑eè sí maʼ shiŋkèéy shé kikum.

1 Wòŋ 15:27

Fòn Davir‑iì màʼ ndzə̀y, aá bá e làv woo ji fèm, a kù dzə̀ sá mo rám Levi ye yí‑iì béʼ ŋkùv mensàŋe‑eè màʼàn, vé yòvi wùn à Kenaniya woo kilìmbìy ke vé yòvi máʼ sá. Fòn Davir kfən màʼ sa shiŋkèéy shé kikum, aá bá e làv wo fəvír.

1 Samuel 2:28

Mò‑oò shòʼ kfə́ə rə́ ji yí wáa dzə atàá cù vém, a lìm e mǒ kiy cù, a tòn kiláy, é wìr kfə́n a màʼ shiŋkèéy shé kikum, e bó a suŋnín e mò. Fo rám seé Isray si sidzə̀m, bó m yòʼ‑oò shòʼ a dzə̀ kfə́ə rə́ à? Áwune kfə̀n sə́ vidzə̀ vé nyàm se á ton e mǒ kiy cù. Bó yòʼ fò mo vitaáví ji á wáa sə à?

Cù 8:7

Wù màysì, e lì kikúm ke da ke fəvír kí, e màʼ e Aaron wùn, e kùr kikuúví. Wù kúr, e lì kikúm ke səənén kí, e màʼ sa e wùn wó, e nèn màʼ shiŋkèéy shé kikum é kitu wo, e nàŋsín, e lì kinsiŋ keé shiŋkèéy ke á bonen, e tsə̀m, e kùr e Aaron mentìntìn ji kí ghár.

1 Samuel 14:3

Taà cù wo wù maʼ shiŋkèéy shé kikum wáa dzə sa fo, a yír rəə́‑əə̀ dzə̀ Ahija, a dzə̀ wan Ahituv woo lúmer Ikabod woo wan Finehas. A Finehas dzə̀ wan Eli, a Eli dzə̀ taà cù wo wù‑uù dzə́ e Shilo. Jonatan yiì lò lò, la wìr yòʼ kìíy.