1 Samuel 2:10 - ŊWÀʼ NYÙY

¹⁰ Nyùy Tàr wíy bvəʼə́y aŋgàa vibàn və́. Wù wíy wam áwune fó yuv é njà kishèv, e lovtí e kitú ke nsay ki lóvtín kidzə̀m. Wù wíy fo vitaáví e fòn və. Wù wíy tavír sáʼ wìr wo wù yoʼon.»

1 Samuel 2:10 Referans Kwoze

Nsùyrì Nyùy 2:9

À wíy dzə̀v áwune e mbàŋ kishà, e bvəʼtí áwune mo á bvə̀ʼtí ntòn mbóm.› »

Nsùyrì Nyùy 89:24

M kù wíy a tiy vèr Davir, a kòŋ wun ghán sidzə̀m. M wíy sə wun, é wù ton aŋgaà və́ vibàn adzə̀m.

Nsùyrì Nyùy 96:13

Á kú a sheʼrí wun, bìʼ fo wù sí wiyì, a wù wiy ji wun sáʼ kitú ke nsay. Wù yíi a saʼ kitú ke nsay là kiloʼ, a saʼ vitúm e suuyrú və.

Ŋwàʼ Fəə 15:6

«Éè Nyùy Tàr, kóy wó yìyí kér vitaáví ve wiy ví. Éè Nyùy Tàr, kóy wó yìyí tee vé vibàné.

Nsùyrì Nyùy 98:9

Á wáa yòv, a səəsí Nyùy Tàr, wun, wo wù wiy ji wun sáʼ á kitú ke nsay. Wù wíy a saʼ wir dzə̀m e dzəə yee réŋ, a saʼ vitúm e dzəə yee tìítiy, là kiloʼ.

Nsùyrì Nyùy 20:6

Rúrú, m kì ji Nyùy Tàr wíy sə fon wo wù yoʼon. Wù kù wíy yu bunrì fòn, e bìnèr wun fo wun laʼ ye ranén yeé yuv. Wù wíy kaáy e vitaáví və́ ve ghaʼán ví, é fòn só rə́r.

1 Samuel 7:10

Kù mo Samuel yii cu ye tonèné bey, wír veé Filistiàa wáa nəə́ áwune e rə́r sí. Nyùy Tàr nèn yiì, kishèv ki wáa wamkír, a baykír, wír veé Filistiàa wáa fàn, a leʼ wír veé Isray léʼén.

Ŋwàʼ Luk 19:27

Á bèy lèn, fo aŋgaà vém vibàn ve vé‑eè tén fo m wáa saʼ áwune, vèn wiy shó lèn, e yùyrí e mǒ si.› »

Matio 28:18

Jesus kóʼtí, e sùúy aáwune jii, «Nyùy wày ne sáʼ yeé yuv wùn à yeé nsayi e dzə̀m e mǒ kiwo.

Ŋgaà Tàrvìnyò 12:14

Kinyo kidzə̀m ke wìr yii ki dzə̀, a Nyùy wíy tàr kidzə̀m, kìn dzə̀ ke juŋ ki, kìn ke bi kí, kìn ke á yiìn é kilìtì.

Ŋgaà Tàrvìnyò 11:9

Wánlè nsùm, yuúrí. Á yu vijuŋ vé vi lèn wo à dzəə́ yii vinsùm. Mo à yii vinsùm, kú a sàvnìn kishiíy kidzə̀m. Á yiì kinyo ke à kwàʼtìn kí, a yiì ke shilív shé shi báŋri ki. Yii bèy, kú a kiíy ji Nyùy kù wíy tiír wò e kibàʼ ke nsaʼ fo vinyò vidzə̀m ve à yiìn.

Nsùyrì Nyùy 45:7

Á kù koŋ a dzə̀ vinyo ve réŋ ví, ban yii ye bií. Á nsàv a ye Nyùy woo Nyùy və shoʼon á wun, e yòʼ, á wáa yu a vijuŋ e shaà a awàʼ və́ adzə̀m.

Nsùyrì Nyùy 21:1

Nyùy Tàr, fòn shéʼri wò bìʼ vitaáví vé ve ghaʼán ví, wù séŋ, savnìnè, bìʼ fo à yiìn ne, wù só aŋgaà və́ vibàn.

Nsùyrì Nyùy 2:6

«Mómò, m kòʼór ne wóom woo fon, e lèm e Sion woo gwan wom wo ranén.»

Nsùyrì Nyùy 2:2

Afon veé nsayi báʼti rə́r, aàtǎr wòŋe dzəʼə̀m, táŋ sáʼ Nyùy Tàr, táŋ sáʼ ŋgaà wo wù yoʼon ji fon.

Atǎr Nsaʼ 5:31

«Éè Nyùy Tàr, ku laàr aŋgaà vé vibàné adzə̀m láarin moo Sisera, é wír ve á koŋ wòo wáa dzə moo shúy ye yì tó kijàvndzə, yì kù nèn a ban a dù duùn fó mbìy.» Á bèy, nyaáŋ ku nèn a dzə e nsay Isray kiyá mkweè.

2 Korin 5:10

A vèr kì jii, vèsən adzə̀m kér fó wìy tiím e Kristu si, é wù tar vinyo vesən, é wìr wáa kav kifá a dzə̀ ke wù‑uù lim e nsay fèn, kìn dzə̀ vijuŋ, kìn dzə̀ vibí.

Lim Aŋgàa Ntum 10:38

Vèn kù‑uù lo yù ji Nyùy‑iì fò Kiyoy ke Ranén kí e Jesus woó Naasarer woo shooy, e kfə̀n fò wun vitaáví, a shìy wun, wù wáa ghan virə́ʼ vidzə̀m, a yiì vinyo ve juŋ vi, a fèr wír ve vé‑eè yén ŋgeʼ e Satan wo.

Lim Aŋgàa Ntum 4:27

Davir wáa yòŋ bèy, a kù dzə̀ kinyo ke kí‑iì kooyin é ntèʼ fen e ghan sin. Fòn Heror‑iì tàtí wùn à Poshur Payler, à wír ve bó yòʼ dzəə̀n veé Isray ámóʼó, à veé Israyi, a taŋ menàŋ e Jesus bàm. Jesus, wo dzəə̀n Ŋgaà wò Lìm wo juŋ wo wò‑oò yoʼon ji Mfə̀ə́r.

Ŋwàʼ Luk 1:69

Wù lèm ne wír wo ghaʼán wo wù wíy lùŋèr vèr, a wù lò fo Fòn Davir woo ŋgaà lìm və́ ram,

Matio 25:34

«Wù javsìnè, é wun woo Fon nèn sùúy e veé koy yìyí jii, ‹Ven ve Tàr wor bùʼùn ne, vèn wiy, e nə̀ə́ e wùn mvə̀m saʼ, a yi vijuŋ ve wù‑uù naŋsin fó ŋgùʼ, é bo ndzə wìy a kèʼ, e lèm e vèn.

Aysaya 45:24

Wíri wíy a yòŋ kee kùm mo jii, ‹Vinyo vee réŋ wùn à vitaáví ví kù lo a dzə̀ fo Nyùy Tàr cáʼcáʼ.› » Wìr dzə̀m wo wù ban Nyùy Tàr kù yíi wìy, é wù yii, aáwune wáa woomé.

Aysaya 32:1

Vèn leéy, fòn wùmòʼ wíy fəə, a sáʼ rəə́ wíy a dzə yee réŋ, a vé saʼ vəə́ wíy a ker woŋ là medzə̀jeéy.

Nsùyrì Nyùy 148:14

Wù yiì ne, wír vəə́ wáa dzə agháʼtín. Wù nàn ne yír wìr və́ é yuv, yír wìr dzə̀m wo wù tíy e wun wùn, yír wìr veé Isray ve wù koŋ e ŋàŋ. Á wáa burí Nyùy Tàr.

Nsùyrì Nyùy 89:17

Dzə̀ wò kóy wór wo tavíné, wo vèr shéʼri. Kù yíi yiì tóm ye à tóm ver, é bo vèr ton aŋgaà vér vibàn.

Nsùyrì Nyùy 28:8

Nyùy Tàr dzə̀ vitaáví vé wìr və́, a wù kiŋsìn fon wo wù‑uù yoʼon, sə́ wun, teer wun fo kpúu.

Ŋwàʼ Jov 40:9

Jov, à kér vitaáví moo mo a? A dzə̀ jì yè wàmkír é njà kishèv moo yéem a?

2 Samuel 22:14

Nyùy Tàr súŋnín fó yuv, á yú jí Taà Vitu, a yì báykir fo fo.

2 Samuel 7:13

Wíy a dzə wun wo wù wíy bàʼrì lav ye m wáa dzə sho. M wíy yiì, é sáʼ rəə́ wáa tiy fo ghán sidzə̀m.

2 Samuel 7:8

«Á bèy, dù ri, e sùúy e ŋgaà lìm wom Davir ji Nyùy Tàr woo Taà Mànjòŋ suuy a jii, ‹Mò‑oò lì wò fo kwaʼ fo wò‑oò dzə́ shiy anjiì, e lèm wò ji kilìmbìy ke wìr vém veé Isray.

1 Samuel 16:1

Nyùy Tàr nèn lò, e yòŋ e Samuel jii, «À wíy sòv kitú bìʼ Saul, e dù, e meé e le? M kù mèŋ ne wun fo fòn woó Isray. Wáy meŋgvə́r mè e wò loŋ, e lì kiwuú kí é dzəə. M túm wò fo Jessi wùn é Betlehem. M shòʼ ne wán və wùmòʼ ji fon.»

1 Samuel 15:28

Samuel suúy e wun jii, «Kù dzə̀ bey mo Nyùy Tàr faàsìn ne sáʼ yeé Isray lán fo wò kiwo, a wù fò ne e wìr wo sən, wo dzəə̀n wír woo réŋ, a wù kfə̀n shaà wò.

1 Samuel 12:18

Samuel nèn bùnrì Nyùy Tàr é kishiíy fóo fèy, wù tsə́nsí wuú. Á bèy, wìr dzə̀m wáa fàn Nyùy Tàr wùn Samuel e ŋàŋ.

1 Samuel 12:13

«Á bèy lèn, fòn wo vèn shoʼon və̀ne. Vèn‑eè dzə̀r fon, a Nyùy Tàr fò ne e vèn.

1 Samuel 12:3

Mo və̀ne a m tíy e věn si. Vèn tóʼ ri lòn wómé e Nyùy Tǎr si wùn à e fòn wo wù yoʼón si. Mò‑oò kùvrì nàʼ la? Mò‑oò kùvrì kimbèʼbìy ké la? Mò‑oò bòʼ la? Mò‑oò nə̀ʼsì la? Mò‑oò sə̀ kòyàr fo la wo wù yii, é la m yòʼ dzəə yèn jay və. A dzə̀ ji mò‑oò lo yiì kinyo fo vinyò vìn, vèn yòŋ é m siysi.»

Aysaya 29:6

Nyùy Tàr woo Taà Mànjòŋ wíy màʼ ŋgeʼ aáwuné kitu e kimbùmmbúm. Wù wíy tsənsí kishèv, é nsay wáa sə̀ʼsì, é kiyor ke tavín kí wáa koʼ. Wù wíy fəə́r shwér wo tavíné, e fəə́r kinsəm, à və́y wo wú koóme virə́ʼ kooméné.

Esiker 29:21

Wíy lòo dzə e ghan fóo fèy, é m yii, é Isray kfən tàv, é m mvəʼ shuu wó, e lèm e rə́, áà wáa suŋnín e wír vìné mvəm. Kí kooy bèy, aáwune nèn a kuumé ntum yè, a binsí, e kiíy ji m dzə̀ á Nyùy Tàr.»

1 Samuel 12:17

Bó lèn yòʼ dzə̀ lùm à? Yii bèy, m lo, e bùnrì Nyùy Tàr é wù tsə́nsí wuú wùn à kishèv ki, é vèn nèn kìíy ji dzə̀ á kinyo ke biibí kí féyì ke vèn yiìn e Nyùy Tàr e tàʼ fon.»

Nsùyrì Nyùy 20:7

Rúrú, wír ámóʼó tiir kév vifií aáwuné *vitentén vé rər, aámóʼó tiir aáwuné nyàm se ŋkoʼ. Yii bèy, a vèr tiir kér a dzə̀ é yír Nyùy Tàr woo Nyùy wor.

Nsùyrì Nyùy 89:25

M wíy way rìbà ndzə̀v e wun sar saʼ, e kfə̀n fo ndzə́v sí shó, é wù wáa saʼ.

Nsùyrì Nyùy 132:17

M wíy yiì, é wìr woo Davir ram wùmòʼ fəə́ fó ji fon wo tavín, é sáʼ ŋgaà wo m yoʼoné wìy a dù fo mbìy, e dù, e jòʼsì.