1 Samuel 18:1 - ŊWÀʼ NYÙY

¹ Davir wùn Saul súŋnín e màysì bèy, Jonatan nèn a kòŋ Davir shilív sə́ shidzə̀m réŋréŋ mo wù‑uù koŋ sa kitú kfə́.

1 Samuel 18:1 Referans Kwoze

Ŋgàn 18:24

Wìr lóo ker ŋkar sinín, wù kpù kitan, yii bèy, a ŋkar yìmòʼ bòŋ, e shaà fə́r.

1 Samuel 20:17

Jonatan kfən yiì, Davir yùŋrì mensaŋ me kikòŋnìn wùn wun, bìʼ fo Jonatan‑eè koŋ Davir mo wù‑uù koŋ kitú kfə́.

2 Samuel 1:26

Fə̀r wom Jonatan, kpú yée nə̀ə́ mo é ŋàŋ. Wò‑oò koŋ mo, a kí boŋ mo é ŋàŋ. Kí‑iì boŋ mo, e shaà mo wiíy kòŋ wán kìn lúm.

1 Samuel 18:3

Jonatan nèn gwàr *mensaŋ wùn Davir, bìʼ fo wù‑uù koŋ wun mo wù koŋ kitú kfə́.

Kolosia 2:2

A m ghitìr bèy ji Nyùy wáa tavír melív men, a yiì, é vèn maysi, e suùsín, a dzə a kitú kimòʼón. A m taʼ ji vèn gwarir kinyo kidzə̀m ke Nyùy‑iì sìysìn, e tìír e Kristu wùn, kí wáa fəəsín a dzə̀ lèn. Vèn kiiy kijuŋ mo kí dzəə̀n, é la vèn yòʼ dzə́ə a meŋnín kímóʼ kí gheéy.

Kèʼlo 44:30

«Lèn və̀n, a m lò, e kfə̀n é bàm là wán və̀n, bo tàr wor lo yen ji bó wàn yòʼ dzə̀, e nèn kpu, bìʼ fo dzəʼə̀m rəə́ dzə́ bèn, a yí dzə̀ wùn à yé wané kilàŋsìn. A kí kòóy bèy, bo vèr yiì ne, tàr wor kpú, e dù e sày e mensíy mè e si.

Remrí 13:6

«A tàm wìy lò fər wò woo wan yè won, kìn wan wò woo lumèn, kìn woo wiíy, kìn wiiy wò woó mbuùy kikùn, kìn ŋkar yè tìm, a levtí wò bámbám, a suúy ji vèn wun du, a ghvəm anyùy ámóʼó ve bó vèn aàtàr véné yòʼ‑oò ló ne kìíy.

1 Wòŋ 12:17

Davir fəə́, e yèn áwune, e sùúy jii, «A vèn wiy moo ŋkar sém, a fùnèn e mǒ mbìv, vèn tàtí ver, é vèsən wáa dzə. Yii bèy, a dzə̀ ji vèn wìy ji á fiine mo áàŋgàa vibàn vémé, fə̀m mo wó yémé dzəə̀n e ránén, Nyùy wo atǎr atàr vesəné‑eè ghvə́mé kù màʼ ŋgeʼ e věn kitu.»

1 Samuel 19:2

wù nèn tòʼ e Davir jii, «Tàr wor taʼ dzə́ə yée yuyrí wò. Kí nén a dzə jii, à bvəə́shi kijàvndzə, à wàa kiíy mo ghán yée dzəə̀n, e lèéy kirə́ʼ kí, e lìr sho.

Atǎr Nsaʼ 20:11

Wír veé Israyi nèn suùsín, e ghìʼ ŋkàlaʼ rə̀n.»

Nsùyrì Nyùy 86:11

Éè Nyùy Tàr, yéʼéy mo kinyo ke à taʼ ji m wáa yiì, é m wáa ghan e wò mbòv, a yiì vinyo ve ru ví. Yìi, é shilív shém shí wáa tiy e wò wùn ghán sidzə̀m.

1 Samuel 14:45

Á bèy, wíri nèn sùúy e Saul jii, «A dzə̀ Jonatan kpù é le? Wun wo wù màʼàn rə́r se tavín sí, e tàŋ wír veé Isray fo kpúu. Bó yòʼ dzə̀ kinyo kee bey kí kòóy. Mo Nyùy Tàr dzəə̀n shó, bo bó yòʼ dzə̀ ŋgay nəŋ shòʼóm fo wun kitu. Kinyo ke wù kì yiìn lán kìn ki dzə̀ bey, a sə̀ Nyùy wun.» Á bèy, wíri nèn sə̀ Jonatan fo kpu, la á yòʼ dzəə yùyrí.

1 Samuel 19:1

Saul yiì lò, e sùŋnín e wan və Jonatan wùn à nsheèlav sə́ sí ji áwune ku yùyrí a Davir. Yii bèy, mo Jonatan‑eè koŋ Davir e ŋàŋ,

1 Samuel 20:8

Kii wò, ku dìn koŋ yée e mò, e yùŋrì *mensaŋ me wòsò‑oò gwàrìn e Nyùy si mè. A jày mo, wówò kitú ké, à yùyrí mo. Shií wo à kfən lì mo, a fo a dzə̀ e tàr won ji wù yúyrí dzə̀ wo gha?»

1 Samuel 22:8

Á kifá ke kí yiìn, vèn wáa woŋ wúu yém a? Wìr fo vèn yòʼ‑oò lo sùúy e mò ji wan wom koò ne a viŋkar wùn wan Jessi və̀y. Wìr fo vèn yòʼ kér shií fo mò, fə̀m yée suúy e mò ji wan Jessi woo wír fo wír vémé sí taʼ a dzə́ə yée yuyrí mo, kìn ji wan wom tóm a wun.»

1 Samuel 23:18

Áwune vee wír abàá nèn yùŋrì mensaŋ me kikòŋnìn e Nyùy Tǎr si. Davir nèn gòʼ e Horesh, Jonatan kfə́n fó laʼ.