1 Samuel 17:4 - ŊWÀʼ NYÙY

⁴ Kintav ke wìr wùmòʼ woó Gat, aá yoŋ yír rə́ ji Goliat ki fəə́ fo wír veé Filistiàá kilaʼáy, a wìy ji wun səʼ á wír veé Isray. Vida və́ ví‑iì shaà kóy e kimbéʼ ki.

1 Samuel 17:4 Referans Kwoze

Joshua 11:22

Bó kiŋgáʼ ke wìr ki yòʼ‑oò lo bèr e wír veé Israyí nsay. Kù‑uù mày Gasa wùn à Gat, à Ashdod fo wír vìne‑eè berin ashàr.

1 Samuel 17:23

Kù mo wù shàʼtìn áwune bey, Goliat nèn fəə̀sín fo mbìy, a sə̀ʼ wír veé Isray mo wù‑uù sí səʼə̀. Wù lòo sə̀ʼ, Davir yú.

1 Wòŋ 11:23

Wù kfə̀n‑eè yùyrí kiŋgáʼ ke wìr woó Ejiv, a wù dzə̀ fó vidà kóy e ntàm se kiwo si sibaà, a wù kér kòŋ e wun kiwo, a shwáne dzə̀ moo mbàŋ kirèŋrèŋ bey. Benaya‑aà dù, e nə̀ə́ wun a dzə̀ e kibur ki, e faàsì kòŋ fó kiwo wo, e yùyrí wun woo wír woó Ejiv sho.

1 Samuel 27:4

Saul yiì yù ji Davir nyèŋ á ne, e dù a e Gat, e nèn yàr fó a tàʼ wun.

Remrí 3:11

(Fòn Og‑iì dzə̀ kinjòʼsìbàm ké wìr woó rám Refayim. Ŋkùv və sày‑iì dzə̀ wo tìy, a wù‑uù dzə̀ kóy e baà e ntàm si sibaà fó vida, a mbvə̀ʼ dzə̀ kóy e fur. A dzə̀ á yèn é Rabba wo dzəə̀n ŋkàlaʼ wìr veé Ammon.)

Amos 2:9

«Yii bèy, Isray, mò‑oò tàtí, e laàr wír veé Amor, a dzə̀ bìʼ ven. Wír, a vé‑eè dàrkìr moo vicí vé *sidar, e tàv moo vee *oak. M tátí, e laàr áwune wùn à run yéví, e tàtí, e laàr, à gháŋé shó fo nsay.

1 Samuel 17:3

Wír veé Filistiàa‑aà tìím é gwan wùmòʼ, wír veé Israyi tiím e wùmòʼ, a kiwoóy kí dzə̀ aáwuné kintìntìn.

1 Samuel 17:5

A wù sóv kikóŋ ke tan, aá fér e kisha kee *brons ki, e kfə̀n màʼ kikúm, aá fér sá e kisha kee brons ki, a vidzəəsì vé kikum ví dzə̀ moo akilu nshòv saàmbà e mtàn bèy.