1 Samuel 15:3 - ŊWÀʼ NYÙY

³ Dù lèn, e nə̀ə́ wír veé Amaleki e rə́r sí, e laàr áwune wùn à kifá kév kí kidzə̀m. Lá à yòʼ bàvtí kifá fo. Yúyrí vilum wùn à vikìy, à wóné, à wón ve bóri. Yúyrí sá anàʼ wùn aànjìi, aàkameri, à vimbèʼbìy ví.› »

1 Samuel 15:3 Referans Kwoze

Kintaŋ 24:20

Balaam nèn màʼ sí, e lèéy nsay Amalek, a tin kàʼ və jii, «Amalek‑iì dzə̀ kitúm ke mbìy ki e vitúm ví mvəm, yii bèy, a kimaysì kév kí wíy a dzə ji á laar áwune.»

1 Samuel 22:19

Wù kfən dù, e laàr Nov wo dzəə̀n ntèʼ atàá cù. Wù‑uù yùyrí vilum wùn à vikìy, à wón vee ŋgày sé wìr, à ve bóri, e kfə̀n yùyrí sa anàʼ wùn à vimbèʼbìy ví, aànjiì vee fóo.

Kintaŋ 31:17

Bo dzə̀ lèn jii, vèn yúyrí wón vee vilum adzə̀m, e yùyrí vikìy wùn à wónlě ŋgòn ve á kiiyin ne lumène adzə̀m.

Ŋwàʼ Fəə 20:5

Lá vèn yòʼ a ghvəm, lá vèn yòʼ a cù mebvə̀m mee shooy, bìʼ fo mo woo Nyùy Tàr woo Nyùy won dzəə̀n Nyùy wo wù kíyri ven é ŋàŋ. M yii maʼ ŋgeʼ e wóné wùn à wón woné, à wón wón woné, bìʼ ban ye atàr véví ban mo.

Kèʼlo 36:12

Timna wo Elifas‑iì lèmèn dzəə́ Amalek. Á wón ve vé‑eè ràmèn fo Esav wùn wiiy və woo Ada.

Ŋwàʼ Fəə 17:14

Nyùy Tàr nèn yòŋ e Mooser jii, «Sáŋ kinyo kìn ki é ŋwàʼ ji á fiʼ wìy a kuumé. A kí dzə̀ jii, m wíy laàr wír veé Amalek e dzəə ye bó wìr yòʼ dzəə́ wìy yu kikum kév é kitu ke nsay. Ku yòŋ kinyo kìn ki e Joshua kitùʼùr.»

1 Samuel 14:48

Wù‑uù màʼ rə́r moo lumèn bèy, e tòn wír veé Amalek, e sə̀ wír veé Isray fo wír ve vé‑eè nəʼsì áwuneé wo.

1 Samuel 15:9

Saul wùn à wír vəə́ bávtí Fòn Agag, e kfə̀n bàvtí anjiì ve juŋe wùn aànàʼ ve juŋe, à wón nàʼ ve faŋkìné, à vé njiì ve faŋkìné, à kifá kidzə̀m ke kí‑iì dzəə̀n kijuŋ ki. Á yòʼ‑oò ló a kòŋ e laàr kifá ke juŋ ki, á nèn laàr a dzə̀ ke bi kí wùn à ke kí‑iì giikin kí.

1 Samuel 15:18

Wù wìy lò, e tùm wò ji à du, e fùnèn, e laàr a wír veé Amalek ve bi víne adzə̀m, é la wìr yòʼ à bèr.

1 Samuel 27:9

Davir nəə́ rə́r bey, e yùyrí vilum wùn à vikìy adzə̀m, e kùúy anjiì wùn aànàʼa, à vimbèʼbìy ví, aàkameri, à ndzə̀y sí, e nèn kfə̀n é bàm, e yèn Akish.

1 Samuel 30:17

Ndzə bvəə́shi, e jàv, Davir nəə́ áwune e rə́r sí, e màʼ, e dù mèé e ŋkuùr. Wìr mòʼón fo áwune yòʼ‑oò lo lèʼ, kù‑uù jòʼsì wónlě nsùm vee ghii kweè ve vé‑eè koʼon akamer, e lèʼ.

2 Samuel 1:8

Fòn dzə́r e mò ji m sà dzə̀ wír woo feé á? M bínér ji m dzə̀ á wan wìr Amalek.

Joshua 10:39

e tòn wùn à fòn wov. Á kfən tòn sa ŋkà se laʼ sév sidzə̀m, e laàr wir dzə̀m ŋkuuŋkùŋ, la wìr yòʼ bèr. Joshua‑aà lòvtí e Debir réŋréŋ mo wù‑uù lovtin e Hebron, e lòvtí e Libna wùn à fòn wov.