1 Samuel 15:1 - ŊWÀʼ NYÙY

¹ Wìy lòo dzə e ghan símóʼ sí, Samuel suúy e Saul jii, «Dzə̀ mo və̀n wo Nyùy Tàr‑iì tumen ji m yóʼ á wò ji fon wìr və́ veé Isray. Lèn və̀n, yuúrí ri kinyo ke wun woo Nyùy Tàr suuy e wò ki.

1 Samuel 15:1 Referans Kwoze

1 Samuel 9:16

bvəə́shi lòo dzə a e ghan fen kibvəə́shí, é wun tsə́nsí á wír fo wun wùn wo wù loòn á fo nsay Benjamin. Samuel yéné, wù yòʼ á wun e meŋgvə́r mè ji ŋgaà saʼ wo wù wáa saʼ wír Nyùy Tàr veé Isray. A wun wíy sə a áwune fo wír veé Filistiàá wo, bìʼ fo wun yenen á ne ŋgeʼ se wìr və́, e kfə̀n yù á tóŋ yév.

1 Samuel 12:14

Vinyo vén vidzə̀m vi yíi a dù kijuŋ, a vèn à fòn won fèn jumrì Nyùy Tàr, ghvə́m wun, lim fo wun, yú wun, kfə̀n yúnin sa nsər sə́.

1 Samuel 13:13

Samuel suúy jii, «À yiì a dzə̀ kiyúŋ ké kinyò. À yoʼ lò yùnín nsər ye Nyùy Tàr woo Nyùy won foon e wò. A dzə̀ ji à waà kì yùnín, bo à kì wíy a saʼ Isray ghán sidzə̀m.

1 Samuel 10:1

Samuel nèn lì meŋgvə́r me yoʼ e loŋ, e səə̀rì e Saul kitu, e baàmé wun, e sùúy jii, «Nyùy Tàr yòʼ ne wò ji taà saʼ wìr və́ veé Isray.

1 Samuel 9:15

Kí wáa koóy bèy, a Nyùy Tàr‑ii yii ne, Samuel kiíy, é bo Saul bvəə́shí a wìy, ji

2 Afòn 7:1

Elisha bìnèr jii, «Yuúrí ri jí Nyùy Tàr. Nyùy Tàr suuy jii, ‹E ghan fen kibvəə́shí, á bvəə́shi, a fìʼ meŋkfəŋ me kpuún mè, a fiìnè *shekel e mòʼón mòʼón, e kfə̀n a fìʼ sáŋ yee *barli mfìʼ sibaà, a fiìnè shekel e mòʼón mòʼón, e shùu kày yeé Samaria.› »