1 Samuel 14:3 - ŊWÀʼ NYÙY

³ Taà cù wo wù maʼ shiŋkèéy shé kikum wáa dzə sa fo, a yír rəə́‑əə̀ dzə̀ Ahija, a dzə̀ wan Ahituv woo lúmer Ikabod woo wan Finehas. A Finehas dzə̀ wan Eli, a Eli dzə̀ taà cù wo wù‑uù dzə́ e Shilo. Jonatan yiì lò lò, la wìr yòʼ kìíy.

1 Samuel 14:3 Referans Kwoze

1 Samuel 22:20

Yii bèy, wan Ahimelek woo lumèn wùmòʼ lò, e lèʼ, a yírí dzə̀ Abiyatar. Wù léʼ, e dù, e tàtí Davir,

1 Samuel 4:21

Wù shù yír wan ji Ikabod, shu bèy, suuy jii, «Viwìr veé Isray vi dù ne.» A wù‑uù shu bèy, bìʼ fo vé‑eè faàsìn ne ŋkùv mensàŋ Nyùy, tàr à lum və kpú, á kfən yùyrí lúm və.

1 Samuel 2:28

Mò‑oò shòʼ kfə́ə rə́ ji yí wáa dzə atàá cù vém, a lìm e mǒ kiy cù, a tòn kiláy, é wìr kfə́n a màʼ shiŋkèéy shé kikum, e bó a suŋnín e mò. Fo rám seé Isray si sidzə̀m, bó m yòʼ‑oò shòʼ a dzə̀ kfə́ə rə́ à? Áwune kfə̀n sə́ vidzə̀ vé nyàm se á ton e mǒ kiy cù. Bó yòʼ fò mo vitaáví ji á wáa sə à?

1 Samuel 1:3

Yì‑iì lóo dzə kiyá kidzə̀m, Elkana lò fó Rama, e kòʼ é Shilo ji wun du, e ghvə̀m Nyùy Tàr woo Taà Mànjòŋ, e cù wun, aàtàá cù Nyùy Tàr veé ghan fene‑eè dzə̀ Hofni wùn Finehas vee wón Eli.

1 Samuel 14:36

Saul suúy e wíri jii, «Vèsən nyoori wír veé Filistia vitsə́ʼə́, e laàr áwune, é bo ndzə wáa ran. Lá vèsən yòʼ màʼtì, é wìr fo áwuné mvəm goʼ e tin.» Wíri bìnèr jii, «Yiì kinyo ke kí gheenen wò ki.» Taà cù nèn sùúy kfə́ jii, «Vèsən tombìy tàr o fo Nyùy.»

1 Samuel 2:18

A wan woo Samuel kù dzə́, lim fo Nyùy Tàr, a wù maʼ shiŋkèéy shé kikum ké cù, aá bá e làv wo fəvír.

1 Samuel 4:4

Wír veé Israyi nèn tùm wíri é Shilo ji á du, e wìy a e ŋkùv mensàŋ Nyùy Tàr woo Taà Mànjòŋ, wo kàvàʼ və dzəə̀n é nsàn vifa veé yuv, ve ví tíynin e nsər ŋkùv, a ví kér vav si. Á wáa wìy e ŋkùv mensàŋ Nyùy, a wón Eli vee Hofni wùn Finehasi dzə̀ é ŋgoo.