1 Samuel 13:9 - ŊWÀʼ NYÙY

⁹ Wù nèn sùúy, wíri wìy e vifá ve cù ye tonèn ví wùn à vé cù kikòŋnìn vi. Á wìy sho, Saul nèn yiì cu ye tonèné.

1 Samuel 13:9 Referans Kwoze

1 Afòn 3:4

Fòn Solomon nèn wìy lò, e dù e Gibeon ji wun cu á Nyùy fo, bìʼ fo dzə̀ fó fo kíy cù wo kuʼùné‑eè dzəə̀n, e kù nèn a yiì cu fo, e dù meé kàŋ nsə̀kì.

Remrí 12:6

Dzə̀ fó, fo vèn wíy a wìy e cu yén ye tonèné, à ye seeríné, e kfə̀n a wìy e nsùʼ woo kintóʼ ke kifa kee kimòʼón ki fo vee ghvə̀m vi, a wìy e kfəə́ se cù si jeéy jeéy, a wìy e cu ŋkàʼmée, à yé kimbòŋwùné, e kfə̀n a wìy e kifá kee dzə́ə mbìy ki fó mvə̀m nyàm si, kìn fo věn bvəy si.

Aysaya 66:3

Yii bèy, ké wìr wo wù ŋwáy mo kí dzə̀ kfə́ jii, wù cu mo e mbòŋ, m kù a lì kém wun moo ŋgaà kinjuyrì. Wù cu mo e wàn njiì, m kù lèéy kém wun moo wír wo wù cu mo e jwi. Wù cu mo e viyíkìr vi, m lì kém wun moo wír wo wù cu mo e mensə́ me kǔnnyàm mè. Ŋgaàŋ lóo tòn kiláy kee *frankinsen ji m wáa kuumé wun, m wàa yen kém woo shooy moo wír wo wù mbaa a dzə̀ anyùy. Rúrú, kfə́ə wìr vee béne ŋwày ne mo, e kù a yiì a dzə̀ vinyo ve ví gheen áwune. Á kù sí yú vijuŋ, a dzə̀ e vinyo ve kisaŋ ve m yòʼ tíy sho vi.

Ŋgàn 21:27

Nyùy ban cu wìr ve á méŋ wun, bo taaka ye wìr yii wùn à kwaʼtì ye bií.

Ŋgàn 21:3

Yii yee réŋé wùn à kinyo kee tínén é nsànloŋ, kí boŋ fo Nyùy Tàr, e shaà cu.

Ŋgàn 20:22

Lá à yòʼ a sevtí ji m kù yíi siìr ŋkfə́tír, màʼtì, é tóm Nyùy Tàr ghay wó.

Ŋgàn 15:8

Wír ve á méŋ Nyùy Tàrí lóo cù wun, wù tèn cu yév. Wír ve á tíy réŋ e Nyùy kinyòo lóo bùnrì, Nyùy wàa yu vijuŋ.

Nsùyrì Nyùy 37:7

Dzə̀ʼə̀m ji nyaáŋ e Nyùy Tǎr si, a yuurí a dzə̀ wun. Lá à yòʼ a yu ntéŋ bìʼ wír wo vinyo və́ ví du kijuŋ, wír wo wù rə́si bá menàŋ, a vinyo və́ ví gháné.

2 Samuel 24:25

Fòn Davir nèn bòm kíy cù Nyùy Tàr fó, e yiì cu ye tonèné wùn à yé kikòŋnìne shó. Nyùy Tàr nèn yù bunrì ye wù‑uù bunrì bìʼ woŋ və́, kifə̀ʼ kìy ki mày fo Isray.

1 Samuel 14:18

Saul suúy e Ahija jii, «Wìy e ŋkùv mensàŋ Nyùy.» Wù‑uù suuy bèy, a ŋkùv mensàŋ Nyùy dzə̀ e wír veé Israyí mvəm é kishiíy fóo fèy.

Remrí 12:5

Vèn kù wíy a tàʼ a dzə̀ kirə́ʼ kee shó ke Nyùy Tàr woo Nyùy won wíy shoʼ fo rám sén sí nsay, e lèm ji kfə́ ke á wáa cù wun fo. Ghán se vèn wiy e wun si, a cù wun, vèn kù dù a dzə̀ fó.