1 Samuel 13:4 - ŊWÀʼ NYÙY

⁴ Wìr dzə̀m woó Isray nèn yù ji Saul tòn a ne wír veé Filistia aáwuné kilaʼáy, a vibàn vév ví kù fòy a ne fóyin. Mànjòŋ nèn fəə̀, e dù, e bàʼtí e Saul ghaŋ e Gilgal.

1 Samuel 13:4 Referans Kwoze

Kèʼlo 34:30

Jakov dù, e sùúy e Simeon wùn Levi jii, «Vèn wìy ne e lòné e mǒ kitu. Vèn yiì ne, m bír fo wír veé Kanane, à wír veé Peris ve á dzəə̀n é wòŋàne, a wìr dzə̀m sí yiì a bàn mo. Wír vémé dzə̀ ashàr, a wír vìne bàʼtí, e kèʼ rə́r vèsən áwune, bo á yíi laàr vèsən adzə̀m.»

Ŋwàʼ Fəə 5:21

e nèn sùúy aáwune jii, «Nyùy Tàr ku lèéy kinyo ke vèn yiìn, e sàʼ ven. Vèn yiì ne, vèr bír fo Farao wùn à vé saʼ vəə́. Vèn fèn wày ne shwàʼ aáwuné wo ji á yúyrí ver shó.»

Sekariya 11:8

Wáa dzə e mvə̀m ŋwee e mòʼón, m jùm anshìy ataár. Wúné kfən kìn mo bìʼ njiì və̀y, m kòsìn sa fo áwune.

1 Samuel 10:8

Á bèy, áà nèn a səy fo mǒ mbìy e Gilgal. M yíi wìy, e yen wò fo, e yiì cu ye tonèné wùn à cu kikòŋnìne. À yíi dzə̀ʼə̀m fo kishiíy saàmbà, é bo m wiy, e naàrì wò kinyo ke à wáa yiì.»

Joshua 5:9

Nyùy Tàr yòŋ Joshua, e sùúy jii, «Lán və̀n, m tsə̀ʼ ne nshoórsí woó Ejiv fo věn kitu.» Mo Nyùy suuyin bey, á nen yòŋ fó ji Gilgal, e shem lán.

Kèʼlo 46:34

vèn bìnèr jii, ven vee akwàn vəə́ yii shiy a nàʼ wùn à bvə́y si, e kèʼ fo meterí, e wìy meé lán, réŋréŋ mo atàr véné‑eè shiyì. Vèn yoŋ bèy, aá nèn màʼtì, é vèn dzəʼəm é mbìv wòŋ yee Goshen, bìʼ fo wír veé Ejivi yòʼ yii tíy aànshìy nyàmé kinyò.»

2 Samuel 10:6

Wír veé Ammone ló, e yèn ji ké wùn à Davir ki fòy ne a fòyìn, á nèn dù, e yùn vé rərí fó Siiria. Á fó áwune vé rərí nsə̀kì mbaà, aá fəə́ fó Bet‑Rehov wùn à fó Tsoba. Ámóʼó vee wíri kfən fəə̀ fó Tov nsə̀kì nshòv sibaà e ghvə̀m. Fòn woó Maaka wìy sa wùn à wíri nsə̀kì.

1 Samuel 27:12

Akish wáa tiír vifií e Davir wùn é ŋàŋ, tiir bèy, yén ji mo wír veé Israyi sí ban Davir e ŋàŋ, bo wù kù sì á wir lìm və, e wìy dù, e mày.