1 Samuel 13:3 - ŊWÀʼ NYÙY

³ Jonatan nèn lò, e nə̀ə́ wír veé Filistia e rə́r sí, aáwuné kilaʼáy e Geba. Sáʼka dù e wír veé Filistiàá mvəm. Saul suúy, á tóŋ sóŋ, e kaàrí woŋ sho, e tàr ji wír veé Israyi fiʼ yù á sáʼka wo wù dzəə̀n.

1 Samuel 13:3 Referans Kwoze

1 Samuel 10:5

«Kee shooy ki shaa, à dù é Gwan Nyùy e Gibea fo wír veé Filistiàa kér kilaʼáy ké vé rərí. À yíi lòo nəə́ e mvə̀mlaʼ, áà tárnín vèn à ŋgoo aŋgàa ntum Nyùy, aá sə́y fo kirə̀ʼ ké cù, kum lúŋ sí, kum nshùm, kfə̀n tóŋ loŋ. Áwune yíi a yòv, a taŋ Nyùy.

Atǎr Nsaʼ 3:27

Wù dù, e mèé, e nèn tòŋ sóŋ é wòŋ agwan woó Efrayim foo fèy. Wír veé Israyi báʼtí, wùn áwune nèn a səy fo agwan fèy, a wù sì kilìmbìy kév.

Atǎr Nsaʼ 6:34

Yii bèy, Kiyoy ke Nyùy Tàr kí nèn wìy, e bànrí Gidiyon, wù tóŋ sóŋ, wír veé Abieseri yú, e bàʼtí, a dù e wun bàm.

Sekariya 14:10

Woŋe wíy kfən e mboʼ e dzə̀m, e kèʼ fo Geba, e dù, e meé e Rimmon, e mbìv Jerusalem yee tsə́n. Yii bèy, a Jerusalem kù wíy gòʼ, a nyaʼ e wun kirə̀ʼ. Ŋkàlaʼ wíy neèm, e kèʼ fo Shùu Kày Benjamin, e dù, e meé e Shùu Kày woó Kor, a dzə̀ fo shuu wúmóʼó‑oò dzəə̀n fó mbìy, e kfə̀n kèʼ fo Kirùmèn ke Hananel, e dù, e bàʼ e bii wo á yii nyeŋ meluʼ meé ntoʼ sho.

Aysaya 10:29

Á kòʼ ne kiŋgwàmrì, e bìʼír, aá sí bee vitsə́ʼ vé lán vi é Geba. Wír veé Ramàa sí yaʼ yàʼàn, a wíri sàm ne fo Gebea, ŋkàlaʼ feyì ye yì‑iì dzəə̀n ye Fòn Saul.

2 Samuel 23:14

a wù dzə̀ é kirə̀ʼ ké kilìr, a kiláʼáy ké wìr veé Filistia ki dzə̀ é Betlehem e ghan fóo fèy.

2 Samuel 20:1

Ŋgaà ŋgeʼ ye foón wùmòʼ wáa dzə e Gilgal foo fèy, a yír rəə́ dzə̀ Sheba, a dzə̀ wír woó kfəə Bikri, a dzə̀ rám Benjamin. Wù nèn lò, e tòŋ sóŋ, a waamé, a suúy e wír veé Israyi jii: «Á mèŋ ne vèsən fó wìr Davir. Vèsən fəə́ fo wàn Jessi kinyò. Àáy, wìr veé Isray, vèsən wáa kfənkír e melav.»

2 Samuel 2:28

Joav nèn tòŋ sóŋ, wìr dzə̀m tiím, e làa yòʼ dzə́ə a nyoòrì afə́r vév. Vindzəʼ vi nèn mày.

1 Samuel 13:16

Wù nèn lì wán və Jonatan, à wír ve wùn áwune‑eè dzəə̀né, á dù, e beè e Geba e nsay Benjamin foo fèy. Wír veé Filistiàa beè kév a dzə̀ é Mikmash.

Joshua 21:17

Fo nsay rám Benjamin, vé‑eè shòʼtí ŋkà se laʼ see jii, Gibeon wùn à Geba,

Joshua 18:24

Kefar‑Amoni, Ofni, e lì Geba. A dzə̀ ji ŋkà se laʼ nshòv sibaà e ghvə̀m wùn à ntèʼ sév sí.