1 Samuel 12:3 - ŊWÀʼ NYÙY

³ Mo və̀ne a m tíy e věn si. Vèn tóʼ ri lòn wómé e Nyùy Tǎr si wùn à e fòn wo wù yoʼón si. Mò‑oò kùvrì nàʼ la? Mò‑oò kùvrì kimbèʼbìy ké la? Mò‑oò bòʼ la? Mò‑oò nə̀ʼsì la? Mò‑oò sə̀ kòyàr fo la wo wù yii, é la m yòʼ dzəə yèn jay və. A dzə̀ ji mò‑oò lo yiì kinyo fo vinyò vìn, vèn yòŋ é m siysi.»

1 Samuel 12:3 Referans Kwoze

Lim Aŋgàa Ntum 20:33

«Vèn kì sá mo mò‑oò dzəə̀n. Bó m yòʼ‑oò ló a siimé mbàm, kìn ndzə̀y sé wìr wùmòʼ gheéy. Mò‑oò lim lim a dzə̀ e wó yém rə́ne, bo vèr aàŋgaà vém ŋgoo wáa yikír.

Kintaŋ 16:15

Mooser yú, a shwiíy kilòŋ é ŋàŋ, e sùúy e Nyùy Tàr jii, «Lá à yòʼ səə̀sí cu yév. M yòʼ‑oò ló a nə̀ʼsì wír fo áwune. A fə̀m dzə̀ kimbèʼbìy ké wìr, bo bó m yoʼ faàsì.»

1 Pita 5:2

A m tír ven jii, vèn kú a leéy a fo kintatì ke Nyùy wayin e věn kiwo ki, a dànèr mo wìr yii danèr njiì və. Vèn wáa leéy feyì kijuŋ ji kòŋ a ven, e làa yòʼ a leéy mo á kàn ven kánen. Lá vèn yòʼ a leéy, a dìy mbàm, bìʼ fo kee shooy ki dzəə̀n woómé se kuʼùn sí.

1 Samuel 24:6

Wù suúy e wír vəə́ jii, «Nyùy Tàr shàʼnín fo m yii kfə́ə kinyò kee ben e tàr wor, wun wo Nyùy Tàr shoʼon, á yóʼ ji fon, kìn ji m nan kiwó kém, e kùm wun sho, bìʼ fo shoʼon Nyùy Tàr wun.»

Remrí 16:19

Lá áwune yòʼ wìy tìnén nsaʼ e kiloʼ ki. Lá á yòʼ wìy a sə kòyàr, bìʼ fo kí yíi yiì, é wìr tínén nsaʼ kintéŋ, a ŋgaàŋ fə̀m dzə̀ fií, kìn wír wo wù lo, wù yiì kinyo tìítiy.

1 Tesalonika 2:10

Vèn‑eè ló a yen, Nyùy wáa yen sa, mo liì wor‑iì dzəə̀n e ven vee aŋgàa biimée mvəm. Bó vèr yòʼ‑oò ló a shwìv wír wùmòʼ gheéy. Vèr‑iì yii vinyo réŋréŋ là kiloʼ.

1 Samuel 12:5

Samuel suúy jii, «Nyùy Tàr dzə̀ a yú kinyo ke vèn suuyin, a wù dzə̀ njen lán ji vèn yèn á ji m dzə̀ là njò, a fòn wo wù yoʼon dzə̀ sá njen.» Áwune bínsí ji Nyùy Tàr dzə̀ njen.

1 Samuel 10:1

Samuel nèn lì meŋgvə́r me yoʼ e loŋ, e səə̀rì e Saul kitu, e baàmé wun, e sùúy jii, «Nyùy Tàr yòʼ ne wò ji taà saʼ wìr və́ veé Isray.

Ŋwàʼ Fəə 23:8

Lá wìr yòʼ sə̀ kòyàr, bìʼ fo wù yíi yiì, é wìr wo wù sí yén virə́ʼ kfə́n ji mfìr, aá shwiv nsaʼ wìr woo là jay.

1 Tesalonika 2:5

Vèn kì kijuŋ, a Nyùy kì sá bèy, ji bó vèr yòʼ‑oò lo wìy, a leèrì wíri léerin, a bó vèr yòʼ‑oò lo bòm sá kinyo ji á fíʼ koóy kifá.

Ŋwàʼ Fəə 20:17

«Lá wìr yòʼ siìmé kifá ke dzəə̀n ké wìr wùmòʼ. Lá wù yòʼ siìmé wiiy ŋgaàŋ, kìn kwàn və́ woo lumène, kìn woo wiíyi, kìn nàʼ və, kìn kimbèʼbìy kfə́, kìn ka ke dzəə̀n ké ŋgaàŋ.»

Ŋwàʼ Luk 19:8

Wùn áwune dù, e lòo dzə, Sakiyor yiì lò, e nànèn, e yòŋ Jesus jii, «Tàr, ku yuùrí, m yíi toʼnín vifá vém é ntìntìn, e jàv mbìv yìmòʼ e vé ŋgeʼe. A m kfə̀n yíi leéy, yén, a mò‑oò ló ne bòʼ wír, é m siir kifá kee shooy e ŋgaàŋ akàŋ akweè.»

Matio 22:21

Á bìnèr jii, «Dzə̀ ké Fòn woó Rom, a yírí kù dzə̀ rə́.» Jesus nèn sùúy jii, «Kifá ke dzə̀ vèn kù fò e Fòn woó Rom, vèn wáa fo sho, a fo ké Nyùy e Nyùy.»

Cù 6:4

a wìr lòo dzə, e jày, e lì njò, bo wù kù siir kifá kee shó. Kìn dzə̀ ke wù shoŋen shóŋén, kìn ke wù shwìvìn shwívin, kìn ke vé‑eè lèmèn e wun, wù kúvrí. Kìn dzə̀ kifá ke kí làyìn, wù bóŋ, e lìtì,

Ŋwàʼ Fəə 22:4

Wáa dzə, a nyàm ye wù kì shoŋen dzə̀ə́ e wun lèm e tin, á sə̀, é wù kfən làʼ e nyám si sibaà.

2 Korin 12:14

Mo m kfə̀n sí báʼti lèn ji m wiy, e ghàn ven fó akàŋ vee ataár, m kù kfə̀n yíi wìy, e làa yòʼ a leéy kifá fo vèn gheéy. M wiy a dzə̀ ven, bó m yòʼ wiy mbàm sén. Wón ve terií yòʼ yii leey fo kitàr kí, yii leey kitàr fo wóné.

1 Samuel 2:35

A m wíy yiì kee ji yiì a mo, é taà cù woo jwáʼ wáa dzə wo wù wíy a yiì kinyo kidzə̀m ke m koŋè. M wíy səə̀vì wun, é rám rəə́ wìy a lìm ji atàá cù fòn wo m wíy koʼór, e yoʼ.

1 Samuel 12:4

Áwune bìnèr jii, «À yòʼ‑oò lo bòʼ wír, à yòʼ‑oò ló a nə̀ʼsì ver, aà yòʼ‑oò lo sə̀ kòyàr fo wìr kiwo.»

Ŋgàn 15:27

Wìr jum séʼ kiŋkùvrì, wù maʼ ŋgeʼ e wun lav, a wìr wo wù wíy shiíy dzə̀ wo wù ban kòyàr.

Cù 6:5

kìn dzə̀ kifá kiné kí ke wù kùvrìn, e lìʼ, e kàn yír Nyùy kisáŋ. Wù kù siìr kifá kee shó e wun kishiíy ké cù yee bìʼ njò. Wù lóo siìr, é wù kfən dzə̀sì kintóʼ kímóʼ kí shó. Kintóʼ kee shooy ki kú a dzə moo, aá kì jàv kifá kee shooy virə́ʼ vitàn, á lì kee kimòʼón kí. Wù dzəsì, é wù nèn fò lèn kidzə̀m e ŋgaà kifa.

1 Samuel 24:7

Davir súŋnín jí sìn bèn, e nèn sə̀r wír və́, e làa yòʼ biimé ji á kum á Saul. Saul lò fo mbvə̀ʼ, a dù du rə́,

1 Samuel 24:11

Tàr wor, á wàá leéy, á leéy á kinsàr ke ndzə̀y ke m kér e kiwo kìn. M tìn á fo wun kikum, e làa yòʼ yuyrí a wun. Kin ki yiì ne, á kiíy á ji m yòʼ méŋ a sáʼ rə́, a bó m yòʼ taʼ e yuyrí a wun. Á jwím mo ji á yúyrí, a m yoʼ fə̀m jày á kinyo e wun.

1 Samuel 26:9

Davir nèn sùúy e Abishay jii, «Lá à yòʼ lèmér wun. A wìr làʼ kiwó e fòn wo yoʼon Nyùy Tǎr kitu, bo wù kù tò ne e kinyò.

1 Samuel 26:11

Yii bèy, Nyùy Tàr ku kìm mo fo m láʼ kiwó kém e fòn wo yoʼon Nyùy Tǎr kitu. Wòsò ku lì a dzə̀ kòŋ ye yí dzəə̀n e wun ghaa kitu wùn à kitém ke mendzə̀v kí, a dù sho.»

2 Samuel 22:22

M kù‑uù ghán a dzə̀ e Nyùy Tǎr mbòv, m yòʼ‑oò lo màʼtì dzə́ə rə, e bìn e ye kisaŋ.

Nehemia 5:11

Vèn siir kwáʼ sév wùn à súm sé vitiír vé vayin si, à sé vici vé *oliv si, à lav sév sí cér. Vèn siir sá séʼ wo vèn səən bìʼ vifá ve vèn foòrìn áwune, kìn dzə̀ mbàm, kìn vifá ve yi, kìn meluʼ, kìn meŋgvə́r.»

Nsùyrì Nyùy 15:5

Dzə̀ wír wo wù foor wíri mbàm, e làa yòʼ a dzər visókì, a bó wù yòʼ sə́ kòyàr fo wìr ji wun tiím vinjen ve kisaŋ vi. Wìr wo wù kér liì woo ben, kinyo ki yòʼ wíy sə̀ʼ wun.