1 Samuel 11:6 - ŊWÀʼ NYÙY

⁶ Saul yú kinyo kìy, Kiyoy ke Nyùy ki wìy e wun wùn, e yiì, wúné kìn wun feyì.

1 Samuel 11:6 Referans Kwoze

1 Samuel 10:10

Saul wùn ŋgaà lìm və meé é Gibea, wùn à shiŋgoo she aŋgàa ntum Nyùy shi tárnín. Kiyoy ke Nyùy ki nèn wìy e Saul wùn é dzəə ye tavín, wù tátí aŋgàa ntum Nyùy vìy, wùn áwune wáa yòv, a taŋ Nyùy.

1 Samuel 16:13

Samuel nèn lì loŋ meŋgvə̀r, e yòʼ Davir sho aàfə́r vəə́ si. Kèʼ fo kishiíy fóo fèy, Kiyoy ke Nyùy Tàr kí wìy fo Davir e dzəə ye tavín. Samuel nèn lò, e kfə̀n é Rama.

Atǎr Nsaʼ 6:34

Yii bèy, Kiyoy ke Nyùy Tàr kí nèn wìy, e bànrí Gidiyon, wù tóŋ sóŋ, wír veé Abieseri yú, e bàʼtí, a dù e wun bàm.

Atǎr Nsaʼ 14:6

Kiyoy ke Nyùy Tàr kí wìy, e wày vitaáví e wun wùn é dzəə ye tavín, wù sàr bvərə̀ʼ mo wìr sàr wan bvəy, a wù yòʼ fə̀m kér kifá kímóʼ kí e wun kiwo. Yii bèy, bó wù yòʼ‑oò lo sùúy kinyo ke kí‑iì kooyin e tàr wov wùn yè wov.

Atǎr Nsaʼ 13:25

Wù nèn kù a dzə e Mahane Dan wo wù‑uù dzəə̀n é kintìntìn ke mvə̀mlaʼ yee Tsora wùn Eshtaol, Kiyoy ke Nyùy Tàr kí wáa tiy e wun kitu, e kèʼ, a banrí wun.

Atǎr Nsaʼ 3:10

Kiyoy ke Nyùy Tàr kí wìy fo wun, e tàvír wun ji wù wáa dzə tàr nsaʼ wìr veé Isray. Nyùy Tàr yiì, wù fəə́ rə́r, e tòn Fòn Kushan‑Rishatayim woo fon woó Mesopotamia.

Atǎr Nsaʼ 11:29

Kù é ghan see shooy, Kiyoy ke Nyùy ki wìy, e bànrí Jefta, wùn à vé rər vəə́ ŋáʼáy, a shaà e mvə̀m wòŋ Gilead wùn Manasse, e dù e Mispa e nsay Gilead foo fèy, e bóo dù, e ghiʼ wír veé Ammon.

Efesor 4:26

Kilòŋ kí shwiiy wír, wù wàa yen fo kinyo ke bi kí nəə́ shó. Lá wù yòʼ màʼtì, é ndzə jí shó, a bó wù máyír,

Maak 3:5

Kinyo kee shooy ki bír Jesus, wù wáa yu nyár bìʼ shilív shév she bi shí. Wù leéy áwune sí sí, e nèn lò, e sùúy e wìr və̀y jii, «Nàsì kóy wóo.» Wù nàsì, kiwó kfə́ kí kfə́n fó.

Kintaŋ 12:3

A Mooser‑iì dzə̀ kfə́ wir kiman feyì, a bó wìr kiman wùmòʼ yòʼ kfə̀n‑eè dzə̀ shó e kitu ke nsay moo wun.

Ŋwàʼ Fəə 32:19

Mooser lòo meʼ fo mentsə̀m, e yèn shibvə̀m shee wan nàʼ shìy, e kfə̀n yèn, a wíri ceŋ, kaári, kí ŋáv wun, wù sán viwaŋ ve tiy ve wù‑uù béʼé e nsay, ví bvə́ʼə́y é sar gwan.

Atǎr Nsaʼ 15:14

Wùn à Samson wìy, e mèé e Lehi, wír veé Filistiàa nèn a rəəmé, a wìy fo wù‑uù dzəə̀n. Kiyoy ke Nyùy Tàr kí wìy, e wày vitaáví e wun wùn é dzəə ye tavín, wù tiíné akfəə̀ ve vé‑eè kurin kóy sə́ shó mo və́yí tòn làv bèy.

1 Samuel 16:14

Saul wáa dzə, a Kiyoy ke Nyùy Tàr kí‑iì bìn ne ndzə̀m e wun, Nyùy Tàr tsə́nsí kiyoy ke bi kí, kí wìy, a kàr wun.

1 Samuel 10:6

Kiyoy ke Nyùy Tàr kí yíi sàsìn, e wìy e wò wun, áà kúvsín, a dzə wír wo sən. À yíi tatí áwune, é vèn áwune wáa yòv, a taŋ Nyùy.