1 Samuel 11:5 - ŊWÀʼ NYÙY

⁵ Wáa dzə e ghan sin, a Saul kì sí tsəə́ne nyám si, wiy sho fo kwaʼ, wù nèn dzə̀r jii, «Kòóy ka wíri, bo á wáa toŋnín toŋnín ben?» Á nèn fèr wun kinyo ke aŋgàa ntume wìyìn shó fo Jabesh.

1 Samuel 11:5 Referans Kwoze

1 Afòn 19:19

Elija nèn lò fo fo, e dù yèn Elisha woo wan Shafat, a wù lim súm e nyám si. Nyám si‑iì dzə̀ viŋkàŋ nshòv sibaà e ghvə̀m, aá táŋsín sibaà sibaà, a wù lim e seé kiŋkàŋ ké bàm kí. Elija nèn shòʼ kikúm kfə́ e dù, e màʼ e Elisha wùn.

Aysaya 22:1

Sáʼ Nyùy yee kùm Jerusaleme rə̀ne, Jerusalem wo dzəə̀n kiwoóy ke mò‑oò yenen é njà kinjeenjèm. Sáʼ rə̀ne dzə̀ jii: Vèn kóʼ e věn vikfəv ve lav, yí ŋkàʼ fó bèy, kwaʼtì ji vèn yii a dzə̀ ka?

1 Samuel 9:1

Wìr woó ram Benjamin wùmòʼ wáa dzə, a dzə̀ ŋgaà kav, a yír rəə́ dzə̀ ji Kish, a dzə̀ wan Abiel woo wan Tsəror, woo wan Bekorat wo tàr wov‑iì dzəə̀n wan Afiya.

Atǎr Nsaʼ 18:23

e nèn a suŋnín aáwune, jì wáa tav. Wír veé Dane bìnkìr, e dzə̀r e Mayka jii, «Kinyo kee shó ki dzə̀ ji ka? À wìy vèn à vé melàa ben ji ka?»

Kèʼlo 21:17

Yii bèy, Nyùy yú tóŋ wan, nshìylav Nyùy yòŋ Hagar fo yuv, e dzə̀r shó jii, «Hagar, kòóy ka wò? Lá à yòʼ a fàn, Nyùy yù ne mo wàn tóŋ fo wù néŋé.

Nsùyrì Nyùy 78:71

fo wù‑uù shiy anjiì, e nèn lèm ji wù wáa leéy a dzə̀ fo rám Jakovi, a shìy wír və́ veé Isray.