1 Samuel 11:4 - ŊWÀʼ NYÙY

⁴ Aŋgàa ntume nèn dù e Gibea fo Saul‑iì dzə́, e fìʼtì kinyo kìn e wíri. Á yú, e tòŋ é ŋàŋ.

1 Samuel 11:4 Referans Kwoze

1 Samuel 10:26

Saul kfə́n sá e bàm e wun laʼ e Gibea, aàntav ámóʼó ve melív mev mè‑eè lum e kinyò ke Nyùy yiìné jumrì wun.

Atǎr Nsaʼ 2:4

Mo nshìylav Nyùy Tàr suuyin vinyo vìn e wír veé Israyi, e màysì, áwune fúŋ tóŋ.

1 Samuel 30:4

Áwune yén bey, e nèn a toŋ, e tòŋ féyì, e nèn lò, a boorí boorín.

1 Samuel 15:34

Samuel nèn lò, e dù e Rama, Saul kfə́n kfə́ e wun laʼ e Gibea.

Atǎr Nsaʼ 21:2

Wír veé Israyi tón rám Benjamin, e nèn dù e kirə̀ʼ ké cù e Betel. Á dù, e sèsín e Nyùy si, a gheèsì, a dìy, e meé e ŋkuùr.

Hibru 13:3

Vèn kú a kuumé wír ve á túŋ sháŋé, a kuumé wír ve á nyavrì sho adzə̀me, é kí wáa dzə mo yén vèn áwune ŋgeʼ see shooy wír adzə̀m.

Galatia 6:2

Wìr kú a sə fə́r və kibeʼèy ke kí gháʼ wun. Vèn lóo yiì bèy, bo vèn sí lem nsər ye yì lo a dzə̀ fo Kristu.

1 Korin 12:26

Kí nén a dzə jii, a kibar ke wùn kímóʼ kí lò, a nyar, bo vibar ve wùn ví tàtí ne, a nyar vidzə̀m. Aá lò, a geʼ e kímóʼ kí, bo vibar ve wùn vidzə̀m vi sí yú vijuŋ.

Ŋwàʼ woó Rom 12:15

Wíri lóo sheʼrí, vèn áwune wàa sheʼrí adzə̀m. Á lóo sòv kitú, vèn áwune wàa sòv adzə̀m.

2 Samuel 21:6

Kí nén a dzə a jii, á fó á wón Saul vee vilum saàmbà, é vèr sə́ŋ á áwune, aá wàá kpúkír e Nyùy Tǎr si e Gibea wo dzəə̀n ntèʼ Saul wo Nyùy Tàr‑iì shoʼon.» Fòn nèn sùúy jii, «Bo m lo fo áwune e vèn.»

1 Samuel 14:2

A Saul dzə̀ é Migron, e ghaa Gibea, e sar kici ké *grenadin. Wù‑uù dzə̀ fó wùn à vé rərí moo ghií ntuùfú bey.

Kèʼlo 27:38

Esav kú a lon tàr wov jii, «Kímóʼ kee kisəəvì kí yòʼ dzə̀ə́ ke a dzə̀ à fò e mò a? Tàr wor, ku səə̀vì sa mo.» Wù lón bey, e bùr tóŋ, e nèn a dìy.

Atǎr Nsaʼ 20:23

Áwune báʼtí bey, e nèn kòʼ e Nyùy Tǎr kirə̀ʼ ké cù, a dìy e wun si kishiíy kifur, a lon ji wù ku tìr áwune á ji a sà dzə̀ áwune kfə̀n dù, e ghìʼ afə́r vév vee wír veé Benjamin e rə́r sí á? Nyùy Tàr bìnèr jii, «Áwune wàá ku dù.»

Atǎr Nsaʼ 20:26

Wìr dzə̀m woó Isray nèn kfə̀n kòʼ e Nyùy Tǎr kirə̀ʼ ké cù e Betel, a dìy e wun si, e dìy bèy, e lèm jíŋ kishiíy kifur. Á lèm bèy, e cù Nyùy Tàr e cu ye tonèné, à yé kikòŋnìne.

1 Wòŋ 12:3

Vilìmbìy vév ví‑iì dzə̀ Ahiyeser wùn Joash vee wón Shemaa woó Gibea. Wír ve vé‑eè dzəə̀n aáwuné sari‑iì dzə̀ Jesiel wùn Pelet vee wón Asmavet, wùn à Beraka, à Jehu woó Anatot,