1 Samuel 11:2 - ŊWÀʼ NYÙY

² Fòn Nahash bìnèr aáwune jii, «A dzə̀ ji vèn taʼ ji m maʼti ven nyaáŋ, vèn biìmé ji m fə́tí sí sén sé yìy sí, e fíʼ shoór wír veé Isray adzə̀m.»

1 Samuel 11:2 Referans Kwoze

1 Samuel 17:26

Davir dzə́r e wír ve vé‑eè tíy e wun ghaŋe jii, «A wìr lòo dzə e yùyrí wír woó Filistia və̀n, e tsə̀ʼ nshoórmé fo wír veé Israyí kitu, á fò ka e ŋgaàŋ? Kiŋgà ké méŋnyùy keé Filistia kìn ki dzə̀ la, bó a dzə ji wun shoór vé rə́r Nyùy wo wù dzəə̀n shó e tin.»

Kintaŋ 16:14

Bó wù yoʼ lò lì ver, e nə̀ə́ sho e nsay ye vín nàʼ wùn à vilu vi tsəətìn sho. Wù yoʼ lò fò ver súm sé vifa ve yi, à sé vitiír vé *vayin si ji vèr yov, a ker ji vitsə́ʼ vér. A dzə̀ la wù yòʼ kfə̀n a laàrì sí yér. Vèr yòʼ wiyì.»

Kèʼlo 34:14

Á nèn lò, e bìnèr aáwune jii, «Bó yòʼ dzə̀ kí kòóy ji vèr fó jemèr yer e wìr wo bó á yoʼ sàŋ mbèʼ sə́, bìʼ fo kí yíi a shoór ver.

Jeremia 39:7

Wù‑uù fə̀tí sí se Tsədekiya, e nèn tàŋsìn wun aàsháŋé, e lì, a dù sho e Babilon.

Ŋgàn 12:10

Wìr woo tìítiy kù yii leey fo nyám sə́ sí kijuŋ. A wo bi nyavrì e sə́ sí nyávrin.

2 Afòn 18:31

«Lá vèn yòʼ a yuurí kinyo ke Hesekiya. Fòn woó Assiriya suuy jii, vèn fəə́ á fo ŋkàlaʼ, e gbù a wun, é wìr mòʼón mòʼón nèn a dzə ji nyaáŋ e wun laʼ, a kfər báŋ se sí loòn fo wun kitiír ké *vayin, a kfər sa *fig wo wù kù lo a dzə̀ fo ŋgaàŋ kici, e kfə̀n a no mendzə́v, a kù dzə̀ fo wun ndzəv ye tuŋéné.

Atǎr Nsaʼ 16:21

Wír veé Filistiàa nèn koò wun, e fə̀tí sí rə́, e lì wun, e sə̀y shó e Gasa. Á meé fó, e nèn kùr wuú rə́ aàsháŋ ve á fèrìn e kisha kee *brons ki, e lèm wun, wù wáa jò kibán e laʼ sháŋ.

Ŋwàʼ Fəə 3:6

Wù kfən sùúy sho jii, «M dzə̀ Nyùy tàr won, Nyùy Abraham, à wo Aysi, à wo Jakov.» Mooser yú bey, e nèn sə̀tí sí rə́, bìʼ fo wù‑uù fan fó shov sí Nyùy.

1 Samuel 12:12

Yii bèy, e ghan se vèn‑eè yenen ji Nahash woo fon woó Ammon waà sí nəə a ven e rə́r sí, vèn nèn mèŋ Nyùy Tàr woo Nyùy won fo věn fòn, e nèn a suúy e mò jii, ‹Vèr taʼ fon wo wù wáa saʼ ver.›

Nsùyrì Nyùy 44:13

À yiì ne, wír vee věr ghaŋe wáa sə̀ʼ ver. Vitúm ve ví gìŋèn ver ví wáa jàʼ ver, a ŋway.

1 Samuel 11:10

Áwune nèn sùúy e wír veé Ammone jii, «Vèr bvəə́shi, e fo vitú vér e vèn, é vèn yii shó mo vèn koŋè.»