1 Samuel 11:1 - ŊWÀʼ NYÙY

¹ Fòn Nahash woó Ammon nèn lò kòʼ é Jabesh Gilead, e gìm wír vee fó e rə́r sí. Vilum veé Jabesh adzə̀me wáa lon nyaáŋ, a suúy jii, «Gwàr *mensaŋ mè vèsən, é vèr wáa lìm fo wò.»

1 Samuel 11:1 Referans Kwoze

1 Samuel 12:12

Yii bèy, e ghan se vèn‑eè yenen ji Nahash woo fon woó Ammon waà sí nəə a ven e rə́r sí, vèn nèn mèŋ Nyùy Tàr woo Nyùy won fo věn fòn, e nèn a suúy e mò jii, ‹Vèr taʼ fon wo wù wáa saʼ ver.›

Esiker 17:13

Wù‑uù ghàr wan ntoʼ wùmòʼ, e yiì, wùn wun gwár *mensaŋ, aá koó ne kfə́m sé wìr fo wòŋ sidzə̀m, e dù sho.

1 Afòn 20:34

Fòn Ben‑Hadad nèn lò, e sùúy e Fòn Ahav jii, «M lo, e siìr ŋkà se laʼ se tàr wor‑iì faàsìn fo tàr won e wò, áà kfən kòóy kirə́ʼ ké ke way é Damaskus, kù mo tàr wor‑iì kér sa e Samaria.» Fòn Ahav yú bey, e sùúy sho jii, «M lo, e gwàr *mensaŋ wòsò, e bóo màʼtì wò, áà wáa dù.» Wùn wun nèn gwàr mensaŋ, bo wù maʼti, é wù wáa dù.

Atǎr Nsaʼ 21:8

Mo áwune kù‑uù dzəə́ túŋ ji kìn káŋ wùmòʼ‑oò lo gòʼ fóo dù a Mispa fo vé‑eè tárnin e Nyùy si, á túŋ bey, kí nèn fəə̀sín ji bó wìr yòʼ‑oò lo wìy a fo Jabesh Gilead, fə̀m à woo mòʼón sho.

Kèʼlo 26:28

Áwune bìnèr jii, «Vèr‑iì sìíy, e yèn rúrú ji Nyùy Tàr dzə̀ á vèn wun. Bìʼ bey, vèr nén a wìy ji vèsən yii á kilìʼ e vèsə́n nsàn. Vèsən gwar *mensaŋ

Ŋwàʼ Jov 41:4

A dzə̀ yì gwàr *mensaŋ vèn wun, e fò kitú kfə́ ji ŋgaà wò lìm ŋkuuŋkùŋ à?

Ŋwàʼ Fəə 23:32

Lá vèn yòʼ wìy gwàr *mensaŋ vèn áwune. Lá vèn yòʼ gwàr sa vèn aànyùy véví.

Aysaya 36:16

Lá vèn yòʼ a yuurí kinyo ke Hesekiya.› «Fòn woó Assiriya suuy jii, ‹Vèn fəə́ á fo ŋkàlaʼ, e gbù wun, é wìr mòʼón mòʼón nèn a dzə ji nyaáŋ e wun laʼ, a kfər báŋ se sí loòn fo wun kitiír ké *vayin, a kfər sa *fig wo wù kù lo a dzə̀ fo ŋgaàŋ kici, e kfə̀n a no mendzə́v, a kù dzə̀ fo wun ndzəv ye tuŋéné.

Atǎr Nsaʼ 10:7

Dòʼshwiiy Nyùy Tàr ŋáʼáy kùm wír veé Isray e dzəə ye biibí, wù nèn wày áwune e wír veé Filistia wùn à veé Ammoné wo.

Remrí 23:3

«Lá wìr Ammon, kìn wir Moav yòʼ wìy nə̀ə́ e kintatì ke wìr Nyùy Tàr. A fə̀m wìy a dzə, e dù, e meé e ŋgwàʼ ye yì meen ji ghvə̀m, lá wìr woo kùm áwune yòʼ wìy nə̀ə́ e kintatì ke wìr Nyùy Tàr, e wìy dù, e mày.

1 Samuel 14:47

Sáʼ Sauli yiì tùúy e Isray, wù nèn kèʼ a fùnèn aŋgàa vibàn və́ adzə̀m veé Moav wùn à veé Ammon, à veé Edome, e bóo lì afon veé Tsoba wùn à wír veé Filistiàa. Virə́ʼ vidzə̀m ve wù‑uù màʼàn rə́r fó, wù kù‑uù tòn tónen.

2 Samuel 10:1

Ghán sí lòo koʼtí, fòn wìr veé Ammon lày, á nèn kòʼór wán və woo Hanun ji fon.

2 Samuel 10:2

Fòn Davir nèn lò, e sùúy ji bòŋ é wun din á koŋ e Hanun réŋréŋ mo Nahash woo tàr à Hanun‑eè dìnèn e wun. Wù nèn tsə̀nsí wír ji á du, e shàm á Hanun bìʼ kpú tàr wov. Áwune dù, e mèé fo, e fìʼtì.

2 Samuel 17:27

Mo Davir meen é Mahanayim, e nèn tàrnín wùn Shobi woo wan Nahash, Nahash wo wù‑uù loòn fó mvə̀mlaʼ yee Rabba e Ammon. Wù kfən tàrnín sa wùn Makir woo wan Ammiel woó Lo‑Debar, à Barsilay woó Rogelim e Gilead.

Jeremia 40:11

Wír veé Juda adzə̀m ve á dzə́ e Moav, à ve á dzə́ e Ammon, à ve á dzə́ sa e Edom, e lì ve á dzəə̀n é vitum vímóʼ vií yú ji fòn woó Babilon lèm a wíri é Juda, e shòʼ á Gedalia ji wù wáa saʼ a áwune.

Jeremia 40:14

e yòŋ sho jii, «À kì ji Baalis woo fon Ammon tùm ne Ishmael woo wan Netania ji wù laar wò a?» Yii bèy, la Gedalia yòʼ a biimé kinyo ke áwune suuyì.

Atǎr Nsaʼ 11:4

Wáa dzə e ghan see shooy, a kù dzə̀ ghán se wír veé Ammone nəə wír veé Isray e rə́r sí.

2 Samuel 2:5

e nèn tsə̀nsí ntum aáwune, a suúy jii, «Nyùy səəvi ven bìʼ koŋ ye vèn dìnèn e fòn won, e lìtì wun.

1 Wòŋ 10:11

Wír veé Jabesh Gileadi lò, e yù kinyo ke wír veé Filistiàa mùmèn e Saul,

1 Wòŋ 10:12

vilum vév adzə̀m ve á kér melíví nèn ŋàʼáy, e dù, e lì dzə́n Saul wùn à sé won sí, e wìy sho e Jabesh, e dzəə̀mè e sar kici ké *terebint, e nèn lèm jíŋ kishiíy saàmbà.