1 Samuel 10:7 - ŊWÀʼ NYÙY

⁷ Vinyo vìn vi kooy wò, mayì, à wàa yiì kinyo ke kí dzəə̀n ji á yii, bìʼ fo Nyùy dzəə̀n vèn wun.

1 Samuel 10:7 Referans Kwoze

Atǎr Nsaʼ 6:12

Nshìylav Nyùy Tàr wìy, e yèn wun, e sùúy sho jii, «Wò woo wír wo tavín é shùu rər, Nyùy Tàr dzə̀ vèn wun.»

Ŋwàʼ Luk 2:12

A kisəəm ke kí yíi dìn wán woo shooy ki dzə̀ jii, vèn yíi dù, e yen, aá boó e ndzə̀y sí, e neèr a dzə̀ é kikoŋ ke nyàm.»

Joshua 1:5

Bó vèn wìr yòʼ wíy tam, é wù gháʼ wò, e dù meé mo à wíy a dzə sho. Mo mò‑oò dzəə̀n vèr Mooser, kù dzə̀ réŋréŋ mo m wíy a dzə wòsò. Bó m yòʼ wíy màʼtì wò, a bó yòʼ dzə̀ m màʼày wò.

Hibru 13:5

Wìr dzə̀m wáa sheʼrí a dzə̀ kifá ke wù kérí, e màʼtì shií woo kùm mbàm. Nyùy‑iì sùúy jii, «M yòʼ wíy màʼtì wò, a bó m yòʼ wíy màʼày wò e ghan símóʼ sí gheéy.»

Aysaya 7:14

Mo á tenen ne fóo lon kisəəm fo Nyùy Tàr, bo wúnwun woo Nyùy Tàr lo, e dìn a kisəəm aáwune. Á yuúrí á kijuŋ, wánlè ŋgòn woo shó wíy tiím a bvəm, e dzəə́ wán lumèn, dzəə, é wù shu á yír ji Immanuel.

Ŋwàʼ Fəə 4:8

Nyùy Tàr suúy jii, «Aá tèn fóo yu wò, kìn á tèn fóo biimé kiŋgaʼnìn ke kinyò ke mbìy ki, tàm aá biímé ke kí batin.

Matio 28:20

Vèn wáa yeʼéy áwune, aá wáa lèm sa vinyo ve mò‑oò yeʼeyin vèn shó vidzə̀m. Vèn wáa kiíy jii, m kù wíy a dzə vèsən, e dù, e meé e ghan se ndzə wíy mày.»

Ŋgaà Tàrvìnyò 9:10

Kifá kidzə̀m ke à yuun fó a lìm, à kù a lìm vèn à shilív shé shi shidzə̀m, a lìm, a kiíy jii, aàŋkfəə́ wòŋ fo à du, bó á yòʼ yii lim lim fo, a bó wìr yòʼ kfə̀n kwaʼtì kinyo fo, a bó wìr yòʼ kiiy kinyo fo, é bo wìr wáa ker vifií fó.

Atǎr Nsaʼ 9:33

Shùy bvəə́shi lóo to kijàvndzə, à tàv ŋàʼáy, e ghìʼ ŋkàlaʼ. Gaal wùn à wír vəə́ lóo fəə ji vèn áwune tám, áà ku yiì ke dzə̀ à yiì.»

Remrí 20:1

Mooser shaà fo mbìy, a yòŋ e wír veé Israyi jii, «Vèn wíy du ji á tám é shùu rər vèn aàŋgaà vén vibàné, yén, aá kér nyám se ŋkoʼ wùn à *viténtén vé rər ví, à shúu rərí nyanyày, e shaà wón, lá vèn yòʼ fàn áwune. Nyùy Tàr woo Nyùy won dzə̀ vèn áwune. Dzə̀ wun wo wù‑uù liìn ven, e kòʼ shó fo Ejiv.

Kèʼlo 21:20

Nyùy kú a leéy fo wàn, wù wáa kuy, a dzə e wòŋ wo dzəə̀n wóʼ wóʼ, a jwim jwím e mvəne é dzəə ye tavín.

Joon 6:14

Wíri yén kinyo ke Jesus yiìn, a kí din vitaáví vé Nyùy, á nèn a suúy jii, «Wìr və̀n dzə̀ rú *Ŋgaà Ntum Nyùy wo vé‑eè shiy ji wù wiy é nsay fèn.»

Matio 1:23

«Wánlè ŋgòn wùmòʼ wíy tiím bvəm, a bó wù yóʼ ne kìíy lumèn, e dzəə́ wán lumèn, aá wíy a yòŋ ji Emmanuel.» A nsàv yìr rən dzə̀ jii, «Nyùy sì vèsən áwune.»

1 Samuel 2:34

Wón vé vee vilum vee Hofni wùn Finehasi wíy kpu kishiíy kimòʼón, é nèn a dzə kisəəm fo wò ji vinyo vidzə̀m ve m suuyin ví kù waà wíy koóy.

Joshua 1:9

Kí m lo yòŋ e wò ji à kúr tím, e wày ŋàŋ. Lá à yòʼ a fàn, lá à yòʼ weèy. Nyùy Tàr woo Nyùy won dzə̀ vèn wun kirə́ʼ ke à du sho kidzə̀m.»

1 Samuel 3:19

Nyùy Tàr kú a leéy fo Samuel, wù wáa kuy. Wù kfə́n a yiì ji lá jì e mòʼón yòʼ tùm fó nsay fo kinyò kidzə̀m ke Samuel‑iì fiʼtì.

1 Samuel 20:13

A tàr wor kù lò, a dzə ji wun‑éè lémér á wò, m tén fóo yiì, áà kiíy, e fíʼ leʼ, e bòy, Nyùy Tàr kù màʼ ŋgeʼ e mǒ kitu, e kfə̀n dzə̀sì. Nyùy Tàr kú a dzə vèn wun mo wù‑uù dzə́ wun tàr wor.

2 Samuel 7:3

Natan suúy jii, «Yiì kinyo ke kí dzəə̀n e wò kwàʼtì ki, bìʼ fo Nyùy Tàr dzəə̀n vèn wun.»

Ŋwàʼ Jov 31:25

a dzə̀ ji mò‑oò yú vijuŋ ji bùʼ wom dzə̀ e nín, kìn ji kifá ki nəə e mǒ kiwo kinín,