1 Samuel 10:6 - ŊWÀʼ NYÙY

⁶ Kiyoy ke Nyùy Tàr kí yíi sàsìn, e wìy e wò wun, áà kúvsín, a dzə wír wo sən. À yíi tatí áwune, é vèn áwune wáa yòv, a taŋ Nyùy.

1 Samuel 10:6 Referans Kwoze

1 Samuel 10:10

Saul wùn ŋgaà lìm və meé é Gibea, wùn à shiŋgoo she aŋgàa ntum Nyùy shi tárnín. Kiyoy ke Nyùy ki nèn wìy e Saul wùn é dzəə ye tavín, wù tátí aŋgàa ntum Nyùy vìy, wùn áwune wáa yòv, a taŋ Nyùy.

Kintaŋ 11:25

Nyùy Tàr nèn sə̀ʼə́y e mvə̀m mbàʼ, e sùŋnín e wun, e fàr mbìv kiyòy rə yìmòʼ, e fò e vilìmbìy vee msaàmbà vìy vi. Mo kiyoy ki beèn aáwuné wùn, á nèn a tiisí ntum ye yì lo fo Nyùy. Á tiísí, yì ku nèn ghèén bèy.

1 Samuel 16:13

Samuel nèn lì loŋ meŋgvə̀r, e yòʼ Davir sho aàfə́r vəə́ si. Kèʼ fo kishiíy fóo fèy, Kiyoy ke Nyùy Tàr kí wìy fo Davir e dzəə ye tavín. Samuel nèn lò, e kfə̀n é Rama.

Atǎr Nsaʼ 14:6

Kiyoy ke Nyùy Tàr kí wìy, e wày vitaáví e wun wùn é dzəə ye tavín, wù sàr bvərə̀ʼ mo wìr sàr wan bvəy, a wù yòʼ fə̀m kér kifá kímóʼ kí e wun kiwo. Yii bèy, bó wù yòʼ‑oò lo sùúy kinyo ke kí‑iì kooyin e tàr wov wùn yè wov.

Atǎr Nsaʼ 3:10

Kiyoy ke Nyùy Tàr kí wìy fo wun, e tàvír wun ji wù wáa dzə tàr nsaʼ wìr veé Isray. Nyùy Tàr yiì, wù fəə́ rə́r, e tòn Fòn Kushan‑Rishatayim woo fon woó Mesopotamia.

Matio 7:22

Wíy lòo dzə e kishiíy kee shó, é wíri wáa yòŋrì mo anín ji ‹Tàr, Tàr›, a suúy jii, ‹Vèr‑iì ló a fìʼtì sáʼka wò wo juŋ e wíri, a yòŋ yír yé, e bó a kàntì *anyùy, aá wáa màʼtì wíri, e kfə̀n a yiì vinyo ve ghaʼtín vímóʼ ví vinín.›

Kintaŋ 11:17

M yíi səʼə́y fo, e suŋnín wòsò, e fàr kiyoy ke kí bee e wò wùn, e fo mbìv yìmòʼ aáwune, aá fíʼ a sə wò, é vèn áwune wáa beʼ kibeʼèy ke dzəə̀n wíri kin, é la à yòʼ dzə́ə a beʼ vèn mòʼón.

Kintaŋ 11:26

Kinyo kìn ki‑iì kooy bèy, a vilum ámóʼó kì gòʼ é kibeèy abaà, a yír wùmòʼó dzə̀ ji Eldad, yé wùmòʼ ji Medad. Áwune kù‑uù dzə̀ é mvə̀m wìr ve vé‑eè taŋen, é bo á goʼ kév, e làa yòʼ dù e shùu kibàn. Kiyoy ki ku nèn beè sa aáwuné wùn, á ku nèn a tiisí ntum Nyùy a dzə̀ é kibeèy.

Kintaŋ 11:29

Mooser bìnèr jii, «Shii wò dzə̀ ka é kinyò ke kí kùmèn a dzə̀ mo? Kì yée fo wáa dzə ji wír Nyùy adzə̀me kì tiísi ntum rə? Wìr ku lì ji Nyùy Tàr kì wày á kiyoy kfə́ e wìr dzə̀m wùn féyì.»

1 Samuel 10:9

Kù mo Saul màʼtìn Samuel, Nyùy nèn yiì, wun woo Saul wáa dzə wír wo sən. Kinyo kidzə̀m ke Samuel kì suuyin e wun ki gheén é kishiíy fóo fèy.

1 Samuel 19:20

e nèn tsə̀nsí wíri ji á du, e koò á Davir. Á dù, e yèn, a ŋgoo aŋgàa ntum Nyùyi yov, táŋ Nyùy, a Samuel dzə̀ kilìmbìy kév. Kiyoy ke Nyùy ki nèn wìy sa fo wír Sauli, áwune nèn a yòv sa, a taŋ Nyùy.

Atǎr Nsaʼ 15:14

Wùn à Samson wìy, e mèé e Lehi, wír veé Filistiàa nèn a rəəmé, a wìy fo wù‑uù dzəə̀n. Kiyoy ke Nyùy Tàr kí wìy, e wày vitaáví e wun wùn é dzəə ye tavín, wù tiíné akfəə̀ ve vé‑eè kurin kóy sə́ shó mo və́yí tòn làv bèy.

1 Samuel 11:6

Saul yú kinyo kìy, Kiyoy ke Nyùy ki wìy e wun wùn, e yiì, wúné kìn wun feyì.