1 Samuel 10:5 - ŊWÀʼ NYÙY

⁵ «Kee shooy ki shaa, à dù é Gwan Nyùy e Gibea fo wír veé Filistiàa kér kilaʼáy ké vé rərí. À yíi lòo nəə́ e mvə̀mlaʼ, áà tárnín vèn à ŋgoo aŋgàa ntum Nyùy, aá sə́y fo kirə̀ʼ ké cù, kum lúŋ sí, kum nshùm, kfə̀n tóŋ loŋ. Áwune yíi a yòv, a taŋ Nyùy.

1 Samuel 10:5 Referans Kwoze

2 Afòn 3:15

Kee lèn ki, wìy e ŋgaà lùŋ.» Ŋgaà lùŋ wìy, e lòo kùm lúŋ, vitaáví vé Nyùy vi nèn wìy fo Elisha,

1 Samuel 19:20

e nèn tsə̀nsí wíri ji á du, e koò á Davir. Á dù, e yèn, a ŋgoo aŋgàa ntum Nyùyi yov, táŋ Nyùy, a Samuel dzə̀ kilìmbìy kév. Kiyoy ke Nyùy ki nèn wìy sa fo wír Sauli, áwune nèn a yòv sa, a taŋ Nyùy.

1 Samuel 13:3

Jonatan nèn lò, e nə̀ə́ wír veé Filistia e rə́r sí, aáwuné kilaʼáy e Geba. Sáʼka dù e wír veé Filistiàá mvəm. Saul suúy, á tóŋ sóŋ, e kaàrí woŋ sho, e tàr ji wír veé Israyi fiʼ yù á sáʼka wo wù dzəə̀n.

2 Afòn 2:15

Shiŋgoo she aŋgàa ntum Nyùy she shí‑iì dzəə̀n é Jeriko shi yén Elisha, a wù wiyì, e nèn a yòŋ jii, «Elisha sí kér vitaáví vé Elija.» Áwune nèn dù, wùn áwune tárnín, á tsə́m ndzəə́, e làʼ kitú fo nsay e wun si,

2 Afòn 2:5

Shiŋgoo she aŋgàa ntum Nyùy she shí‑iì dzəə̀n é Jeriko shi kóʼtí, e wìy e Elisha ghaŋ, e sùúy sho jii, «À kì ji Nyùy Tàr yíi sə tàr won lìm fo wò lán a?» Wù biímé jii, «Eè, m kì, yii bèy, lá vèn yòʼ dzə́ə a yòŋ.»

2 Afòn 2:3

Shiŋgoo she aŋgàa ntum Nyùy she shí‑iì dzəə̀n é Betel shi wìy, e yèn Elisha, e sùúy sho jii, «À kì ji Nyùy Tàr yíi sə tàr won lìm fo wò lán a?» Wù biímé jii, «Eè, m kì bey, yii bèy, lá vèn yòʼ dzəə yòŋ.»

1 Samuel 10:10

Saul wùn ŋgaà lìm və meé é Gibea, wùn à shiŋgoo she aŋgàa ntum Nyùy shi tárnín. Kiyoy ke Nyùy ki nèn wìy e Saul wùn é dzəə ye tavín, wù tátí aŋgàa ntum Nyùy vìy, wùn áwune wáa yòv, a taŋ Nyùy.

1 Korin 14:1

Vèn ku nèn toòmé kinyo a dzə̀ kee ji wìr wáa kòŋ wíri, a way vifií ji Nyùy fó á ven ambùʼmé ve dzə̀ vèn wàa sə kintatì sho, bo taaka ji vèn wáa yu kinyo fo wun woo Nyùy, a tiisí e wíri.

Nsùyrì Nyùy 49:4

M yíi a fo vituʼùr vém, a dzə̀ é ŋgàn, a kùm lúŋ nshì, a yòv, a naàrì nsàv.

1 Wòŋ 16:42

Heman wùn Jedutun‑eè leey sa fo sòŋ ye toŋéné wùn à viŋkwaʼ ve kwaʼán ví, à visháʼáy vímóʼ ví ve vé‑eè lo, á wàa sùyrì Nyùy sho e kibàn. Vé‑eè lèm wón Jedutun ji á wáa dzə anshìy veé shùu kày.

1 Wòŋ 16:5

Vé‑eè shòʼ Asav ji kilìmbìy, Sekariya wáa dzə ŋgaà ntom və. Jeyel wùn à Shemiramot, à Jehiel, à Mattitia, à Eliav, à Benaya, à Obed‑Edom, à Jeyel wùmòʼ, áwune wáa dzə wír ve vé‑eè yíi a kùm lúŋ sí. Asav‑iì yíi a kwaʼ viŋkwaʼ,

1 Wòŋ 13:8

Davir wùn à wír veé Isray adzə̀me wáa dzən, a yòv e vitaáví vév ví vidzə̀m, a sheʼrí Nyùy Tàr. Vé‑eè yov luŋ, kum lúŋ, kum nshùm, kwáʼ vifá ve kwaʼán ví, kfə̀n tóŋ sóŋ.

2 Afòn 6:1

Kishiíy kímóʼ kí gheén, shiŋgoo she aŋgàa ntum Nyùy she shí‑iì dzəə̀n e Elisha sar shi suúy e wun jii, «Leéy, e yèn, kirə́ʼ kin fo vèsən lo, á dzə̀ʼə̀m kí fárninè.

2 Afòn 4:38

Elisha wìy a kfən e bàm é Gilgal, a jìŋ koó ne. Wùn aàŋgàa ntum ve wù‑uù yéʼeyìi dzə̀ʼə̀m, wù lò, e sùúy e wánlè və jii, «Tiír kíŋ ye kuʼùné é kiy, e nàá nshèví, e fò aáwune.»

1 Samuel 9:12

Áwune bìnèr jii, «Wù du e věn mbìy fèy. Vèn shúr wúné, wù kì wiy e mvə̀mlaʼ lán, bìʼ fo wíri kér cu e kirə̀ʼ ké cù.

1 Samuel 10:4

Á yíi shàʼtì wò, e kfə̀n a fo wò ntuʼ se kiban sibaà. Á lóo fo, à sə̀.

1 Wòŋ 11:16

Yì‑iì dzə̀ é ghan sin, Davir kù‑uù dzə́ kfə́ a dzə̀ é kirə̀ʼ ké kilìr, a kiláʼáy ké wìr veé Filistia ki dzə̀ é Betlehem.

Nsùyrì Nyùy 92:3

Á kú a yòv, a kùm lúŋ, à yé nshìí shó, a kùm, a yu viléŋléŋ vé luŋ.

1 Afòn 18:29

Ntìntìn shùy shaà, aáwune kù waáme, tóŋ, káykirì, e dù mèé mo shùy‑iì teemen, a yì‑iì sí méʼ ghán se á yii yii cu yee ŋkuùr. Yii bèy, bó á yoʼ yù kighiísí, bó á yoʼ yù binèr, bó á yoʼ yù kikum ke kifa.

2 Afòn 2:7

Wíri wáa jùmrì áwune mtàn fo shiŋgoo she aŋgàa ntum Nyùy. Elija wùn Elisha dù, e tìím e ghaa Jordan, áwune wáa tiy kév ntàm, a leéy.