4 Á yíi shàʼtì wò, e kfə̀n a fo wò ntuʼ se kiban sibaà. Á lóo fo, à sə̀.
Á nèn bìn e Mayka laʼ fo wánlè nsùm woo wír woó ram Levi dzə́, e nèn shàʼtì wun, e dzə̀r mo vinyo və́ ví gháné.
«À yíi màʼtì áwune, lóo dù, mee e ghaa kici kee *oak keé Tabor, áà tárnín vèn à vilum ataár, aá du e cù Nyùy e Betel. Wo mòʼón yíi a ker wón bvəy ataár, é wùmòʼ wáa ker ntuʼ se kiban sitaár, é wùmòʼ wáa ker shiluʼ.
«Kee shooy ki shaa, à dù é Gwan Nyùy e Gibea fo wír veé Filistiàa kér kilaʼáy ké vé rərí. À yíi lòo nəə́ e mvə̀mlaʼ, áà tárnín vèn à ŋgoo aŋgàa ntum Nyùy, aá sə́y fo kirə̀ʼ ké cù, kum lúŋ sí, kum nshùm, kfə̀n tóŋ loŋ. Áwune yíi a yòv, a taŋ Nyùy.
Jessi nèn tàʼ *kibán wùn à meluʼ mè, à wàn bvəy, e kùr é kimbèʼbìy, e tsə̀nsí ji wan və Davir wàá du shó, e fò e fòn.