1 Samuel 10:3 - ŊWÀʼ NYÙY

³ «À yíi màʼtì áwune, lóo dù, mee e ghaa kici kee *oak keé Tabor, áà tárnín vèn à vilum ataár, aá du e cù Nyùy e Betel. Wo mòʼón yíi a ker wón bvəy ataár, é wùmòʼ wáa ker ntuʼ se kiban sitaár, é wùmòʼ wáa ker shiluʼ.

1 Samuel 10:3 Referans Kwoze

Kèʼlo 35:3

Vèsən ku kòʼ é Betel, é m du, e bòm kíy cù fo, kíy cù Nyùy wo wù‑uù səən mo, a m yén ŋgeʼ. Wù kù‑uù dzə̀ vèr wun kirə́ʼ kidzə̀m ke mò‑oò du sho.»

Kèʼlo 35:1

Nyùy nèn sùúy e Jakov jii, «Lò fó fèn, e kòʼ é Betel, a dzə fo. Ku bòm kíy cùu fó, *kíy cù mo woo Nyùy, mo wo mò‑oò dìnèn kitú kém e wò e ghan se wò‑oò léʼ fər wò Esav.»

Kèʼlo 28:22

a tíy ye m tuuyin rə́ne wíy a dzə kirə́ʼ, a dzə̀ kee fo á wíy a bùnrì wò. A m kfə̀n wíy a jàv vifá ve à fó e mò vidzə̀m kirə́ʼ e ghvə̀m, a fo kee kimòʼón ki e wò.»

Kèʼlo 28:19

e nèn shù yír kirə̀ʼ kee shooy ji Betel, a vé‑eè yoŋ fó fo mbìy ji Lus.

Nsùyrì Nyùy 89:12

Kuy wùn à tsə́né kù‑uù bòm wò. Gwàn Tabor wùn Hermon kù séŋ moo wír, ndzə́ʼ a dzə̀ wò.

Atǎr Nsaʼ 8:18

Gidiyon lò, e dzə̀r e Seba wùn Tsalmunna jii, «Vèn ku naàrì e mò kfə́ə wìr ve vèn‑eè yuyrin é Tabor.» Á bìnèr jii, «Yì‑iì dzə̀ kfə́ə wìr vee moo wò bèn. Áwune adzə̀me kù‑uù shwínin a dzə̀ kfə́ə wón ntoʼ.»

Atǎr Nsaʼ 4:12

Sisera yú ji Barak woo wan Abinoam kì kòʼ á ne e Gwan Tabor,

Atǎr Nsaʼ 4:6

Wáa dzə e kishiíy kímóʼ kí, Debora tsə́nsí ntum, á jàŋ Barak woo wan Abinoam, a wù‑uù dzə̀ é ntèʼ yee Kedesh, ye yì‑iì dzəə̀n ntèʼ é nsay rám Navtali. Wù wìy, wù suúy shó jii, «Nyùy Tàr woo Nyùy wìr veé Isray suuy jii, ‹Dùu, e bàʼtí vé rərí é Gwan Tabor. Ku nə̀ə́ e rám Navtali, e nə̀ə́ e yé Sebulune, e lì wír fo fo nsə̀kì e ghvə̀m, e dù sho fo.

Joshua 19:22

Bìíy‑iì kùm sá Tabor wùn à Shahasuma, à Bet‑Shemesh, e nèn dù ndzə̀y e Jordan. Ŋkà se laʼ sidzə̀m si wáa dzə nshòv ntuùfú e ghvə̀m, e bóo lì ntèʼ sév.

Joshua 19:12

Yìmòʼ yee bìíy ló fó Sarid fèy, e dù e mbìv yee fo shùy yii tó, a gwàmrì bìíy Kislot‑Tabor, e lò, e dù e Daberat, e nèn kòʼ é Jafia.

Cù 23:13

Cu vifa ve yii yíi a dzə meŋkfəŋ me kpuún mè akilu abaà, aá shwír meŋgvə́r shó. Kù dzə̀ cu ye və́yí bin fo fo, a kirəm kfə́ kí boŋ Nyùy Tàr. Á ku tàtí sa cu melùʼ fo, lita mòʼón.

Cù 7:13

Wù lóo yiì cu kikòŋnìn rə̀n, yee ji wun beerì Nyùy Tàr, é wù kfən fò sá ntuʼ se kiban símóʼ sí, a dzə̀ see kibán ke nyaà kí.

Cù 3:12

«A cu rəə́ lò a dzə bvəy loŋ, wù wìy shó e Nyùy Tǎr si,

Cù 3:6

«A nyàm ye wù cu Nyùy Tàr shó ji cu kikòŋnìne dzə̀ njiì, kìn bvəy loŋ, bo wù kù taʼ a dzə̀ yee lumèn, kìn yee wiíy, é wáa dzə yee là nsem.

Cù 1:10

«A cu wìr ye tonèné dzə̀ ye á yii ton a dzə̀ njiì, kìn bvəy loŋ, bo ŋgaàŋ kù taʼ a dzə̀ yee lumèn, yee là nsem,

1 Samuel 10:4

Á yíi shàʼtì wò, e kfə̀n a fo wò ntuʼ se kiban sibaà. Á lóo fo, à sə̀.

Jeremia 32:8

Fər wom Hanamel nèn yiì wìy, e yèn mo é kibùʼ ke nshèelav fo mò‑oò dzəə̀n, kù mo Nyùy Tàr kì yòŋèn e mò, e nèn yòŋ ji m yún á súm və́ wo wú dzəə̀n é Anatot, e nsay Benjamin, bìʼ á fo kér a mo ghay wóo tin kirə́ʼ kee shooy, e yun ji kém. M nèn kìíy rú ji kì sùŋnín á Nyùy Tàr e mò.

Atǎr Nsaʼ 20:18

Wír veé Israyi báʼtí rə́r, e nèn kòʼ é Betel, e dzə̀r e Nyùy jii, «Yíi tòmbìy dù la fo věr mvəm, e nəə́ wír veé Benjamin e rə́r sí?» Nyùy Tàr bìnèr jii, «Yíi tòmbìy dù wír veé Juda.»

Atǎr Nsaʼ 20:23

Áwune báʼtí bey, e nèn kòʼ e Nyùy Tǎr kirə̀ʼ ké cù, a dìy e wun si kishiíy kifur, a lon ji wù ku tìr áwune á ji a sà dzə̀ áwune kfə̀n dù, e ghìʼ afə́r vév vee wír veé Benjamin e rə́r sí á? Nyùy Tàr bìnèr jii, «Áwune wàá ku dù.»

Atǎr Nsaʼ 20:27

A wìr wo wù‑uù leey fo ŋkùv mensàŋ‑eè dzə̀ Finehas woo wan Eleasar woo wan wàn Aaron. Wír veé Israyi nèn dzə̀r e Nyùy Tàr jii, «Vèr kfən dù, e ghìʼ afə́r vér vee wír veé Benjamin e rə́r sí moo ŋgáŋ á?» Nyùy Tàr bìnèr jii, «Vèn du, bìʼ fo m bvəə́shi, e koo áwune, e fo e vèn.»