1 Samuel 10:12 - ŊWÀʼ NYÙY

¹² Wìr wùmòʼ wo wù‑uù dzə́ fo nèn a dzər jii, «Fo ké aŋgàa ntum Nyùy ki, yii kiiy la kitàr?» Á kinyo ke kí‑iì yiìn, é bo á wáa te lám woo jii, «Saul sì sá ŋgaà ntum Nyùy à?»

1 Samuel 10:12 Referans Kwoze

Joon 6:45

Vé‑eè sàŋ é Ŋwàʼ Aŋgàa Ntum Nyùy jii, ‹Wíy a yeʼéy Nyùy áwune adzə̀m.› Kí nén a dzə jii, wír wo wù yuúri yéʼéy Nyùy Tàr yee shooy, kiiy mo yí dzəə̀n, dzə̀ á wo wù wiy sa, yén mo.

Aysaya 54:13

Mómò woo Nyùy Tàr, m wíy yeʼéy wír ve á dzə́ e wò ŋkàlaʼ adzə̀m. Áwune wíy a dzə dzə́ yee nyaáŋ, a ker kifá kidzə̀m ke á kér shií shó.

Jeem 1:17

Vèn wáa kiíy jii, vinyo ve dzəə̀n ve ru vidzə̀m ve dzə̀ ví wàa fo vijuŋ vi kù lo a dzə̀ á fo Nyùy. A tsə́nsi wun woo Ŋgaà Mbom wo rán e dzə̀me lo a dzə̀ fó fo. A bó yòʼ dzə̀ wù kùvsín mo shùy yii lo, yì kèvrín, ndzə sə̀n wíri é ghan símóʼ sí gheéy.

Joon 7:16

Jesus lò, e sùúy jii, «Kinyo ke m yéʼey kìn ki yòʼ lò fo mò, dzə̀ ké ŋgaà wo wù tumen mo.

1 Samuel 10:13

Saul màysì yòv wó a yòv, a taŋ Nyùy, e nèn dù e kitu ke gwan fo *kíy cù Nyùy Tàrí‑iì dzəə̀n.

1 Samuel 19:23

Wù nèn a dù fo, e lòo dù e dzəə, Kiyoy ke Nyùy ki wìy sa fo wun, wù wáa yòv, a taŋ Nyùy. Wù kú a yòv bèy, e dù, e mèé e Nayiot,

1 Samuel 19:24

e nèn shòʼóy ndzə̀y fó wùn, a yòv, a taŋ Nyùy e Samuel si. Wù rə́sí, e yòv, e shaà shìíy, a wù néŋ kinshóʼ. Á mo kí‑iì kèʼèn, bo á wáa màʼ ŋgàn jii, «Saul sì sá *ŋgaà ntum Nyùy à?»