1 Samuel 10:1 - ŊWÀʼ NYÙY

¹ Samuel nèn lì meŋgvə́r me yoʼ e loŋ, e səə̀rì e Saul kitu, e baàmé wun, e sùúy jii, «Nyùy Tàr yòʼ ne wò ji taà saʼ wìr və́ veé Isray.

1 Samuel 10:1 Referans Kwoze

1 Samuel 16:13

Samuel nèn lì loŋ meŋgvə̀r, e yòʼ Davir sho aàfə́r vəə́ si. Kèʼ fo kishiíy fóo fèy, Kiyoy ke Nyùy Tàr kí wìy fo Davir e dzəə ye tavín. Samuel nèn lò, e kfə̀n é Rama.

Nsùyrì Nyùy 78:71

fo wù‑uù shiy anjiì, e nèn lèm ji wù wáa leéy a dzə̀ fo rám Jakovi, a shìy wír və́ veé Isray.

1 Samuel 9:16

bvəə́shi lòo dzə a e ghan fen kibvəə́shí, é wun tsə́nsí á wír fo wun wùn wo wù loòn á fo nsay Benjamin. Samuel yéné, wù yòʼ á wun e meŋgvə́r mè ji ŋgaà saʼ wo wù wáa saʼ wír Nyùy Tàr veé Isray. A wun wíy sə a áwune fo wír veé Filistiàá wo, bìʼ fo wun yenen á ne ŋgeʼ se wìr və́, e kfə̀n yù á tóŋ yév.

Nsùyrì Nyùy 2:12

Vèn wáa bùn wun e shiliv she juŋ shi, fo wù lo, e shwìíy kilòŋ, e laàr ven, bìʼ fo dòʼshwíiy və yii ŋáʼay cér. Bòŋ ké wìr ve á lir e Nyùy sar adzə̀m.

Lim Aŋgàa Ntum 13:21

Áwune wìy lò, a lon fon, Nyùy nèn fò Saul woo wan Kish, a dzə̀ rám Benjamin. Wù sáʼ vifon kiyá mkweè,

1 Samuel 26:11

Yii bèy, Nyùy Tàr ku kìm mo fo m láʼ kiwó kém e fòn wo yoʼon Nyùy Tǎr kitu. Wòsò ku lì a dzə̀ kòŋ ye yí dzəə̀n e wun ghaa kitu wùn à kitém ke mendzə̀v kí, a dù sho.»

Remrí 32:9

Yii bèy, Nyùy Tàr kitú kfə́, dzə̀ wun Nyùy wìr və́. Dzə̀ wun Nyùy wìr veé Isray ve dzəə̀n rám Jakov.

2 Afòn 20:5

«Kfə́n é bàm, e yòŋ e Fòn Hesekiya wo wù sáʼ wír vém jii, mo woo Nyùy Tàr, mo woo Nyùy Davir woo tàr à atàr vén, m yù ne bunrì yé, a m lo, e fèr wò.

2 Afòn 9:1

Wáa dzə e ghan fóo fèy, Elisha woo *ŋgaà ntum Nyùy jàŋ wír woó ŋgoo aŋgàa ntum Nyùy, e sùúy e wun jii, «Kúr ndzə̀y sí, é sí táv, e lì kiyóʼóy ké meŋgvə̀r kin ki, e dù sho e Ramot‑Gilead.

Ŋgaà Yen 5:8

Mo wù səən, vifá vee vikweè vìy wùn à kfə́m see nshòv sikweè e mbaà siy si nèn a gbù e si wo. A wìr mòʼón mòʼón kér lúŋ ye vé‑eè fèrìn e *kisha ke mbàm ki, kfə̀n kér kighín ke á fèrìn sá e kisha kee shooy ki. Kiláy kí wáa dzə sho kirúnén, a kí din bunrì ye wír Nyùyi bunrì fo wun.

Hibru 2:10

Vinyo vidzə̀m vi dzə̀ a dzə̀ e Nyùy kiwo, a sìysì wun, ví wáa lìm mo wù taʼà. Mo wù‑uù taʼ ji wun wìy lì wír ve dzəə̀n wón və́ adzə̀m, e wày e wùn mvə̀m vijùŋ, kí nen ghèén feyì mo wù‑uù sìysìn ji Jesus ku wìy, e yèn ŋgeʼ, e fíʼ gheén e wìr wo dzə̀ wù shèm mbìy wìr vee shooy, e dànèr e dzə̀ʼə̀m yee là may.

1 Tesalonika 5:26

Vèn baámé afə́r vesəné adzə̀m, e shàʼtì, e fò e vèr.

Hosea 13:2

Ké lèn ki, áwune kù sí jáy jay e wùmǒʼ kitu. Áwune sí fer mebvə̀m e *kisha ke mbàm ke fəvír kí. Á lo, á wày vifií, e nàŋsín, e fèr bèn kijuujùŋ, e lìm feyì a dzə̀ e yé ŋgaà fèr woo fií. Á bèy, á ku nèn a yòŋ áwune jii, «Wír ve á ghvə́m anyùy, baáme mebvə̀m mee wan nàʼ.»

Jeremia 10:16

Nyùy wo Jakov cu yòʼ dzə̀ moo vifá vee shooy. Dzə̀ wun wo wù‑uù bomen vifá vidzə̀m, e nèn shàv Isray ji və́ vee wír. Yír rəə́ dzə̀ Nyùy Tàr woo Taà Mànjòŋ.

Nsùyrì Nyùy 135:4

Nyùy Tàr shòʼ ne rám Jakov ji wír və́, wír veé Israyi wáa dzə ji wír və́ vee jeéyí.

1 Afòn 19:18

Yii bèy, m yíi bavtí wír nsə̀kì saàmbà e Isray, a dzə̀ wír ve á yòʼ‑oò yiì ne tsə̀m ndzəə́ e nyùy woo *Baal, aá yòʼ‑oò yiì ne baàmé shibvə̀m sə́.»

2 Samuel 19:39

Davir wùn à wír və́ adzə̀me nèn lìysín Jordan. Á líysín, wù baámé Barsilay, e lòn ji Nyùy səəvi á wun. Barsilay nèn lò, a kfən e bàm fó laʼ.

2 Samuel 5:2

Yì‑iì dzə̀ é ghan se sí‑iì shaàn, a Saul dzə̀ fon wor, a yì‑iì li wò wír veé Isray, du sho e shùu rər. A Nyùy Tàr‑iì lo kàʼ wò ji à wíy a leéy a fo wír və́ veé Israyi mo nshìy lèéy fo njiì, aà wíy a dzə a taà saʼ woó Isray.»

1 Samuel 24:6

Wù suúy e wír vəə́ jii, «Nyùy Tàr shàʼnín fo m yii kfə́ə kinyò kee ben e tàr wor, wun wo Nyùy Tàr shoʼon, á yóʼ ji fon, kìn ji m nan kiwó kém, e kùm wun sho, bìʼ fo shoʼon Nyùy Tàr wun.»

1 Samuel 13:14

Yii bèy, sáʼ yée sèéy ne fèn. Nyùy Tàr shòʼ ne wír wo wù gheenen wun, e lèm ji wù wáa saʼ a wír və́, bìʼ fo bó à yoʼ yùnín nsər Nyùy Tàr.»

1 Samuel 8:19

Yii bèy, wíri kínén kinyo ke Samuel, kinèn bèy, suuy jii, «Àáyà, vèr taʼ a dzə moo vitúm vímóʼ ví, a ker fon wo wù wáa saʼ ver, a tinén nsaʼ sér, é vèr áwune kfə́n a fəə, a màʼ rə́r sér.»

1 Samuel 8:9

Ku yuùrí kinyo ke áwune suuy ki. Yii bèy, naàrì aáwune kijuujùŋ, e yiì, aáwune kiíy kfə́ə liì wo fòn wo wù yíi a saʼ áwune yíi a ker.»

1 Samuel 2:10

Nyùy Tàr wíy bvəʼə́y aŋgàa vibàn və́. Wù wíy wam áwune fó yuv é njà kishèv, e lovtí e kitú ke nsay ki lóvtín kidzə̀m. Wù wíy fo vitaáví e fòn və. Wù wíy tavír sáʼ wìr wo wù yoʼon.»

Ŋwàʼ Fəə 30:23

«À wíy lì virə̀ʼtìn ve ví bòŋèn é ŋàŋ, *mer woó mendzə̀v kilu ntuùfú, é *sinnamon wùn à *ken wáa dzə akilu ataár ataár,

1 Samuel 9:27

Á lòo fəəsín mvəmlaʼ, Samuel suúy e Saul jii, «Suúy, é wìr lìm wáa du fo mbìy, áà tiím fen e bǎm shintàm, é m tiísí ntum Nyùy e wò.»

1 Samuel 12:3

Mo və̀ne a m tíy e věn si. Vèn tóʼ ri lòn wómé e Nyùy Tǎr si wùn à e fòn wo wù yoʼón si. Mò‑oò kùvrì nàʼ la? Mò‑oò kùvrì kimbèʼbìy ké la? Mò‑oò bòʼ la? Mò‑oò nə̀ʼsì la? Mò‑oò sə̀ kòyàr fo la wo wù yii, é la m yòʼ dzəə yèn jay və. A dzə̀ ji mò‑oò lo yiì kinyo fo vinyò vìn, vèn yòŋ é m siysi.»

1 Samuel 15:1

Wìy lòo dzə e ghan símóʼ sí, Samuel suúy e Saul jii, «Dzə̀ mo və̀n wo Nyùy Tàr‑iì tumen ji m yóʼ á wò ji fon wìr və́ veé Isray. Lèn və̀n, yuúrí ri kinyo ke wun woo Nyùy Tàr suuy e wò ki.

1 Samuel 16:1

Nyùy Tàr nèn lò, e yòŋ e Samuel jii, «À wíy sòv kitú bìʼ Saul, e dù, e meé e le? M kù mèŋ ne wun fo fòn woó Isray. Wáy meŋgvə́r mè e wò loŋ, e lì kiwuú kí é dzəə. M túm wò fo Jessi wùn é Betlehem. M shòʼ ne wán və wùmòʼ ji fon.»

1 Samuel 26:9

Davir nèn sùúy e Abishay jii, «Lá à yòʼ lèmér wun. A wìr làʼ kiwó e fòn wo yoʼon Nyùy Tǎr kitu, bo wù kù tò ne e kinyò.

2 Samuel 1:14

Davir kfən dzə̀r shó jii, «À kì mùm a dzə̀ ka, e bóo laʼ kiwó ké e fòn wo yoʼon Nyùy Tǎr kitu, e yuyrí.»

1 Afòn 1:34

é Tsadok woo taà cù wùn Natan woo ŋgaà ntum Nyùy yóʼ wun fo ji fon woó Isray. Á maysì, aá nèn a toŋ sóŋ, a ndzəʼ jii, ‹Nyùy fó Fòn Solomon dzəʼə̀m ye dáa.›

Esiker 16:13

Vifá ve sùsù vé vi‑iì dzə̀ vee *kisha ke mbàm ke baar kí, à ke fəvír kí, a ndzə̀y sí dzə̀ see làv wo kpuún, aá bónén, e bà. Wò‑oò yí meŋkfəŋ a dzə̀ me kpuún me juŋ mè, lá vilu, yí meŋgvə́r me *oliv. Wò‑oò kùy, e tò sí, a njàʼkìr, e nèn a dzə ji Yaà féyì ŋkuuŋkùŋ.

1 Samuel 15:17

Samuel nèn a suúy jii, «Mo à fə̀m‑eè dzə́, taʼ kitú ké ntéŋ, bó á yòʼ kù‑uù lo lèm wò ji kitú ke ram seé Isray à? Kí Nyùy Tàr kù‑uù yòʼ wò ji fon woó Isray.

2 Samuel 20:19

Ŋkàlaʼ rə̀n kù dzə̀ ben, a dzə̀ ye nyaáŋ, a kfə̀n dzə̀ ye yì tíy wùn fòn ghán sidzə̀m e nsay Isray. À taʼ e laàr ŋkàlaʼ ye wiy ye dzəə̀n tím Isray ji ka? À taʼ e səʼsí vitsə́ʼ vé Nyùy Tàr a?»

2 Afòn 9:12

Áwune yòŋ jii, «Dzə̀ kimboʼtì, suúy e vèr lèn kinyo ke kí dzəə̀n kí.» Wù bìnèr jii, «Wù kì táŋri a dzə̀ lám vèr wun, suuy ji Nyùy Tàr yoŋ a ji wun woo Nyùy Tàr sí yóʼ a mo ben ji fon woó Isray.»