1 Samuel 1:9 - ŊWÀʼ NYÙY

^9-10 Wáa dzə e kishiíy kímóʼ kí e Shilo, á yíkír, e kfə̀n nò. Hanna lò e yuv e nyárí shiliv, e dù, a bùnrì Nyùy Tàr, a dìy, a səʼə́r mensíy, a Eli woo taà cù dzə́ e ntaʼ e Nyùy Tǎr shùu lav cù.

1 Samuel 1:9 Referans Kwoze

1 Samuel 3:3

a Samuel néŋ sa e rə́ə yee mbìv, é mvə̀m kibàn ké Nyùy Tàr, a dzə̀ é mbìy kirə̀ʼ kee fo ŋkùv mensàŋ Nyùy‑iì dzəə̀n, a lam Nyùyi yóʼ ne ndzə̀mén.

Nsùyrì Nyùy 27:4

M kù lón a dzə̀ kinyo kimòʼón fo Nyùy Tàr, a dzə̀ kíwun ke m diyì. M koŋ ji m kú a rəsí a e Nyùy Tǎr lav, e dù, e meé mo m wíy kpu, a leéy vijuŋ ve Nyùy Tàr, a yu ntir si fo wun shuù.

Nsùyrì Nyùy 5:7

A m dzə̀ kém, a dzə̀ m wàa nəə́ e wò lav cù, bìʼ koŋ ye à kér fo mò é ŋàŋ. M wíy a sùyrì wò e wò lav ye ranén, a gvəʼtí e wò si, a ghvəm wò fo.

2 Samuel 7:2

wù nèn lò, a ghay e Natan woo *ŋgaà ntum Nyùy jii, «Mo və̀ne, a m dzə́ e ntoʼ ye á bàʼrìn e kicí kee *sidar ki, a ŋkùv mensàŋ Nyùy Tàr dzə́ kfə́ a dzə̀ é kibàn.»

1 Samuel 3:15

Nyùy súŋnín bey, Samuel kú a neŋ fo. Ndzə yiì ràn, wù mvə̀ʼtì shuu se kibàn ké Nyùy Tàr, a wù fan fóo yòŋ e Eli kinyo ke Nyùy kì ghemen ndzə, e yìi, wù yú.

Nsùyrì Nyùy 29:9

Jì Nyùy Tàr kar vicí vé *terebint, sooy vav si, a wìr dzə̀m woó lav cù kwá jii, buríi wáa dzə fo Nyùy.

Ŋwàʼ Fəə 21:6

bo tàr wov lìm kér fóo lì wun, e dù sho e kirə̀ʼ ké cù, e tiír e nshìy, kìn é mboòmè shùu lav, e tòʼ kituʼùr kfə́ e kinto ki. Á bèy, bo sì kwàn və́ bey, e dù, e mày.

1 Samuel 4:13

Wù meé fó, a Eli dzə́ e wun ntaʼ e ghaa dzəə, yuúri virə́ʼ, bìʼ fo wù‑uù yaʼ feyì ji tàm kinyo ki kòóy á ŋkùv mensàŋ Nyùy. Eli‑iì dzə̀ kiyá nshòv waamé e mbvə̀ʼə̀ (98), a sí rəə́ səə́né ne, a bó wù yòʼ dzəə́ yén virə́ʼ. Mo wìr və̀y nəən é ŋkàlaʼ, e yòŋ kinyo ke kí kooyin, ŋkàlaʼ dzə̀m waámé tóŋ. Eli yú tóŋ rə̀y, e dzə̀r jii, «Kfə́ə toŋ yee béne dzə̀ yeé le?» Wìr və̀y nèn nyèŋ, e dù yèn Eli,