1 Samuel 1:7 - ŊWÀʼ NYÙY

⁷ kù bey, kù bèy mo viyá vi shaa. Á lóo koʼ e Nyùy Tǎr lav, Pennina kù màysì, a toònè shilív shé Hanna tóonen, wù wàa toŋ, a mùm ntéŋ fó yikír.

1 Samuel 1:7 Referans Kwoze

1 Samuel 2:19

Ye wov‑iì lo, wù kfə̀n tsə̀m kikúm kfə́ ke da ki, lóo koʼ wùn lum və ji á yii á cu yeé kitu ke kiya, wù fò shó.

1 Samuel 1:6

Pennina wùn Hanna wáa dzə, a sə kóy. Pennina wáa toònè Hanna e lámé, a tàʼ wun ntéŋ, bìʼ fo Nyùy Tàr yòʼ‑oò lo fò wun wán,

1 Samuel 1:8

Lum və Elkana lo, wù dzə̀r shó jii, «À diy ka? À tèn fóo yikír ji ka? À sov kitú bèn bìʼ ka? Mo wòsò kù sí dzə́, bó m yoʼ shaà wón vee ghvə̀m à?»

Nsùyrì Nyùy 102:4

M dzə̀ moo jíy ye yí yumen ne, a bvəʼə́y, shuu wómé kpú fó viyikìr.

Jeremia 41:5

ŋgoo vilum yìmòʼ wáa shaà, aá dzə̀ wír mwaamé, aá kér cu vifa ve yi wùn à kiláy kí ji á du shó e Nyùy Tǎr lav. Vé‑eè lò fó Shekem, ámóʼó fó Shilo, ámóʼó fó Samaria, aá kóm vighev, e saàsì ndzə̀y sév, e jàʼtì wún.

1 Samuel 2:1

Hanna wáa bùnrì jii, «Nyùy Tàr rùnér ne shilív shém e kishéʼrì ki. M yú vijuŋ bìʼ kinyo ke wù yiìn e mò, a m shéʼ aŋgaà vém vibàn shéʼén. Nyùy Tàr, m yú vijuŋ, bìʼ fo à səən ne mo.

Nsùyrì Nyùy 102:5

Mo m rə́si yú nyár, fér tóŋ, wúné kfə̀n ne mo vighvə́r vighvə́r.