1 Samuel 1:6 - ŊWÀʼ NYÙY

⁶ Pennina wùn Hanna wáa dzə, a sə kóy. Pennina wáa toònè Hanna e lámé, a tàʼ wun ntéŋ, bìʼ fo Nyùy Tàr yòʼ‑oò lo fò wun wán,

1 Samuel 1:6 Referans Kwoze

Ŋwàʼ Jov 6:14

«Wìr yii lóo dzə e nsòv bèn, kù a gheén ji bo ŋkar rə kù kì tíy a wùn wun, a fə̀m dzə̀ ji ŋgaàŋ ŋwáy vinyo ve Nyùy yii ŋwáyín.

Ŋwàʼ Jov 24:21

Áwune lo, á wàa shwìv wiíy woo kár, a bó wù yòʼ kér wán wo wù bin kinyo kfə́, a bó áwune yòʼ yii kinyo ke juŋ kímóʼ kí e wiiy ŋkfə.

Cù 18:18

«Lá wìr yòʼ lì fər yeè lav ji wiíy, a yeè lav və dzə̀ shó e tin.

Kèʼlo 30:1

Mo Racel kiiyin ji bó yòʼ dzə̀ wun dzə̀ə́ á wán, e nèn a bàn jemèr rə, e sùúy e Jakov jii, «Fó bvə́me e mò cér fo m kpú.»

1 Samuel 1:7

kù bey, kù bèy mo viyá vi shaa. Á lóo koʼ e Nyùy Tǎr lav, Pennina kù màysì, a toònè shilív shé Hanna tóonen, wù wàa toŋ, a mùm ntéŋ fó yikír.

Atǎr Nsaʼ 11:37

Yii bèy, wàn kfən sùúy jii, «Kinyo ki dzə̀ kimòʼón ke m lón fo wò. Ku fò mo ŋwee e baà, é m ghánén áàgwan, e dìy vèr à ŋkar sém sí, bìʼ fo m sí yiì a kpu, a m yoʼ kìíy lumèn.»

1 Samuel 2:1

Hanna wáa bùnrì jii, «Nyùy Tàr rùnér ne shilív shém e kishéʼrì ki. M yú vijuŋ bìʼ kinyo ke wù yiìn e mò, a m shéʼ aŋgaà vém vibàn shéʼén. Nyùy Tàr, m yú vijuŋ, bìʼ fo à səən ne mo.

2 Samuel 6:23

Á bèy, Mikal woo wan Saul nèn dzə̀ʼə̀m, e wìy kpù là wán.