1 Samuel 1:3 - ŊWÀʼ NYÙY

³ Yì‑iì lóo dzə kiyá kidzə̀m, Elkana lò fó Rama, e kòʼ é Shilo ji wun du, e ghvə̀m Nyùy Tàr woo Taà Mànjòŋ, e cù wun, aàtàá cù Nyùy Tàr veé ghan fene‑eè dzə̀ Hofni wùn Finehas vee wón Eli.

1 Samuel 1:3 Referans Kwoze

Ŋwàʼ Luk 2:41

Tàr à Jesus wùn yìy à Jesus wáa dzə, a vé‑eè rə́si du, yí kiŋkàʼ ke á yoŋ ji *Ŋkǎʼ Yáʼayshaà e Jerusalem kitú ke kiya kidzə̀m.

Joshua 18:1

Wìr dzə̀m woó Isray nèn lò, e bànén e Shilo, e tùúy *kibàn ké ntàsín fó. Mo á fə̀m‑eè tònèn ne woŋ, a nsay néŋ e mboʼ,

Ŋwàʼ Fəə 34:23

Vilum vén adzə̀me wíy a wìy e mǒ kirə̀ʼ ké cù akàŋ ataár e kiya, a yiì ŋkàʼ bìʼ mo woo Nyùy Tàr, Nyùy wìr veé Isray.

Ŋwàʼ Fəə 23:14

«Lóo dzə e mvə̀m kiya, vèn wàa dù akàŋ ataár, a yiì ŋkàʼ, a ghvəm mo shó.

1 Samuel 1:21

Ghán sí kfən ghèén se Elkana wùn à kfə́ə rəə́‑əə̀ yíi dù e Shilo fóo dù e yiì cu yeé kitu ke kiya, e kfə̀n runér ŋkàʼmé wo wù‑uù kàʼàn Nyùy Tàr shó,

1 Samuel 1:9

Wáa dzə e kishiíy kímóʼ kí e Shilo, á yíkír, e kfə̀n nò. Hanna lò e yuv e nyárí shiliv, e dù, a bùnrì Nyùy Tàr, a dìy, a səʼə́r mensíy, a Eli woo taà cù dzə́ e ntaʼ e Nyùy Tǎr shùu lav cù.

Remrí 16:16

«Lùmèn e dzə̀m kù wíy a dù, a yi ŋkàʼ akàŋ ataár kiyá kidzə̀m, e kirə̀ʼ ke wúnwun woo Nyùy Tàr woo Nyùy won wíy shoʼ ji á wáa ghvəm wun fo. A ŋkàʼ see shooy si dzə̀ jii, *Ŋkǎʼ Kiban kee là Nyaà, wùn à *Ŋkàʼ woó bǎm Ŋgàm si, à *Ŋkǎʼ Tàv sé Ghane.

Atǎr Nsaʼ 18:31

Á bèy, shibvə̀m she Mayka‑aà semen shiy shi nèn kù a tiy fo, e dù, e meé mo lav Nyùy‑iì dzəə̀n é Shilo.

Nsùyrì Nyùy 78:60

Wù méŋ kirə́ʼ ke vé‑eè cu wun sho e Shilo, a dzə̀ kibàn ke wù‑uù dzə́ sho e wír vəə́ mvəm,

1 Samuel 4:11

Wír veé Filistiàa kfən faàsì ŋkùv mensàŋ Nyùy, e yùyrí sa wón Eli vee abaà vee Hofni wùn Finehas.

1 Samuel 4:4

Wír veé Israyi nèn tùm wíri é Shilo ji á du, e wìy a e ŋkùv mensàŋ Nyùy Tàr woo Taà Mànjòŋ, wo kàvàʼ və dzəə̀n é nsàn vifa veé yuv, ve ví tíynin e nsər ŋkùv, a ví kér vav si. Á wáa wìy e ŋkùv mensàŋ Nyùy, a wón Eli vee Hofni wùn Finehasi dzə̀ é ŋgoo.

1 Samuel 3:13

Mò‑oò lo yòŋ e wun ji m wíy màʼ a ŋgeʼ yee là may e wun kfəə. Wón vəə́ buʼtì vinyo, a wù leey leèyín, e làa yòʼ a sə̀r.

1 Samuel 2:34

Wón vé vee vilum vee Hofni wùn Finehasi wíy kpu kishiíy kimòʼón, é nèn a dzə kisəəm fo wò ji vinyo vidzə̀m ve m suuyin ví kù waà wíy koóy.

Ŋwàʼ Fəə 23:17

Vilum vén adzə̀me wíy a wìy e mǒ kirə̀ʼ ké cù akàŋ ataár e kiya, a yiì ŋkàʼ bìʼ mo woo Nyùy Tàr woo Taà Ndzə.

Atǎr Nsaʼ 21:19

Áwune nèn kuùmé ŋkǎʼ Nyùy Tàr wo vé‑eè yí e kitu ke kiya e Shilo. Shilo və̀n‑eè dzə̀ e lò fo Betel, a dù duùn é mbìv yee kuy, a kfə̀n dzə̀ é ghaa dzəə ye yì lo fo Betel, du e Shekem, a dzə̀ fó mbìv dzəə̀ ye yì kiʼ fo shùy yii tó. Lò fo Lebona, Shilo nén a dzə e mbìv yee tsə́n.

1 Samuel 2:19

Ye wov‑iì lo, wù kfə̀n tsə̀m kikúm kfə́ ke da ki, lóo koʼ wùn lum və ji á yii á cu yeé kitu ke kiya, wù fò shó.

1 Samuel 14:3

Taà cù wo wù maʼ shiŋkèéy shé kikum wáa dzə sa fo, a yír rəə́‑əə̀ dzə̀ Ahija, a dzə̀ wan Ahituv woo lúmer Ikabod woo wan Finehas. A Finehas dzə̀ wan Eli, a Eli dzə̀ taà cù wo wù‑uù dzə́ e Shilo. Jonatan yiì lò lò, la wìr yòʼ kìíy.