1 Samuel 1:12 - ŊWÀʼ NYÙY

¹² Hanna kú a toŋ e Nyùy Tàr bey ntàmda, Eli jaáy, a kiy shuu və́.

1 Samuel 1:12 Referans Kwoze

Jeem 5:16

M nén a tir ven jii, wìr jáy kinyo e wìr, wù tuùné kitú kfə́ e ŋgaàŋ, é wìr kfə́n a lon ji Nyùy sə́ wùmòʼ woo wír. Vèn lóo yiì bèy, é Nyùy nèn a fèr ayàsí vén. Vèn wáa kiíy jii, a wìr tíy réŋ wùn Nyùy, e kàn wun e kinyò, Nyùy kù yiì kinyo ke tavín kí.

1 Tesalonika 5:17

a bùnrì Nyùy ghán sidzə̀m,

Kolosia 4:2

M nén a tir ven adzə̀m ji vèn ku ghàr kinyo a ji bunrì, e làa yòʼ a dor. Lóo bùnrì, á wàa way vifií, e kfə̀n a beèrì Nyùy.

Efesor 6:18

Kidzə̀m ki nén a dzə ji vèn kú a lon kén a dzə̀ fo Nyùy ghán sidzə̀m. Vèn lóo bùnrì, lóo lon kinyo ke kí gháʼ ven, vèn kù a yu a dzə̀ fo Kiyoy ke Ranén kí, é kí wáa naàrì ven. Vèn ku nèn a bùnrì ghán sidzə̀m là dór, a lon fo afə́r vén ámóʼó ve dzəə̀n sá wír Nyùyi.

Ŋwàʼ Luk 18:1

Jesus kfə́n a fèr ŋgàn yìmòʼ e wón və́ lìme ji wun fíʼ yeʼéy áwune mo dzə̀ á wàa bùnrì Nyùy ghán sidzə̀m, e làa yòʼ a dor.

1 Samuel 1:11

Hanna lò, e lìʼ jii, «Nyùy Tàr, wò woo Taà Mànjòŋ, aà lòo dzə e lèéy kwàn wó e wun mvə̀m ŋgeʼ, e kuùmé wun, e làa yòʼ làysìn kwàn wó, e fò wun wán woo lumèn, bo m yíi fo wán woo shooy e wò ji sì á wo, e wìy dù, e mày, é la keme yòʼ wìy kùm kitú kfə́.»

1 Samuel 1:13

A Hanna bunrì fo wun shiliv, a shúu vəə́ mvərì, a bó á yòʼ yú jí rə. Eli nèn a kwàʼtì ji wù nò á noón,