1 Samuel 1:11 - ŊWÀʼ NYÙY

¹¹ Hanna lò, e lìʼ jii, «Nyùy Tàr, wò woo Taà Mànjòŋ, aà lòo dzə e lèéy kwàn wó e wun mvə̀m ŋgeʼ, e kuùmé wun, e làa yòʼ làysìn kwàn wó, e fò wun wán woo lumèn, bo m yíi fo wán woo shooy e wò ji sì á wo, e wìy dù, e mày, é la keme yòʼ wìy kùm kitú kfə́.»

1 Samuel 1:11 Referans Kwoze

Atǎr Nsaʼ 13:5

Kí dzə̀ jii, à yíi tiím bvəm, e dzəə́ wán lumèn. Á yen fóo wìy kom kitú ke wan və̀n, bìʼ fo Nyùy‑iì shoʼon ne, é bo á wìy a dzəə́ ji woo jeéy ji wir Nasir. Kù wíy kèʼ wun, a bòyìr wír veé Isray fo veé Filistiàá wo.»

Kintaŋ 6:5

«Lóo dzə e mvə̀m ghàn se wìr shoʼon kitú kfə́ jeéy sin, lá wù yòʼ kùm kem e kitu, a bó ghán se wù foon kitú kfə́ e Nyùy Tàr sin si shaá. Wù kú a dzə jeéy, e màʼtì kitú kfə́, é kí kwiíy é mvə̀m ghàn fóo fèy.

Ŋgaà Tàrvìnyò 5:4

Aà kàʼ Nyùy, à kù mùm ji à yii kinyo ke à kàʼàn. Nyùy yòʼ yii yú vijuŋ ve wìr wo wù yúŋsi, kaʼ kinyo kisáŋ. À kaʼ ŋkàʼmé, à yiì kíwun.

Kèʼlo 29:32

Lea bóŋ bvəm, e fùm wán lumèn, e nèn shù yír ji Ruben, a wù shu bèy, suuy jii, «Nyùy Tàr yèn ne ŋgeʼ sém, a lum wom sí yiì a kòŋ mo lèn.»

Nsùyrì Nyùy 25:18

Ku lèéy nyár ye m dzəə̀n shóo, à ŋgeʼ sém sí. Ku làysìn ajay vémé adzə̀m.

1 Samuel 1:19

Ndzə bvəə́shí, e jàv, Elkana wùn à kfə́ə rəə́ lò e yuv, a bùnrì Nyùy Tàr, e nèn lò kfə̀n é bàm aáwuné laʼ e Rama. Elkana shiíy e Hanna woo wiiy və, Nyùy nèn yù bunrì Hanna.

Kèʼlo 30:22

Nyùy nèn lò, e shàm mendzən me Racel, e yù bunrì rə́, e mvə̀ʼ kidzəə́y kfə́.

Atǎr Nsaʼ 11:30

Á bèy, Jefta nèn yiì kilìʼ e Nyùy Tàr, e sùúy jii, «Aà yiì wày wír veé Ammon e mǒ kiwo,

Kintaŋ 6:8

Ghán se wù jamerin kitú kfə́ sin si dzə̀ se wù dzəə̀n jeéy ji wo Nyùy Tàr.

Kèʼlo 28:20

Jakov nèn kàʼ Nyùy Tàr jii, «Nyùy, aà yiì a dzə wòsò, a leéy fo mò é ghan ye m du rə̀n, a fo mo vifá ve yi wùn à ndzə̀y se m wáa màʼ si,

2 Samuel 16:12

A tàm é Nyùy Tàr yiì yèn ŋgeʼ sém, e səə̀vì mo fó kuùrì ye wù kuurì mo lán.»

Kintaŋ 21:2

Wír veé Israyi nèn mbaà Nyùy Tàr, e lìʼ jii, a wù wày wír vìn aáwuné kiwo, bo áwune kù yíi yiì, é ŋkà se laʼ se wír vìn si kfə́n á ji nshwǐ Nyùy Tàr, aá laar ŋkuuŋkùŋ.

Kintaŋ 6:11

Wù wiy sho, é taà cù yii cu ajay e kímóʼ kí, e yiì cu ye tonèné e kímóʼ kí, e nèn kfə̀mrí wun sho bìʼ fo yì‑iì dzəə̀n jay mo wù‑uù kùmèn dzə́n wìr. Taà cù kfə́mri wun, é wù nèn kfə̀n kèʼ e si kishiíy, a lèm kitú kfə́ là kóm, bìʼ Nyùy.

Ŋwàʼ Fəə 4:31

áwune nen biìmé ntum yev. Á lò, e yù ji Nyùy Tàr kì wìy ne ji wun shám á wír veé Isray, a wù yén ne ŋgeʼ se áwune yéné, á nèn gvə̀ʼə́r vitú vév, a ghvəm Nyùy.

Kèʼlo 8:1

A Nyùy kù kuúme Noa wùn à nyám se wùn áwune‑eè dzəə̀n é kikoŋ si, e nèn lò, e tsə̀nsí shwér, wú shaà kitú ke nsay kidzə̀m, ndzə́ví nèn kèʼ, a shùŋrìn.

1 Samuel 1:12

Hanna kú a toŋ e Nyùy Tàr bey ntàmda, Eli jaáy, a kiy shuu və́.

1 Samuel 1:22

la Hanna yòʼ dù. Wù suúy e lum və jii, «M yíi shoʼ wán fó vin, é m nèn lì, e dù sho e lav Nyùy, é wù wáa lìm fo ghán sidzə̀m.»

1 Samuel 1:27

Mò‑oò bùnrì, e lòn wán, wù nen fò mo.

1 Samuel 1:28

M nén a fo lèn e Nyùy Tàr, e kèʼ mo wù wíy dzə̀ʼə̀m e dù meé, kù sì wo Nyùy Tàr.» Wù súŋnín bey, áwune nèn làʼ kitú e nsay, a ghvəm Nyùy Tàr fó.

1 Samuel 2:20

Á wiyì, Eli səə̀vì Elkana wùn wiíy, a suúy e Elkana jii, «Nyùy Tàr ku fò wò wón ámóʼó. Wù ku yiì, é wiíy və̀n dzəə́ wón ámóʼó, aá li kirə́ʼ ké wan wo wò‑oò foon ji wo Nyùy Tàr.» Áwune maysì, á nèn a kfən e bàm fó laʼ.

Ŋgàn 31:2

Dzə̀ ká, wan wòm? Dzə̀ ká wan wòm, wán wom woo mǒ vito? Dzə̀ ká wan wom ŋkàʼmé?

Cù 27:2

«Suúy e wír veé Israyi ji a wìr yiì kilìʼ kee jeéy kí ji wun yíi fo a wír ji cu e Nyùy Tàr, bo wù yíi tin e shùu kav mo wú dzəə̀n.