1 Samuel 1:1 - ŊWÀʼ NYÙY

¹ Wìr wùmòʼ‑oò dzə̀, a dzə̀ wir kfəə Tsuv ye dzəə̀n rám Efrayim, a yír rəə́ dzə̀ ji Elkana. Wù‑uù dzə́ e ŋkàlaʼ yee Rama e mbìv agwan veé nsay Efrayim, a dzə̀ wan Jeroham woo wan Elihu, woo wan Tohu, Tohu wo wù ràmèn fó Tsuv.

1 Samuel 1:1 Referans Kwoze

1 Wòŋ 6:34

wo yì‑iì dzəə̀n wan Elkana woo wan Jeroham, woo wan Eliel woo wan Toa,

1 Samuel 1:19

Ndzə bvəə́shí, e jàv, Elkana wùn à kfə́ə rəə́ lò e yuv, a bùnrì Nyùy Tàr, e nèn lò kfə̀n é bàm aáwuné laʼ e Rama. Elkana shiíy e Hanna woo wiiy və, Nyùy nèn yù bunrì Hanna.

1 Samuel 17:12

Davir‑iì dzə̀ wan Jessi woo wír woó kfəə Efrat e Betlehem e nsay Juda. Jessi‑iì kér wón vee vilum waamé, a wù sì wír woo ŋgàywìr e ghan se Saul‑iì dzəə̀n fon.

1 Samuel 9:5

Áwune kfən dù, e mèé e ŋgvən Tsuv, Saul nèn sùúy e wìr lìm wo wùn wun‑eè dzəə̀n jii, «Wòsò wáa kfən e bàm, fo tàr wor shaa kinyo ke vimbèʼbìy, a rə̀m a dzə̀ kesò.»

Atǎr Nsaʼ 19:1

Yì‑iì dzə̀ é ghan fóo fèy, a wír veé Israyi yòʼ sí kér fon, a wìr woó ram Levi wùmòʼ dzə́ e tím kwaʼ, e wòŋ agwan woó Efrayim. Wù lì wán woo wiíy woo wír woó Betlehem e Juda ji wíiy və wo lemèn.

Atǎr Nsaʼ 17:1

Wìr wùmòʼ‑oò dzə̀ é wòŋ agwan woó Efrayim, aá yoŋ yír ji Mayka.

Matio 27:57

Yiì lòo dzə e ŋkuùr, wìr wùmòʼ wìy fo ntèʼ yee Arimatia, aá yoŋ ji Joosev. Wù‑uù dzə̀ ŋgaà mbàm, e kfə̀n a dzə ŋgaà ŋgoo Jesus wùmòʼ.

Atǎr Nsaʼ 12:5

Móo sə̀r wír veé Efrayim fo woo mòʼón léʼ, wír veé Gileadi nèn tèʼ tuúmé sé ndzəv seé Jordan se sí líysin e nsay Efrayim sidzə̀m. Wìr woó Efrayim túmnin ji wù léʼé, wíy baʼ e shùu tuumé, wír veé Gileadi dzə̀r shó jii, «À dzə̀ wír woó Efrayim à?» Wù binsìnè,

Joshua 24:33

Eleasar woo wan Aaron‑eè kpù, á dzəə̀mè wun e Gibea. Fóo‑oò dzə̀ mvəmlaʼ Finehas woo wán və. Vé‑eè fò wun kirə́ʼ kin, a kí dzə̀ áàgwan veé Efrayim.

1 Afòn 11:26

Jeroboam woo wan Nebat nèn lò, e ŋàʼáy sa, a meŋ sáʼ Fòn Solomon. Wù‑uù dzə̀ wir lìm Solomon wùmòʼ, a dzə̀ wir kfəə Efrayim, a wù ló fo Tsəreda, a yè wov dzə̀ Tsərua, a dzə̀ wiiy ŋkfə.

1 Samuel 2:11

Á màysì fo Shilo, Elkana lòo kfən e bàm fó laʼ e Rama, wan wov Samuel gòʼ fo, a lìm fo Nyùy Tàr, e taà cù woo Eli sar.

1 Samuel 7:17

Wù maysì, wù nèn a kfən e Rama fo láʼ rəə́‑əə̀ dzəə̀n, a dzə fo, a tinén nsaʼ se wìr veé Isray. Wù‑uù bòm *kíy cù Nyùy Tàr fó.

1 Wòŋ 6:22

Vee ràm fo Kohati wáa dzə Amminadav, Kora, Assir,

1 Wòŋ 6:33

Wír ve vé‑eè tíy mbìyi víne wùn à yír sé atàr vév sí. Woó kfəə Kohat dzə̀ Heman, a wù dzə̀ kilìmbìy ke vé yòvi. Wù‑uù dzə̀ wan Joel wo yì‑iì dzəə̀n wan Samuel,

Atǎr Nsaʼ 4:5

Wù‑uù yám dzə́ e sar kici ké ten ke vé‑eè yoŋ ji ké Debora, a kí‑iì dzə̀ é kintìntìn ke Rama wùn Betel, e wòŋ agwan woó Efrayim, a wír veé Israyi wiy e nsaʼ sév sí, a wù tínenè.

1 Samuel 9:4

Áwune nèn dù, a tàʼ fo aŋkoŋ veé Efrayim, a tàʼ fo ŋgvən yeé Shalisha, e làa yòʼ yen. Á dù e ŋgvən Shaalim, a ví yòʼ dzə̀ fó. Á kfən ghàn é nsay Benjamin, e làa yòʼ yen.

1 Wòŋ 6:12

Ahituv wáa dzə tàr à Tsadok, a Tsadok dzə̀ tàr à Shallum.