1 Joon 5:9 - ŊWÀʼ NYÙY

⁹ Vèsən kì ji kinyo ke Nyùy suuy ki shaà ké wìr. Wìr yii lóo fèr kinyo ke wù kì yenen, á kù nèn biìmé. Vinyo vee vitaár vìn vi nén a dzə bèn, a din Nyùy e wíri e Wan və́ kitu.

1 Joon 5:9 Referans Kwoze

Lim Aŋgàa Ntum 17:31

A wù suuy bèy, bìʼ fo wù‑uù sìysìn ne kishiíy ke á wíy a saʼ nsaʼ wìr dzə̀m, a tinén réŋréŋ mo yì dzəə̀n. Wù‑uù shòʼ ne wír wo wù wíy tinén nsaʼ yee shooy, e lòo fəə́r ŋgaàŋ fo kpu, e dìn, wìr dzə̀m yén ji kinyo kee shooy ki wíy koóy rú.»

Matio 17:5

Kù mo wù suuy bèy, mbàʼ yìmòʼ nèn wìy, a yì rán ji rèké rèké, e tìím aáwuné kitu. Jì wìr súŋnín fó fo jii, «Və̀n dzə̀ Wán wom, m koŋ wun feyì, wù bòŋ mo é ŋàŋ. Vèn wáa yuurí kinyo a dzə̀ kfə́.»

1 Joon 5:10

Kí nén a dzə jii, a wìr wày shilív e Wàn Nyùy woo shoon wùn, bo vinyo vee shoon vi wíy a lùm e wùn shiliv ghán sidzə̀m. Wìr wo wù kinèn vinyo vee shoon nén a yòŋ Nyùy ji ŋgaà kimboʼtì, bìʼ fo wù tenen fó biimé kinyo ke Nyùy dìnèn e Wan və́ kitu.

Hibru 2:4

A Nyùy‑iì lo dìn sa ji vinyo ve áwune fiʼtì vìn vi dzə̀ á rú, bìʼ fo vé‑eè lóo fìʼtì, wù wàa yiì, á wàa yiì viŋgaʼnìn ve vinyò ve dzə̀ ví dìn vitaáví və́, wíri wàa yen, a ker gháʼ. Wù kfən yiì, Kiyoy ke Ranén kí bùʼ wír və́, á wáa yiì vinyo e dzə́ə sí dzə́ə sí, mo wù bùʼùn ŋgaàŋ.

Lim Aŋgàa Ntum 5:32

Vèr ku nèn a fìʼtì vinyo vee shooy. A fiʼtì vèr à Kiyoy ke Ranén kí ke Nyùy fó e wír ve á yú wune adzə̀m.»

Joon 10:38

Vèn yén, a m kù yii a dzə̀ vinyo vee shoon, a bó vèn yòʼ fə̀m koŋ, e biíme kinyo ke m suuy e mǒ kitu, vèn kù biìmé bìʼ vinyo ve m yii vìn, é vèn nèn wìy kìíy rú kijuŋ ji kù dzə̀ vèr Tàr wor, a vèr wun dzə̀ ji kitú kimòʼón.»

Joon 5:39

Vèn rə́si tar vinyo fo Ŋwàʼ Nyùy, kwaʼtì ji dzə̀ fo vèn wíy lùŋ, a ker dzəʼə̀m yee là may. A ŋwàʼ woo shooyi kù din a dzə̀ mo m dzəə̀n.

Hibru 6:18

Mo wù‑uù kàʼàn, e kfə̀n lìʼ, vinyo vìn vi nén a dzə vibaà ve bó yòʼ dzə̀ ví shaà fó ghaŋ, bìʼ fo vinyo vee shoon vi fəən a dzə̀ fo Nyùy shuù, a bó wù yòʼ yii bóʼti kimboʼtì. Kí nén a lùmèr melív mèsən ve á nəən ne e Nyùy sar, ji á fíʼ lùŋ vìn, á wáa ghar ŋkàʼmé və kitávín, a leéy a dzə̀ fó mbìy.

1 Joon 5:8

a ví dzə̀ jii, Kiyoy ke Ranén kí, ndzə́v ye vé‑eè wayin wun sho, e lì mensə́ mvə me mè‑eè cùrkìn. A vifá vee vitaár vìn vi shèmsín, a dìn a dzə̀ kinyo kimòʼón.