1 Joon 5:8 - ŊWÀʼ NYÙY

⁸ a ví dzə̀ jii, Kiyoy ke Ranén kí, ndzə́v ye vé‑eè wayin wun sho, e lì mensə́ mvə me mè‑eè cùrkìn. A vifá vee vitaár vìn vi shèmsín, a dìn a dzə̀ kinyo kimòʼón.

1 Joon 5:8 Referans Kwoze

Joon 15:26

«Yii bèy, Ŋgaà Sə wo m suuyì wíy wìy, a wù lò a dzə̀ fo Tàr wor, a dzə̀ Kiyoy kfə́ ke kí yii din kinyo ke dzəə̀n ke ru kí. A wíy lon mo fo Tàr wor, e bóo tum fo vèn. Wù wíy wìy, é wù fiʼti e wíri mo m dzəə̀n,

1 Pita 3:21

Kinyo kee shooy ki wáa dzə kisəəm ké ndzəv ye á wáy wír sho lèn, wù ràn fo wun vinyò ve bi ví. A bó á yòʼ wáy bèy ji á su a dzə̀ lóm fo ŋgaàŋ wùn. Dzə̀ kisəəm ke kí din ji ŋgaàŋ lón fo Nyùy a ji wù ku sù shilív sə́, é shí rán. A wù bòy fo wùn ajay a dzə̀ bìʼ Jesus Kristu wo wù‑uù fəən fó kpu,

Ŋwàʼ woó Rom 8:16

A yii Kiyoy ke wun woo Nyùy ke kí bánri melív mèsən, aá kiiy rú ji vèsən sì á wón və́.

Maak 14:56

Aá kì jàŋrì ne wír anín, á wìy, a toy vinyo e Jesus bàm, la ké wìr ki yòʼ a shemsín wùn à ké wìr ki gheéy.

2 Korin 1:22

e səə̀m ji wír və́, e kfə̀n wày Kiyoy kfə́ ke Ranén kí e vèsə́n meliv ji sàʼ vijùŋ ve ví dzəə́ wìy a wìy.

Lim Aŋgàa Ntum 15:15

A vinyo ve aŋgàa ntum Nyùyi‑iì sí suuy vi kù shémsin wùn à kee shooy ki. Vé‑eè sàŋ jii:

Matio 28:19

Vèn du ri, a ghan vitúm vidzə̀m, a yeʼéy wíri, a bìnèr ji wír vém, a way áwune é ndzəv e yír Nyùy Tàr wùn Wàn, à Kiyoy ke Ranén kí.

Hibru 13:12

Jesus ku nèn kpù é bǎm laʼ yeé Jerusalem fó dìn ji wun yiì ntàŋrí a dzə̀ á wo kuʼùn. Wù‑uù bèʼèy ajay wíri, mensə́ mvə mè leém ji á fíʼ a dzə a wír Nyùy.

Hibru 6:4

A dzə̀ á kù nàʼ bèy, bìʼ fo a wìr‑iì yèn ne rán, e bóo kfə̀n lò, a nyeŋ, bo bó dzəə̀ yòʼ kfə̀n dzə̀ ye dzə̀ á naàrì wun sho, wù bìnèr shilív sə́, e kfə̀n fo Nyùy. A m yoŋ wír vìn, a dzə̀ ve vé‑eè sí yú vijuŋ ve Nyùy fó e wír ve dzəə̀n vəə́, a Kiyoy ke Ranén kí lumèr melív mev.

Joon 19:34

Yii bèy, wùmòʼ woo ŋgaà rə̀r tsə́nsí kòŋ, e sòv nsaŋ Jesus sho, fəə́ mensə́ wùn à mendzə́v mè.

1 Joon 5:9

Vèsən kì ji kinyo ke Nyùy suuy ki shaà ké wìr. Wìr yii lóo fèr kinyo ke wù kì yenen, á kù nèn biìmé. Vinyo vee vitaár vìn vi nén a dzə bèn, a din Nyùy e wíri e Wan və́ kitu.