1 Joon 5:4 - ŊWÀʼ NYÙY

⁴ bìʼ fo wír ve dzəə̀n wón Nyùy adzə̀me shaàn ne vitaáví vé vinyò veé ndzə fèn. Aá sò ne ndzə, bìʼ fo á wayin shilív e Jesus wùn.

1 Joon 5:4 Referans Kwoze

1 Korin 15:57

Vèsən ku nèn a beèrì Nyùy wo wù tatin vèsən à Jesus Kristu, vèsən só vinyo ve bi ví wùn à kpúu.

1 Joon 4:4

Wòn vem, vèn dzə̀ kén wón Nyùy, a vèn shaà ne aŋgàa kimboʼtì vìy, bìʼ fo Kiyoy ke Nyùy ke kí dzəə̀n e věn meliv kí shaàn Satan wo wù ghán e ndzə fèn.

Joon 16:33

M sùúy ne vinyo e vèn, é vèn fíʼ a tiy e mǒ wùn, é melív men mè wáa dzə nyaáŋ. Vèn dzə́ e ndzə fèn lèn, a ŋgeʼ si kooy ven sinín. Yii bèy, vèn wáa wàrkìr, bìʼ fo m ghaʼan ne vitaáví vé ndzə rə̀n.»

1 Joon 3:9

Vèn wáa kiíy jii, wìr wo dzəə̀n wan Nyùy yòʼ kfə̀n dzəə́ yii vinyo ve bi ví, bìʼ fo wù sí kér liì Nyùy wo dzəə̀n Tàr wov. Mo wù siìn wan Nyùy, bó yòʼ dzə̀ wù kfə̀n a yiì vinyo ve bi ví gheéy.

1 Joon 5:5

A bó yòʼ dzə̀ wìr wùmòʼ sò, kù mày wo wù biimen ji Jesus dzə̀ rú á Wan Nyùy.

Ŋgaà Yen 3:21

Vèn wáa kiíy jii, wìr wo wù wíy so vinyo veé ndzə ye bi rə̀n, dzə̀ wo m wíy lì, é vèr wun wáa dzə e mǒ kàvàʼ, réŋréŋ sá mo mò‑oò soon vinyo veé ndzə, Tàr wor Nyùy lì mo, vèr wun wáa dzə e wùn kàvàʼ.

Ŋgaà Yen 12:11

Yii bèy, aáwune ghàʼ ne wun, bìʼ fo vé‑eè tíy kév a dzə̀ é mensə me Wàn Njiì Nyùy, fiʼtì a dzə̀ kinyo ke Nyùy, e kfə̀n biìmé kpú bìʼ kinyo kee shooy.

Ŋgaà Yen 3:5

A kù dzə̀ mo á wíy màʼ ndzə̀y se fəvír sí e wìr wo wù só vinyo ve bi ví wùn, a bó m yòʼ wíy səʼsí yír ŋgaàŋ fo ŋwàʼ wo á saŋen yír sé wìr ve á wíy lùŋ sho. M wíy tiím e Tàr wor Nyùy wùn à nshèelav sə́ sí si, a suúy feyì ji wìr və̀n dzə̀ wóom.

Ŋgaà Yen 2:11

«Vituʼùr ví dzə̀ vibaà, kímóʼ kí tén fó yu, kímóʼ kí waà yù. Vèn yuúrí ri kinyo kìn ke Kiyoy ke Nyùy ki suuy e vintatì vi. Wìr wo wù wíy so vinyo veé ndzə ye bi fen dzə̀ wo bó wù yòʼ dzəə́ wìy nəə́ e kpu yee akàŋ abaà.»

Ŋgaà Yen 3:12

Wìr wo wù wíy so ndzə ye bi rə̀n dzə̀ wo m wíy fèr ji kfəy e Tàr wor woo Nyùy lav, é wù wáa dzə fo ghán sidzə̀m. M wíy tooŋé yír Nyùy woo Tàr wor é wùn wó, e kfə̀n tooŋé yír Jerusalem wo fíy sho, a dzə̀ láʼ wun woo Nyùy ye yí wíy səʼə́y fo yuv fo wù dzəə̀n. A m kfə̀n wíy tooŋé sa yír yém ye fíyi shó.

Ŋgaà Yen 2:26

Wìr wo wù só vinyo ve bi ví, yii a dzə̀ vém, e dù, e meé e ghan se m wíy kfən, dzə̀ wo m wíy fo sáʼ sho, a dzə̀ ye Tàr wor‑iì foon e mò, é wù wáa saʼ vitúm veé nsay vidzə̀m. A wù wíy a saʼ e ŋkǒmbàŋ wo dzəə̀n kisháa, a tìm áwune shó, aá wáa bvəʼə́y moo kíŋ.

1 Joon 5:1

Vèn wáa kiíy jii, wìr dzə̀m wo wù biíme ji Jesus dzə̀ *Mfə̀ə́r wo Nyùy‑iì tumen dzə̀ wo dzəə̀n wan Nyùy. Vèsən kì jii, wìr lóo kòŋ wír, bo wù koŋ saa wan wìr woo shooy.

Ŋgaà Yen 15:2

M yén sá kirə́ʼ kímóʼ kí moo kibáŋ, a kí tíy ji nyoòŋ, yénsin moo kileèy, a və́yí baári fo fo. Wír ámóʼó wáa tiy e ghaa ndzəv fóo fèy, a dzə̀ ve wùn à nyàm ye beemén rə̀y‑iì tamen, áwune só. Áwune yòʼ‑oò ló a ghvəm kibámmbó kfə́, e kfə̀n tèn fó sə nsáŋtí və wo wú din yír rə́. Á wáa tiy e ghaa kibaŋ fey, a ker lúŋ se Nyùy foon aáwune,

Ŋgaà Yen 2:7

«Kí nén a dzə jii, vituʼùr ví dzə̀ vibaà, kímóʼ kí tén fó yu, kímóʼ kí waà yù. Vèn yuúrí ri kinyo kìn ke Kiyoy ke Nyùy ki suuy e vintatì vi. Wìr wo wù wíy so vinyo veé ndzə ye bi fen dzə̀ wo m wíy fo kilíŋ sho, é wù yí kicí ke kí kúy e Nyùy mvə̀m kiboò, a dzə̀ ke wìr yí, wù wàa ker dzəʼə̀m yee là may.»

Ŋgaà Yen 2:17

«Kí nén a dzə jii, vituʼùr ví dzə̀ vibaà, kímóʼ kí tén fó yu, kímóʼ kí waà yù. Vèn yuúrí ri kinyo kìn ke Kiyoy ke Nyùy ki suuy e vintatì vi. Wìr wo wù wíy so vinyo veé ndzə ye bi fen dzə̀ wo m wíy ŋòʼ vifá ve yi ve ví lo a dzə̀ fo Nyùy, e fo sho, aá kù lìtì vee shooy a dzə̀ é yuv. A m kfə̀n wíy fo ŋgaàŋ *síbaŋ ye fəvírí, aá sáŋ yír rə́ ye fíyi shó, a dzə̀ meŋkfə́m me ŋgaàŋ, a bó yòʼ dzə̀ wìr wùmòʼ kìíy. Kù kiiy wun woo ŋgaà síbaŋ.»

Joon 1:13

A bó á yòʼ dzə̀ wón Nyùy ji vé‑eè dzə̀ə́ áwune bey mo wíri yii lóo dzə, á dzə̀ə́ wán. A bó yòʼ dzə̀ sá ji yì‑iì sìysì wír. Á dzə̀, bìʼ fo wúnwun woo Nyùy siìn Tàr wov.

Joon 3:3

Jesus bìnèr jii, «Kú a kiíy rúrú jii, bó yòʼ dzə̀ wìr shòv sáʼ Nyùy e si, a bó á kfən dzə̀ə́ ŋgaàŋ dzəə́n ji wír wo fíy.»

1 Joon 2:29

Mo vèn kiìn ji Nyùy dzə̀ e juŋ, là jay, a dzə̀ vèn kìíy sá ji wìr wo wù yii vinyo və́ là jay dzə̀ á wan wun woo Nyùy.

1 Joon 5:18

Vèsən kì ji wìr wo siìn wan Nyùy yòʼ kfə̀n dzə̀ wù wàa yiì vinyo ve bi ví, bìʼ fo Jesus woo Wan Nyùy sí shiy wun. A bó yòʼ dzə̀ Satan woo ŋgaà vinyò ve bi ví kfə̀n kùm wun gheéy.