1 Joon 5:19 - ŊWÀʼ NYÙY

¹⁹ Vèsən kì sá ji vèsən dzə̀ á wón Nyùy, yii bèy, a wír ve dzəə̀n veé ndzə fèn adzə̀me dzə̀ kév e ŋgaà vinyò ve bi ví və̀y kiwo.

1 Joon 5:19 Referans Kwoze

2 Korin 4:4

Ké wír vìn ki dzə̀, a sə̀tí Satan woo nyùy wo wù kér ndzə rə̀n lèn vifií vév fo á biíme sáʼka Nyùy wo juŋ. A bó yòʼ dzə̀ áwune yèn rán ye sáʼka Nyùy wìyìn shó, a kiíy mo Kristu dzəə̀n. Kristu, wo wùn Nyùy dzəə̀n kikúv kimòʼón.

Efesor 2:2

Vèn‑eè yú kinyo a dzə̀ ké fòn *anyùy, nèn yii kinyo a dzə̀ keé ndzə ye kér wun rə̀n. A dzə̀ wun wo wù sáʼ vifá ve ví ghán e shwer ji anyùy vidzə̀m, a ghán wun lèn, danèr wír ve á méŋ Nyùy adzə̀m, aá yii vinyo ve bi ví.

Galatia 1:4

A Jesus Kristu və̀n‑eè lo biìmé kinyo ke Nyùy woo Tàr wòsən‑eè sìysìn. Wù‑uù fò kitú kfə́, bìʼ vinyo vesən ve bi ví ji wun fíʼ taŋrí vèsən, aá boy fó ndzə yee lèn ye dzəə̀n ye vinyò ve bi ví.

Joon 12:31

Á lèn wo wír veé ndzə fène yíi lì lòn, aá baʼ Fon wo wù sáʼ ndzə yee shoon fo kàvàʼ.

Ŋgaà Yen 12:9

A kintìŋ ke kigàgǎʼsòŋ ke vé‑eè jùmèn kin ki dzə̀ yó ye yì‑iì siìn fó ŋgùʼ, a dzə̀ wun wo wù ghán ndzə e dzə̀m, bóʼti wíri, aá yoŋ yír rə́ ji Satan, a dzə̀ ji Tavmènàŋ. A vé‑eè jùm, e màʼ a dzə̀ é nsay wùn à nshèelav sə́ sí sidzə̀m.

Joon 16:11

Mo fòn wo wù sáʼ ndzə rə̀n dzə́ lèn, a wù lí ne lòn, kí nen kfə̀n a dìn sa ji áwune jáy fó a meŋ lǒn vinyò ve bi ví.

1 Joon 5:20

Wàn Nyùy‑iì lo wìy e nsay fèn, e mvə̀ʼ vifií vesən, vèsən wáa kiíy Nyùy woo rú, a vèsən sí dzə́ kintatì vèsən à Nyùy woo rú və̀n, bìʼ fo vèsən à Wan və Jesus Kristu suusin ne. A dzə̀ wun wo dzəə̀n Nyùy woo rú. A dzəʼə̀m yee là mayi dzə̀ a dzə̀ e wùn kiwo.

1 Joon 5:13

Mo m sáŋ vinyo vìn vidzə̀m bèn, m sáŋ a dzə̀ fo vèn ve á wayin ne shilív e Wàn Nyùy wùn, é vèn fíʼ kiíy ji vèn sí kér dzəʼə̀m yee là may.

Jeem 4:4

Vèn màʼày ne Nyùy, e kfə̀n moo wiíy wo wù ghán viŋkar. Bó vèn yòʼ kì jii, a wìr koò viŋkar wùn à vinyo veé ndzə fèn vi, bo wù sí ban Nyùy bánen a? Kí nén a dzə jii, wìr wo wù koŋ, a dzə ŋkar vinyò veé ndzə fèn, ŋgaàŋ lì ne kitú kfə́ á ji ŋgaà vibàn Nyùy.

Joon 14:30

A bó m yòʼ dzəə́ yìi rəsí, a suŋnín vèsən, a dù kwaʼda. Fòn wo wù sáʼ ndzə rə̀n sí wiyì. A bó yòʼ dzə̀ ji wù kér vitaáví ve dzə̀ wù yiì kinyo e mò.

1 Joon 5:10

Kí nén a dzə jii, a wìr wày shilív e Wàn Nyùy woo shoon wùn, bo vinyo vee shoon vi wíy a lùm e wùn shiliv ghán sidzə̀m. Wìr wo wù kinèn vinyo vee shoon nén a yòŋ Nyùy ji ŋgaà kimboʼtì, bìʼ fo wù tenen fó biimé kinyo ke Nyùy dìnèn e Wan və́ kitu.

1 Joon 3:24

Vèn wáa kiíy jii, wìr wo wù yú sáʼ Nyùy dzə̀ á wo wù tíy kfə́ wùn Nyùy, a Nyùy tíy sa wùn ŋgaàŋ. A kinyo ke kí yii, bo vèsən wáa kiíy rú kijuŋ ji Nyùy tíy vèsən áwune kí dzə̀ Kiyoy kfə́ ke Ranén kí ke wù foon e vèsən.

Ŋgaà Yen 20:3

Wù kúr bey, e màʼ e biíntùr, e sə̀tí shuu e kitu wo, e fìnèr fo wù kfə́n a ghan e kitu ke nsay, a boʼtí wíri, a bó kiyá kee nsə̀kì kìy ki yóʼ ne shaà. Kí wíy shaà, aá nèn bvə̀r, e màʼtì, é wù ghánrí shintàm.

1 Joon 5:18

Vèsən kì ji wìr wo siìn wan Nyùy yòʼ kfə̀n dzə̀ wù wàa yiì vinyo ve bi ví, bìʼ fo Jesus woo Wan Nyùy sí shiy wun. A bó yòʼ dzə̀ Satan woo ŋgaà vinyò ve bi ví kfə̀n kùm wun gheéy.

2 Korin 5:1

A bó yòʼ dzə̀ vèr wàa dor fo Nyùy lìm, bìʼ fo vèr kiìn jii, a fə̀m dzə̀ ji yúyrí, á yúyrí wún vən, bo á sàʼ a dzə̀ á táv wo vèr bee sho e ndzə fèn, é vèr wáa ker a dzə̀ lav e yuv. Lèm Nyùy yee shooy, a bó yòʼ dzə̀ moo ye bàʼrìn wír. Yì wíy a tiy fo ghán sidzə̀m, a bó yòʼ dzə̀ yì sàʼkìr.

Ŋwàʼ woó Rom 8:16

A yii Kiyoy ke wun woo Nyùy ke kí bánri melív mèsən, aá kiiy rú ji vèsən sì á wón və́.

1 Joon 3:14

Á ban bèy, a vèsən kì ji vèsən bòy ne fo kpu, aá sí kér dzəʼə̀m yee là may. Vèsən kìíy bèy, bìʼ fo vèsən sí koŋ afə́r vesən. Yii bèy, wìr wo bó wù yòʼ koŋ fə́r və yòʼ dzə̀ wù bòy fó kpu gheéy.

Titur 3:3

Kú a kuumé ji vèsən‑eè ló a yiì saa kiyúŋ, a tav kitú, a jay vinyo. Vèsən‑eè fiìnè vitú vesən ji á wáa yiì mo á koó, a yi a dzə̀ kitú. Vèsən kù‑uù rə́si dzə́, kér a dzə̀ melív me bi mè, siíme kinsiimè, a vèsən à wíri bannìnè.

2 Timoti 1:12

M nén a yen ŋgeʼ e sháŋ lèn a dzə̀ bìʼ lim yee shooy. A bó yòʼ dzə̀ m wàa fàn ji yí lày ne a kisáŋ, bìʼ fo m kiìn mo wun woo Kristu wo m wayin shilív é wùn wó dzəə̀n. M kì féyì ji dzə̀ wù kù wìy a leéy a fo kinyò ke Nyùy wayin e mǒ kiwo, é kí wáa dù fo mbìy, e meé e kishiíy kee shó ke wù wíy kfən.

2 Korin 1:12

A dzə̀ mo vèr à wíri yii dzə́, m wàa tuy shwín, a suúy feyì fo shiliv jii, m kù yii yii kinyo e wìr, a dzə̀ ke m yú fo Nyùy, bo taaka e vèn, e làa yòʼ a bìnbìn. A bó yòʼ dzə̀ m wàa yiì kinyo, a dzə̀ ke yii kwaʼtì wír. M kù yii kinyo kidzə̀m, a dzə̀ ke Nyùy din e mò, sə́ mo, a m yii.

Ŋwàʼ Luk 4:6

Wù suúy shó jii, «Vé‑eè fò ne kitú ke nsay kìn e mò, a dzə̀ m fò e wìr wo m koŋè. A m yíi fo e wò, áà wáa saʼ, a ker bùʼ wo wù dzəə̀n shó e dzə̀m.

Joon 17:15

A bó m yòʼ lón bèn ji à fəə́r áwune fó ndzə fèn. Ke m lón ki dzə̀ ji à kú a shìy áwune fo Satan woo ŋgaà vinyò ve bi ví.

1 Joon 5:15

Mo vèsən kiìn ji vèsən yíi lòo lon kifá, é wù ku nèn yù, bo vèsən kìíy ne sa ji á yíi a ker a kifá kee shooy.