1 Joon 5:18 - ŊWÀʼ NYÙY

¹⁸ Vèsən kì ji wìr wo siìn wan Nyùy yòʼ kfə̀n dzə̀ wù wàa yiì vinyo ve bi ví, bìʼ fo Jesus woo Wan Nyùy sí shiy wun. A bó yòʼ dzə̀ Satan woo ŋgaà vinyò ve bi ví kfə̀n kùm wun gheéy.

1 Joon 5:18 Referans Kwoze

1 Joon 3:9

Vèn wáa kiíy jii, wìr wo dzəə̀n wan Nyùy yòʼ kfə̀n dzəə́ yii vinyo ve bi ví, bìʼ fo wù sí kér liì Nyùy wo dzəə̀n Tàr wov. Mo wù siìn wan Nyùy, bó yòʼ dzə̀ wù kfə̀n a yiì vinyo ve bi ví gheéy.

1 Joon 5:4

bìʼ fo wír ve dzəə̀n wón Nyùy adzə̀me shaàn ne vitaáví vé vinyò veé ndzə fèn. Aá sò ne ndzə, bìʼ fo á wayin shilív e Jesus wùn.

Ŋwàʼ Jud 1:21

Vèn wáy vifií vén ví cáʼ ji vèn kú a yu a dzə̀ á fo Nyùy, é wù maysi, a kòŋ ven. Vèn wáa shìy ji nyaáŋ, é Taàtá wòsən Jesus Kristu wìy kfə̀n, e shàm ven, e lì, e wày é dzə̀ʼə̀m yee là may.

1 Joon 5:1

Vèn wáa kiíy jii, wìr dzə̀m wo wù biíme ji Jesus dzə̀ *Mfə̀ə́r wo Nyùy‑iì tumen dzə̀ wo dzəə̀n wan Nyùy. Vèsən kì jii, wìr lóo kòŋ wír, bo wù koŋ saa wan wìr woo shooy.

Ŋwàʼ Jud 1:24

M nén a way ven a dzə̀ e Nyùy kiwo. Dzə̀ wun wo dzə̀ wù wàa tom ven fo vèn gbu, a yiì, é vèn wìy a tiy e wùn si là shilóm, a yen rán rə́ ye ghaʼáné, a sheʼrí.

1 Joon 3:3

Kí nén a dzə jii, wìr wo wù leey fó mbìy, shiy Jesus, yii baamè vinyo ve bi ví, ji wun fíʼ a dzə là njò, réŋréŋ mo Jesus dzəə̀n.

Jeem 1:27

Wìr wo Nyùy yén ji wù yú rú kinyo kfə́ shilív shimòʼón, a bó wù yòʼ kér jay wùmòʼ, dzə̀ wo wù leey fo wón tsə̀ə́ wùn à vikǐy ŋkfəə, sə́ áwune. Kfə́n a dzə wír wo wù kim kitú kfə́, fo vinyo veé ndzə fèn vi bívír wun.

1 Pita 1:23

a kiíy jii, jí se Nyùy se sí tíy fo ghán sidzə̀m, fó dzəʼə̀m ye fíyi, si yiì ne, á dzəə́ ven afíy. A bó yòʼ dzə̀ ji wón wìr wo dzə̀ wù kpù, vèn sì wón Nyùy wo wù gòʼòn kàŋ mòʼón.

1 Joon 2:29

Mo vèn kiìn ji Nyùy dzə̀ e juŋ, là jay, a dzə̀ vèn kìíy sá ji wìr wo wù yii vinyo və́ là jay dzə̀ á wan wun woo Nyùy.

Joon 15:9

«Mo Tàr wor koŋ mo, dzə̀ réŋréŋ mo m koŋ sa ven. Vèn ku nèn a yiì vinyo a dzə̀ ve dzə̀ m wàa kòŋ ven.

Nsùyrì Nyùy 119:101

Bó m yòʼ jumrì dzə́ə ye bi fə̀m e mòʼón, m kù lem a dzə̀ jí yè.

Nsùyrì Nyùy 18:23

Mò‑oò dzə́ là shilóm e wun si, jámer kitú kém fó kinyò ke bi kí.

Nsùyrì Nyùy 17:4

M yòʼ jumrì yíi wìr msòŋ ye bií. M yú kém a dzə̀ fo wò nsər, baʼàr dzə́ə sé melaà sidzə̀m.

Ŋgaà Yen 2:13

M kì fo vèn dzə́. Vèn dzə́ a dzə̀ fo ntoʼ Satan dzəə̀n. Yii bèy, a m kì ji vèn kù kì fon won a dzə̀ á mo və̀n, a bó vèn yòʼ‑oò yiì ne mèŋ mo gheéy. Fə̀m‑eè dzə̀ é ghan se vé‑eè yuyrin Antipar e vèn à Satan kirə̀ʼ fóo fèy, bìʼ fo wù‑uù fiʼtì kinyo kém shilív shimòʼón, vèn yòʼ‑oò lo fàn, e lèʼ mo gheéy.

1 Joon 5:21

Wòn vem, kí nén a dzə jii, vèn wáa yen a fó a jùmrì anyùy kisaŋe.

1 Joon 4:6

Mo vèsən dzəə̀n késən wón Nyùy, wìr dzə̀m wo wù kiìn Nyùy nén a yuurí sa vinyo vesən, a bó wìr wo yòʼ dzəə̀n wan Nyùy yòʼ yuúri. Á nén a kiíy wír wo wù kér Kiyoy ke Nyùy ke kí yii suuy a dzə̀ kinyo ke ru kí, e kfə̀n a kiíy wír wo wù jumrì kfə́ a dzə̀ kimboʼtì.

Joon 15:7

A vèn fèn tíy e mǒ wùn, a jí sém sí tíy e věn meliv, bo dzə̀ vèn lòn kifá ke á lón fo Nyùy, a ker kíwun.

Joon 1:13

A bó á yòʼ dzə̀ wón Nyùy ji vé‑eè dzə̀ə́ áwune bey mo wíri yii lóo dzə, á dzə̀ə́ wán. A bó yòʼ dzə̀ sá ji yì‑iì sìysì wír. Á dzə̀, bìʼ fo wúnwun woo Nyùy siìn Tàr wov.

Ŋgàn 4:23

Kìm kitú ké ki fó yiì ye bií, ku kìm, bìʼ fo yíi wìri kù lo a dzə̀ fó kinyò ke wù kwàʼtìn.

Nsùyrì Nyùy 39:1

Mò‑oò shìvìr jii, «M yíi a tiír kiwúu kém, a fìʼ, ji lá m yòʼ a suúy kinyo ke dzə̀ kí wày mo é jay. Mo wír ve á méŋ wòo dzə̀ə́ e mǒ si, m yíi sətí shuu wóm.»

1 Joon 3:12

A bó kí yoʼ ghèén ji vèsən wáa yiì moo Keen. Wù‑uù dzə̀ kfə́ wan Satan woo ŋgaà vinyò ve bi ví, e nèn lò, e yùyrí wan yè wov. A yì‑iì yiì ka, bo wù wáa yuyrí fə́r və? Wù‑uù yúyri, bìʼ fo wù‑uù yii kfə́ a dzə̀ vinyo ve bi ví, a fər və yii ve juŋ vi.

Lim Aŋgàa Ntum 11:23

Wù dù, e mèé fo, e yèn mo Nyùy bùʼùn wír vìy e vijuŋ vi, wù wáa sheʼrí, a tir áwune ji á kú a tiy a wùn à Taàtá Jesus shilív shimòʼón.

Joon 15:4

Vèn kú a tiy a dzə̀ e mǒ wùn, é m nèn a tiy sa vèsən. Mo bó yòʼ dzə̀ tám kifa wú kòóm, a bó wú jáv a dzə̀ fó kitiír, dzə̀ réŋréŋ sá mo bó yòʼ dzə̀ vèn wàa yiì kinyo ke ru kí, a bó vèn yòʼ tíy e mǒ wùn.

Joon 14:30

A bó m yòʼ dzəə́ yìi rəsí, a suŋnín vèsən, a dù kwaʼda. Fòn wo wù sáʼ ndzə rə̀n sí wiyì. A bó yòʼ dzə̀ ji wù kér vitaáví ve dzə̀ wù yiì kinyo e mò.

Jeem 1:18

Kù‑uù sìysì wun, bo vèsən wáa dzə wón və́. Wù‑uù tsə̀nsí vèsən jí rə ye dzəə̀n kinyo ke ru kí ji á fiʼ kìíy wun, a dzə ji kifá ke mbìy ki ke wù tayin, e siìr ji kfə́ fó vifa ve wù‑uù bomen vidzə̀m.

Nsùyrì Nyùy 119:3

Dzə̀ áwune ve á yòʼ yii vinyo ve bi ví, aá ghán kév a dzə̀ e Nyùy mbòv.

Matio 5:37

Vèn lóo suúy kinyo ke á suuy kidzə̀m, kí kù a dzə ji eè, kìn ji àáy. A wìr suuy kinyo e shaà kin, bo kee shooy ki lò a dzə̀ fo Satan woo ŋgaà vinyò ve bi ví.

Matio 6:13

Lá à yòʼ màʼtì, é vinyo ve ví mum ver ví gháʼ ver. Kìŋsìn ver fo Satan woo ŋgaà vinyò ve bi ví.›

1 Joon 5:15

Mo vèsən kiìn ji vèsən yíi lòo lon kifá, é wù ku nèn yù, bo vèsən kìíy ne sa ji á yíi a ker a kifá kee shooy.

1 Joon 5:19

Vèsən kì sá ji vèsən dzə̀ á wón Nyùy, yii bèy, a wír ve dzəə̀n veé ndzə fèn adzə̀me dzə̀ kév e ŋgaà vinyò ve bi ví və̀y kiwo.

1 Joon 5:20

Wàn Nyùy‑iì lo wìy e nsay fèn, e mvə̀ʼ vifií vesən, vèsən wáa kiíy Nyùy woo rú, a vèsən sí dzə́ kintatì vèsən à Nyùy woo rú və̀n, bìʼ fo vèsən à Wan və Jesus Kristu suusin ne. A dzə̀ wun wo dzəə̀n Nyùy woo rú. A dzəʼə̀m yee là mayi dzə̀ a dzə̀ e wùn kiwo.

Cù 11:37

A kibar ke kimkpu ke vifa vìn ki tùm, e kùm ŋgoòy kifa ye á yíi way, bo ŋgoòy yee shooy kù goʼ là kifàn.