Biblia Todo Logo
Bib sou entènèt

- Piblisite -




1 Joon 5:16 - ŊWÀʼ NYÙY

16 Kí nén a dzə jii, vèn lóo yen, a fər won wùmòʼ jáy kinyo, vèn wàa lon ji Nyùy sə́ á wun. Vèn lóo lon, a bó wù yoʼ jày kinyo ke dzə̀ kí yiì, wù kpù, é Nyùy ku nèn sə̀ wun, é wù luŋ. Yii bèy, a dzə̀ wìr jày kinyo ke dzə̀ kí yiì, wù kpù, a bó m yòʼ suuy ji vèn wáa lon a ji Nyùy sə́ vee shooy vee wír.

Gade chapit la Kopi




1 Joon 5:16
32 Referans Kwoze  

«Jeremia, lá à yòʼ yiì a bùnrì, lá à yòʼ yiì a buʼ wó e mò bìʼ wír vìn. Aáwune lò, a toŋ, a mbaà mo é ghan se á dzəə̀n é ŋgeʼ, bo m yòʼ‑óò yuúrí.


A wìr lòo dzə e jày wùn wùmòʼ, Nyùy nəə́ aáwuné nsàn, wù màn jay wov, yii bèy, wìr jáy wùn Nyùy Tàr, bo yíi man la jay və?» Á bèy, la wón Elií yòʼ yù ntir tàr wov, bìʼ fo Nyùy Tàr‑iì sìysìn ne ji wun wíy laàr a áwune.


«Kímóʼ kí wáa dzə jii, a dzə̀ Nyùy wìy làysìn jay wìr wo wù kuu ŋgaà wo yírí dzəə̀n Wanwìr və̀n, a bó yòʼ dzə̀ wù wìy làysìn jay wìr wo wù kuu a dzə̀ Kiyoy ke Ranén kí.


Nyùy Tàr suúy e mò jii, «Lá à yòʼ a bùnrì ji m yii, é wír vìne wáa dzə kijuŋ.


«Fo ké ki Jeremia, lá à yòʼ a bùnrì fo wír vìne. Lá à yòʼ a toŋ e mò bìʼ áwune. Lá à yòʼ a lon mo ji m sə́ áwune. M yòʼ yíi yuurí.


«Yii bèy, a wìr gbù nsər e kúmé, kìn dzə̀ wan nsay, kìn dzə̀ kiŋgwìy, bo wù tàʼ a dzə̀ Nyùy Tàr ntéŋ, á nèn kù fə̀ə́r wun fo wír vəə́ mvəm.


Wù wáa bùnrì jii, «Éè Tàr, aà fen yèn ji m ghèén wò, kii wò, Tàr, à kù a dù vèsən. Wír vìne tàv rú kitú feyì, ku làysìn ajay vér wùn à yii yér ye bií, e lì ver ji wír vé ŋkuuŋkùŋ.»


Abraham nèn bùnrì Nyùy, Abimelek bónén. Nyùy kfən mvə̀ʼ kidzəə́y ké wiiy Abimelek wùn à ké akwàn və́ vee vikìyí, á wáa dzəəkír,


Siìr ri wiiy lumèn və̀y sho. Wù dzə̀ *ŋgaà ntum wom. Wù yíi bùnrì fo wò, áà wáa dzə e tin. Aà lòo dzə, e làa yòʼ siìr, à wàa kiíy ji vèn à wír vée kù waà yíi kpukír.»


Nyùy suúy ji wun yíi laàr a áwune, Mooser wo Nyùy‑iì shoʼon ji ŋgaà və lìm tiím. Wù tiím, e bùʼ wó e Nyùy, Nyùy màʼày dòʼshwíiy və, e làa yòʼ dzə́ə laàr áwune.


«M nén a lon kinyo ke m lón kìn a dzə̀ fo áwune vee shoone. Bó m yòʼ lón fo wír ve dzəə̀n veé ndzə fène, m kù lón a dzə̀ fo áwune ve wò‑oò foon ji vém víne, bìʼ fo dzəə̀n wír vé.


M nə̀ə́ ne e wír vémé mvəm ji sà dzə̀ m yèn wír wo dzə̀ wù tìím fo káy wìr vémé gbuùn, e siìr suuyrú fó, é la m yòʼ dzəə laàr áwune á. M leéy bey, e làa yòʼ yen wír.


Mooser nèn bùʼ wó e Nyùy Tàr jii, «Éè Nyùy, kii wò, ku fèr wun.»


Kú a kiíy ji Aleŋsanda woo ŋgaà kilàm bìvír a vinyo vém féyì, a Nyùy wíy làʼ wun fo kinyò ke wù‑uù yiìn.


Á nèn a suúy e Samuel jii, «Bùnrì Nyùy Tàr woo Nyùy wò fo aŋgàa lìm vée, fo á kpúkír. Vèr kfə̀n yiì ne kinyo ke bi kí mó a tàʼ fon, e tatí vímóʼ ví ve vèr‑iì sí yii.»


Ajay ve wíri yii adzə̀me dzə̀ kinyo ke bi kí fo Nyùy, a bó yòʼ dzə̀ vinyo vidzə̀m ve dzə̀ ví yiì, wìr kpù.


Swiv nou:

Piblisite


Piblisite