1 Joon 5:13 - ŊWÀʼ NYÙY

¹³ Mo m sáŋ vinyo vìn vidzə̀m bèn, m sáŋ a dzə̀ fo vèn ve á wayin ne shilív e Wàn Nyùy wùn, é vèn fíʼ kiíy ji vèn sí kér dzəʼə̀m yee là may.

1 Joon 5:13 Referans Kwoze

Joon 20:31

Á nén a saŋ vin bèn ji vèn fiʼ biìmé a ji Jesus dzə̀ *Mfə̀ə́r, a dzə̀ Wan Nyùy. Vèn biíme, wáy shilív é wùn wó, é wù nèn yiì, é vèn wáa ker dzəʼə̀m yee là may.

Joon 1:12

Yii bèy, a wír ámóʼó‑oò ló a yen wun feyì, a way shilív é wùn wó. Wù nèn lì vee shooy adzə̀m, e bùʼ ji wáa dzə wón Nyùy.

1 Joon 3:23

A sáʼ rə́ rə́ne dzə̀ jii, vèsən wáy á shilív e Wan və Jesus Kristu wùn, e kfə̀n a kòŋnìn. Á mo wù‑uù suuyin ji vèsən wáa yiì.

Joon 3:18

Wír wo wù wáy shilív e Wàn Nyùy wùn bòy ne fo lòn. Wìr wo wù tén fó way lì ne lòn, bìʼ fo wù leeyin wír wo dzəə̀n Wan Nyùy ntéŋ, a bó wùmòʼ yòʼ kfə̀n dzə̀.

1 Joon 2:21

A bó m yòʼ sáŋ ŋwàʼ və̀n fo vèn ben ji vèn dzəə́ méŋ a vinyo ve ru ví. M sáŋ bìʼ fo vèn kiiyin ne. A vèn kì sá kijuŋ ji wìr wo wù tíy kfə́ a dzə̀ e Nyùy kinyò ke ru kí yòʼ dzə̀ á wù wàa boʼtí kimboʼtì.

Galatia 4:6

Mo wù liìn vèsən ji wón və́, e nèn tùm Kiyoy ke Wan və və̀n, kí wíy, e nə̀ə́ e vèsə́n meliv, a yiì, vèsən wáa yòŋrì Nyùy ji Tàr, Tàr.

1 Joon 5:10

Kí nén a dzə jii, a wìr wày shilív e Wàn Nyùy woo shoon wùn, bo vinyo vee shoon vi wíy a lùm e wùn shiliv ghán sidzə̀m. Wìr wo wù kinèn vinyo vee shoon nén a yòŋ Nyùy ji ŋgaà kimboʼtì, bìʼ fo wù tenen fó biimé kinyo ke Nyùy dìnèn e Wan və́ kitu.

1 Joon 2:1

Wòn vem, m sáŋ ŋwàʼ və̀n fo vèn ben fo vèn kfə́n a jay vinyo. A wìr lòo dzə, e kfə̀n jày kinyo, wù wàa kiíy ji wìr wùmòʼ dzə̀, a bó wù yòʼ kér njò, a wù tíy e Tàr wov Nyùy si, búʼ wó bìʼ vèsən, a ŋgaàŋ dzə̀ Jesus Kristu.

1 Joon 1:4

M nén a saŋ vinyo vìn fo vèn lèn ji vèn tátí sá bèy, é vèsən wáa sheʼrí a ghán sidzə̀m.

1 Pita 5:12

M sàŋ shiŋwàʼ shìn fo vèn ben, a sə̀ Silar mo. A m kì wun feyì ji fər wòsən wo dzə̀ wìr wày shilív é wùn wó. M sàŋ ben, e fíʼ tir ven, é vèn kiíy ji kinyo ke m saŋen kin ki din rú á mo Nyùy koŋ vèsən, shám vèsən. Vèn ku nèn ghàr ri vinyo vìn, a tiy sho kitávín.

2 Korin 5:1

A bó yòʼ dzə̀ vèr wàa dor fo Nyùy lìm, bìʼ fo vèr kiìn jii, a fə̀m dzə̀ ji yúyrí, á yúyrí wún vən, bo á sàʼ a dzə̀ á táv wo vèr bee sho e ndzə fèn, é vèr wáa ker a dzə̀ lav e yuv. Lèm Nyùy yee shooy, a bó yòʼ dzə̀ moo ye bàʼrìn wír. Yì wíy a tiy fo ghán sidzə̀m, a bó yòʼ dzə̀ yì sàʼkìr.

Lim Aŋgàa Ntum 4:12

A wíri kù luŋ a dzə̀ fo Jesus və̀n cáʼcáʼ, bìʼ fo wìr wùmòʼ yòʼ kfə̀n dzəə̀n shó e ndzə fèn wo Nyùy‑iì lèmèn ji vèsən wíy lùŋ fo fo.»

Joon 2:23

Jesus ku nèn a dzə e Jerusalem e ghan sé Ŋkǎʼ Yáʼayshaà sìn, a yiì viŋgaʼnìn ve vinyò, ví wáa dìn vitaáví vé Nyùy. Wír aníne wáa yen, a way shilív é wùn wó.

1 Joon 2:26

Á vinyo vìn ve m kì taʼ, e saŋ fo vèn, bìʼ wír ve á taʼ ji á wáa boʼtí ven.

Lim Aŋgàa Ntum 3:16

A yiì vitaáví vé Jesus woo shooy, bo ndzə́m wo vèn yén, kiiy və̀n bónén, bìʼ fo vèr wáy shilív a dzə̀ e wun woo Jesus wùn. A kù yiì shilív she vèr wayin é wùn wó, bo vèn wáa yen, a ndzə́m və̀n bónén ne, e tàv kijuŋ bèn.

Joon 21:24

A kù dzə̀ wan lìm Jesus woo shooy wo wù‑uù yenen vinyo vìn vidzə̀m, e sàŋ é ŋwàʼ fèn, a vèr kì ji kinyo ke wù fer kìn ki dzə̀ á ke ru kí.

Joon 5:24

«Vèn wáa kiíy rúrú jii, wìr wo wù yú kinyo ke suuy mo, wáy shilív e ŋgaà wo wù tumen mó wùn, sí kér dzəʼə̀m yee là may. Ŋgaàŋ yòʼ dzəə́ wìy nəə́ e nsaʼ. Wù bòy ne fo kpu, e nə̀ə́ e dzə̀ʼə̀m yee là may.

1 Joon 2:25

Vèn wáa kuumé ji yì‑iì kàʼ Wan Nyùy və̀n ji wun wíy fo vèsən dzəʼə̀m yee là may.

1 Joon 4:9

Nyùy‑iì lo dìn rú ji wun koŋ a vèsən. Wù‑uù tùm màyshó Wan və é nsay fèn ji wù wiy, e yiì, é vèsən fíʼ a ker dzəʼə̀m yee là may.

1 Joon 5:11

A kisəəm ke Nyùy‑iì dìnèn e Wan və́ kitu kìn ki dzə̀ dzəʼə̀m yee là may ye wù‑uù foon e vèsən, a yí lo a dzə̀ fo Wan və.

1 Joon 5:20

Wàn Nyùy‑iì lo wìy e nsay fèn, e mvə̀ʼ vifií vesən, vèsən wáa kiíy Nyùy woo rú, a vèsən sí dzə́ kintatì vèsən à Nyùy woo rú və̀n, bìʼ fo vèsən à Wan və Jesus Kristu suusin ne. A dzə̀ wun wo dzəə̀n Nyùy woo rú. A dzəʼə̀m yee là mayi dzə̀ a dzə̀ e wùn kiwo.