1 Joon 5:12 - ŊWÀʼ NYÙY

¹² Kí nén a dzə jii, wìr wo wù táti wùn Wàn Nyùy sí kér dzəʼə̀m yee shoon, a bó yòʼ dzə̀ wír wo wù tén fó tatí wàa ker gheéy.

1 Joon 5:12 Referans Kwoze

Joon 3:36

Wìr wo wù wáy shilív e Wàn Nyùy wùn sí kér dzəʼə̀m yee là may. Wìr wo bó wù yòʼ yú kinyo kfə́ yòʼ wíy a ker dzəʼə̀m yee shooy gheéy. Lǒn Nyùyi kù gòʼ ne e ŋgaàŋ kitu ghán sidzə̀m.

Joon 5:24

«Vèn wáa kiíy rúrú jii, wìr wo wù yú kinyo ke suuy mo, wáy shilív e ŋgaà wo wù tumen mó wùn, sí kér dzəʼə̀m yee là may. Ŋgaàŋ yòʼ dzəə́ wìy nəə́ e nsaʼ. Wù bòy ne fo kpu, e nə̀ə́ e dzə̀ʼə̀m yee là may.

Joon 3:15

é wír ve á wáy shilív é wùn wó adzə̀me luŋ, a ker dzəʼə̀m yee là may.

Joon 1:12

Yii bèy, a wír ámóʼó‑oò ló a yen wun feyì, a way shilív é wùn wó. Wù nèn lì vee shooy adzə̀m, e bùʼ ji wáa dzə wón Nyùy.

1 Korin 1:30

Dzə̀ wun woo Nyùy wo wù liìn ven, e tàtí vèn à Jesus Kristu, wù wáa fo vèsən vifií ve ru ví, Nyùy kfən lì vèsən ji wír vee là jay, e fə̀ə́r vèsən fó lǒn vinyò ve bi ví, a yòŋ ji və́ vee wír.

Maak 16:16

Wìr wo wù biimen, á kfən wày wun e ndzəv wíy lùŋ. Wìr wo wù tenen fó biimé wíy gbù nsaʼ.

2 Joon 1:9

Vèn wáa kiíy jii, wìr wo bó wù yòʼ tíy a dzə̀ é yeʼéy ye yí lo fo Jesus Kristu, wáyri və́ vee vinyo, yòʼ dzə̀ wùn Nyùy wàa dzə kintatì. Wìr wo wù tíy kfə́ a dzə̀ é kinyò ke Jesus Kristu yéʼeyì, ŋgaàŋ dzə̀ kintatì wùn Nyùy, e kfə̀n a dzə wùn Wan və Jesus Kristu woo shooy.

Hibru 3:14

Kifá ke Kristu kér kidzə̀m ki sì sá késən, a vèsən fèn tíy a dzə̀ é kinyò ke vèsən‑eè wayin shilív shó fo mbìy, e dù, e jòʼsì.

Galatia 2:20

Mo Kristu‑uù kpuun é kintam, sì yém yee kpú. M dzə́ lèn bèn, a bó yòʼ dzəə́ dzə́ mo gheéy, sí dzə́ Kristu e mǒ wùn. A dzə́ ye m dzə́ rə̀n, m dzə́ a dzə̀ bìʼ fo m wáy shilív e wun woo Wan Nyùy wùn, wo wù kòŋèn mo, e lì kitú kfə́, e tàŋrí mo shó.