1 Joon 5:1 - ŊWÀʼ NYÙY

¹ Vèn wáa kiíy jii, wìr dzə̀m wo wù biíme ji Jesus dzə̀ *Mfə̀ə́r wo Nyùy‑iì tumen dzə̀ wo dzəə̀n wan Nyùy. Vèsən kì jii, wìr lóo kòŋ wír, bo wù koŋ saa wan wìr woo shooy.

1 Joon 5:1 Referans Kwoze

1 Joon 2:29

Mo vèn kiìn ji Nyùy dzə̀ e juŋ, là jay, a dzə̀ vèn kìíy sá ji wìr wo wù yii vinyo və́ là jay dzə̀ á wan wun woo Nyùy.

Joon 8:42

Jesus bìnèr jii, «A Nyùy kì dzə̀ rú Tàr won, bo vèn ku lò a kòŋ mo, bìʼ fo m dzəə̀n fen, a m lò a dzə̀ fo Nyùy. A bó m yòʼ‑oò wìy fo mǒ kitu. Yì‑iì tùm Nyùy mo.

1 Joon 4:7

Ŋkàr sem, vèsən kú a kòŋnìn, bìʼ fo yii Nyùy, bo wíri wáa kòŋnìn. Wìr lóo yiì bèy, é wù nèn a dzə rú wan Nyùy, e kfə̀n a kiíy sa Nyùy.

1 Joon 3:14

Á ban bèy, a vèsən kì ji vèsən bòy ne fo kpu, aá sí kér dzəʼə̀m yee là may. Vèsən kìíy bèy, bìʼ fo vèsən sí koŋ afə́r vesən. Yii bèy, wìr wo bó wù yòʼ koŋ fə́r və yòʼ dzə̀ wù bòy fó kpu gheéy.

1 Joon 5:4

bìʼ fo wír ve dzəə̀n wón Nyùy adzə̀me shaàn ne vitaáví vé vinyò veé ndzə fèn. Aá sò ne ndzə, bìʼ fo á wayin shilív e Jesus wùn.

1 Joon 4:20

A wìr lò, a suúy ji wun koŋ Nyùy, suuy bèy, kfə̀n ban fə́r və, bo ŋgaàŋ bóʼti. A wìr dzə̀ là fó a kòŋ fə́r və wo wù yéné, bo bó yòʼ dzə̀ wù wàa kòŋ Nyùy wo bó wù yòʼ yéné.

1 Joon 3:9

Vèn wáa kiíy jii, wìr wo dzəə̀n wan Nyùy yòʼ kfə̀n dzəə́ yii vinyo ve bi ví, bìʼ fo wù sí kér liì Nyùy wo dzəə̀n Tàr wov. Mo wù siìn wan Nyùy, bó yòʼ dzə̀ wù kfə̀n a yiì vinyo ve bi ví gheéy.

Joon 3:3

Jesus bìnèr jii, «Kú a kiíy rúrú jii, bó yòʼ dzə̀ wìr shòv sáʼ Nyùy e si, a bó á kfən dzə̀ə́ ŋgaàŋ dzəə́n ji wír wo fíy.»

Matio 16:16

Simon Pita bìnèr jii, «À dzə̀ Mfə̀ə́r woo Wan Nyùy, Nyùy wo wù gòʼòn kàŋ mòʼón.»

1 Joon 2:10

Wìr wo wù koŋ fə́r və dzə̀ wír wo wù ghán rú e Nyùy mvə̀m ran. Mo wù ghán bèy, bó yòʼ dzə̀ wù kfə̀n jày dzə́ə gheéy.

Joon 15:23

Wír wo wù ban mo dzə̀ wo wù ban sa Tàr wor.

1 Joon 4:2

A dzə̀ vèn wàa səə̀m wír wo wù kér rú Kiyoy ke Nyùy a dzə̀ fó kinyò ke wù suuy kùm Jesus. A wìr fiʼtì ji Jesus Kristu‑uù wìy é nsay fèn, e lì mbom wìr, bo ŋgaàŋ kér rú Kiyoy ke Nyùy.

1 Pita 1:3

Vèsən ku nèn a beèrì Nyùy woo Tàr à Taàtá wòsən Jesus Kristu. Wù‑uù rə̀r ne mendzən fo vèsən é ŋàŋ, e yiì, vèsən wáa dzə wír və́ bìʼ Jesus Kristu. Mo Kristu‑uù kpuun fo vèsən, e kfə̀n fəə̀ fó kpu, vèsən nén a dzə wír ve á dzəə̀n afíy. A vèsən sí dzə́ lèn, njeʼ feyì, leey a dzə̀ fó mbìy ji

Jeem 1:18

Kù‑uù sìysì wun, bo vèsən wáa dzə wón və́. Wù‑uù tsə̀nsí vèsən jí rə ye dzəə̀n kinyo ke ru kí ji á fiʼ kìíy wun, a dzə ji kifá ke mbìy ki ke wù tayin, e siìr ji kfə́ fó vifa ve wù‑uù bomen vidzə̀m.

Joon 6:69

Vèr wày ne shilív e wò wùn, e kìíy ji à lò rú fo Nyùy, aà dzə̀ Wan Nyùy.»

1 Joon 3:17

Yii bèy, a wìr kér kifá, e yèn fə́r və, e tèn fó sə wun, bo bó wù yòʼ koŋ wíri mo Nyùy koŋè.

Lim Aŋgàa Ntum 8:36

Wùn wun kú a dù e dzəə. Á meé é kirə̀ʼ kímóʼ kí, a ndzə́ví dzə̀ fó, wìr wo kuʼùn və̀y suúy jii, «Ndzə́ví rə̀ne, a dzə̀ kfə̀n jìvír ka fo à wáy mo é ndzəv?» [

Joon 1:3

a Nyùy‑iì wày vitaáví a dzə̀ e wùn kiwo, wù yiì, vifá vidzə̀m vi wáa dzə. A bó kifá kímóʼ kí yòʼ dzə̀ shó ke kí dzəə̀n, a bó yòʼ‑oò yiì wun, é bo kí keʼ, a dzə.

1 Joon 5:5

A bó yòʼ dzə̀ wìr wùmòʼ sò, kù mày wo wù biimen ji Jesus dzə̀ rú á Wan Nyùy.

1 Joon 5:18

Vèsən kì ji wìr wo siìn wan Nyùy yòʼ kfə̀n dzə̀ wù wàa yiì vinyo ve bi ví, bìʼ fo Jesus woo Wan Nyùy sí shiy wun. A bó yòʼ dzə̀ Satan woo ŋgaà vinyò ve bi ví kfə̀n kùm wun gheéy.

Ŋwàʼ Luk 7:5

Wù kòŋ vèsən vee wír veé Juda feyì, a yì‑iì bàʼrì wun ŋgày yer bùnrì.»

Lim Aŋgàa Ntum 8:37

Filiv bìnèr jii, «Aà fèn wày ne shilív shé shidzə̀m e Jesus wùn, bo dzə̀ m wày wò e ndzəv.» Wù bìnèr jii, «M biìmé ne ji Jesus dzə̀ á Wan Nyùy.»]