1 Joon 4:7 - ŊWÀʼ NYÙY

⁷ Ŋkàr sem, vèsən kú a kòŋnìn, bìʼ fo yii Nyùy, bo wíri wáa kòŋnìn. Wìr lóo yiì bèy, é wù nèn a dzə rú wan Nyùy, e kfə̀n a kiíy sa Nyùy.

1 Joon 4:7 Referans Kwoze

1 Joon 4:20

A wìr lò, a suúy ji wun koŋ Nyùy, suuy bèy, kfə̀n ban fə́r və, bo ŋgaàŋ bóʼti. A wìr dzə̀ là fó a kòŋ fə́r və wo wù yéné, bo bó yòʼ dzə̀ wù wàa kòŋ Nyùy wo bó wù yòʼ yéné.

1 Joon 4:8

Yii bèy, wìr wo bó wù yòʼ koŋ fə́r və yòʼ kì Nyùy gheéy, bìʼ fo liì Nyùy dzəə̀n ji wù koŋ á wíri.

1 Pita 1:22

Mo vèn kù sí tíy a dzə̀ e Nyùy kinyò ke ru kí, vèn nén a ker melív me juŋ mè lèn, me dzə̀ vèn wàa kòŋ afə́r vén ve vèn áwune tíy e kinyò fèn kijuŋ. Vèn ku nèn a kòŋnìn bèy shilív shidzə̀m,

1 Joon 2:10

Wìr wo wù koŋ fə́r və dzə̀ wír wo wù ghán rú e Nyùy mvə̀m ran. Mo wù ghán bèy, bó yòʼ dzə̀ wù kfə̀n jày dzə́ə gheéy.

Galatia 5:22

Á bèy, a vinyo ve Kiyoy ke Ranén kí bánri wíri, aá yii vi dzə̀ jii, á koŋ Nyùy, kfə̀n koŋnìnè, kér kishéʼrì aáwuné meliv, dzə́ dzəʼə̀m yee nyaáŋ, kér wir dzə̀m ji weè, shám wíri, yii a dzə̀ kinyo ke dzəə̀n ke ru kí, lóo suúy kinyo, á wàa yiì a dzə̀ kíwun.

2 Timoti 1:7

Kú a kuumé ji Kiyoy ke Nyùy bùʼùn vèsən shó ki yòʼ yii, a melív mèsən mè yaʼ yàʼàn. Kí távir tàvírín, kfə̀n yii, a vèsən koŋ wíri, kiiy mo dzə̀ vèsən wàa tiír kiwuú késən, a fìʼ.

1 Joon 4:12

Vèn kì sá jii, bó wìr yòʼ‑oo yií ne shòv Nyùy e si. Yii bèy, a vèsən koŋnìnè, bo wù dzə̀ vèsən áwune, é koŋ ye wù koŋ vèsəné nèn shèmsín e kinyò ke wù taʼ ji vèsən wáa kòŋnìn.

1 Joon 2:29

Mo vèn kiìn ji Nyùy dzə̀ e juŋ, là jay, a dzə̀ vèn kìíy sá ji wìr wo wù yii vinyo və́ là jay dzə̀ á wan wun woo Nyùy.

Joon 17:3

A dzəʼə̀m yee là may rə̀ne dzə̀ jii, wìr kiíy wò, wo kù jòʼsìn wò Nyùy wo rù, e kfə̀n kìíy sa mo woo Jesus Kristu wo wò‑oò tumen é ndzə fèn.

2 Korin 4:6

Yì‑iì mvə̀ʼ Nyùy vifií vér, é bo vèr yén rán, a kiíy Jesus. A kù dzə̀ wun woo Nyùy wo wù‑uù suuyin fó shuù ji ndzə rán, yì nèn ràn. Vèr nén a yen mo vitaáví vé Nyùy vi lim e Kristu wùn, a kiíy mo wun woo Nyùy ghaʼan.

Remrí 30:6

Nyùy Tàr woo Nyùy won wíy naŋsín melív men, e naŋsín me ŋgwàʼ sén, e yiì, é vèn wáa kòŋ wun shilív shidzə̀m, e fo kitú kén shó, e wìy bonén, e shiíy.

Galatia 4:9

Á bèy, vèn kìíy ne Nyùy wo rù lèn. Yii bèy, a ke m kì yíi a suúy ki dzə̀ jii, kù kìíy Nyùy ven. Mo kí dzəə̀n ben, yií ka lèn, bo vèn kfə́n a tàʼ ji á kfə́n é bàm, a yu a dzə̀ fó vinyò ve bó ví yòʼ kér ndzə̀n fo Nyùy, a bó yòʼ dzə̀ ví fò ven vitaáví, vèn wàa yiì vinyo ve ru ví? A dzə̀ ví kù kùr ven kúrín, e siìr ji akwǎn vinyò veé ndzə.

Joon 13:34

M nén a fo ven lèn a dzə̀ nsər ye fíy jii, vèn siiy, á wàa kòŋnìn, é wìr wáa kòŋ fə́r və réŋréŋ sá mo m kòŋèn ven.

1 Korin 8:3

Wìr wo Nyùy kiìn ji dzə̀ wír dzə̀ wo wù koŋ a dzə̀ wun woo Nyùy.

1 Joon 2:3

Kímóʼ kí wáa dzə jii, a dzə̀ vèsən kù a lèm nsər se Nyùy, e bóo kiíy rú ji vèsən kì á wun.

1 Joon 2:4

A wìr suuy ji wun kì Nyùy, a bó wù yòʼ lem nsər sə́, bo wù bóʼti, a bó wù yòʼ koŋ kinyo ke dzəə̀n ke ru kí gheéy.

1 Joon 2:7

Ŋkàr sem, nsər ye m sáŋ fo vèn lèn rə̀n yòʼ dzə̀ e fíy. Kù dzə̀ kinyo ke vèn‑eè sí yú fo ŋgùʼ, e kèʼ mo vé‑eè kèʼèn, a fìʼtì kinyo ke Nyùy e vèn.

1 Joon 3:9

Vèn wáa kiíy jii, wìr wo dzəə̀n wan Nyùy yòʼ kfə̀n dzəə́ yii vinyo ve bi ví, bìʼ fo wù sí kér liì Nyùy wo dzəə̀n Tàr wov. Mo wù siìn wan Nyùy, bó yòʼ dzə̀ wù kfə̀n a yiì vinyo ve bi ví gheéy.

1 Joon 4:11

Ŋkàr sem, mo Nyùy koŋ vèsən é ŋàŋ ben, vèsən ku nèn a kòŋnìn sa.

1 Joon 4:16

Á vinyo ve ví‑iì yiìn, é bo vèr kiíy rú ji Nyùy koŋ ver, e wày shilív e wun wùn. Kidzə̀m ki wáa dzə jii, liì Nyùy dzə̀ á ji wù koŋ wíri. A wìr wo wù koŋ Nyùy, kfə̀n koŋ fə́r və, tíy kfə́ wùn Nyùy, a Nyùy tíy sa wùn ŋgaàŋ.

1 Joon 5:1

Vèn wáa kiíy jii, wìr dzə̀m wo wù biíme ji Jesus dzə̀ *Mfə̀ə́r wo Nyùy‑iì tumen dzə̀ wo dzəə̀n wan Nyùy. Vèsən kì jii, wìr lóo kòŋ wír, bo wù koŋ saa wan wìr woo shooy.

2 Joon 1:5

Kii wò Yìy à Wíri, m nén a lon ji vèn à wóné ku nèn a lèm a nsər ye yì dzəə̀n ji vèsən wáa kòŋnìn. A bó yòʼ dzə̀ nsər ye fíy yìmòʼ, kù dzə̀ yìwun ye vèsən‑eè sí yú, e kèʼ mo vèsən‑eè yuun kinyo ke Nyùy.