1 Joon 4:6 - ŊWÀʼ NYÙY

⁶ Mo vèsən dzəə̀n késən wón Nyùy, wìr dzə̀m wo wù kiìn Nyùy nén a yuurí sa vinyo vesən, a bó wìr wo yòʼ dzəə̀n wan Nyùy yòʼ yuúri. Á nén a kiíy wír wo wù kér Kiyoy ke Nyùy ke kí yii suuy a dzə̀ kinyo ke ru kí, e kfə̀n a kiíy wír wo wù jumrì kfə́ a dzə̀ kimboʼtì.

1 Joon 4:6 Referans Kwoze

Joon 14:17

a dzə̀ Kiyoy ke Nyùy ke kí din kinyo ke dzəə̀n ke ru kí. A bó wír ve á kiìn vinyo a dzə̀ veé ndzə fène yòʼ dzə̀ á wàa ker Kiyoy kee shooy, bìʼ fo bó á yòʼ yén vinyo ve wù yii, nèn méŋ wun méŋén. Vèn dzə̀ kén, a vèn kì wun, bìʼ fo wù siìn e věn mvəm, a wù wíy a dzə a dzə̀ e věn meliv.

Joon 10:27

Njiì wo dzəə̀n wóom e dzə̀m yú jí yem, wù kù nèn kìíy, a wìy e mǒ bàm. M kì wír vém adzə̀m,

Joon 15:26

«Yii bèy, Ŋgaà Sə wo m suuyì wíy wìy, a wù lò a dzə̀ fo Tàr wor, a dzə̀ Kiyoy kfə́ ke kí yii din kinyo ke dzəə̀n ke ru kí. A wíy lon mo fo Tàr wor, e bóo tum fo vèn. Wù wíy wìy, é wù fiʼti e wíri mo m dzəə̀n,

1 Joon 4:1

Ŋkàr sem, wíri wìy ne anín, a ghan virə́ʼ vidzə̀m, a boʼtí ji áwune fiʼtì kinyo a dzə̀ á ke tiísi Kiyoy ke Nyùy. Á lóo suúy bèy, lá vèn yòʼ kù nèn a biimé biimén. Vèn tòmbìy tàr vinyo vee shooy vi vidzə̀m, e bóo kiíy ji ví sà lò rú a dzə̀ fo Nyùy a?

1 Joon 4:4

Wòn vem, vèn dzə̀ kén wón Nyùy, a vèn shaà ne aŋgàa kimboʼtì vìy, bìʼ fo Kiyoy ke Nyùy ke kí dzəə̀n e věn meliv kí shaàn Satan wo wù ghán e ndzə fèn.

Joon 18:37

Payler nèn sùúy sho jii, «Kí bo dzə̀ rú ji à dzə̀ fon wùmòʼ?» Jesus bìnèr jii, «M dzə̀ fon rú mo à suuyì. Dzə̀ kinyo ke vé‑eè dzəən mo shó, a mò‑oò wìy é ndzə fèn ji m fiʼ dìn kinyo ke dzəə̀n ke ru kí e wíri. Wìr dzə̀m wo wù koŋ kinyo ke ru kí, nén a yuurí kinyo kém.»

1 Korin 14:37

Wìr fo vèn wo wù yén ji Nyùy bùʼ ne wun, wun wáa yu kinyo fo Nyùy shuù, kìn Nyùy bùʼ wun a dzə̀ é dzəə rəné, bo dzə̀ ŋgaàŋ kìíy ji vinyo ve m sáŋ vìn vi dzə̀ rú á ve ví loòn fo Tàr wòsən Jesus Kristu.

2 Tesalonika 1:8

A Jesus wíy wìy a dzə̀ é mvə̀m kiliìmé ke və̀y, e nèn màʼ ŋgeʼ e wír ve á méŋ Nyùyi, e kfə̀n màʼ e wír ve á tenen sáʼka Nyùy wo juŋ woo kùm wun woo Taàtá wòsən Jesuse.

Joon 16:13

Wun woo Kiyoy ke Ranén kí wíy wìy, é wù yii, é vèn kiíy vinyo ve dzəə̀n ve ru ví vidzə̀m, bìʼ fo kù yii din wun kinyo ke dzəə̀n ke ru kí. A bó wù yòʼ wíy a suúy kinyo ji suuy wun. Wù kù wíy a tiisí a dzə̀ kinyo ke wù yú, a fèr ven vinyo ve ví dzəə́ wìy a koóy.

Mayka 3:8

Yii bèy, fo ké mo woo Mayka ki, vitaáví vé Kiyòy ke Nyùy Tàr ví rùn ne e mǒ wùn, e fò mo vifií ve m wáa tinén kinyo e nsànloŋ, e tàvír mo ji m tóʼ jay rám Jakov, e tòʼ kinyo ke bi ke wír veé Israyi yii.

1 Joon 4:8

Yii bèy, wìr wo bó wù yòʼ koŋ fə́r və yòʼ kì Nyùy gheéy, bìʼ fo liì Nyùy dzəə̀n ji wù koŋ á wíri.

1 Timoti 4:1

Kú a kiíy ji Kiyoy ke Nyùy ki suuy kiránén á jii, ghán sí wíy fəə, é wíri maʼti kinyo ke vèsən wayin shilív shó kìn, a yuurí a dzə̀ vifá ve ví ghán e ndzə, bóʼtí áwune, aá jùmrì yéʼéy a dzə̀ ye yí lo fo *anyùyi.

Joon 13:20

A m suuy e vèn rúrú jii, wìr wo wù səə́si wír wo tumen mo, ŋgaàŋ səə́si a dzə̀ mo və̀n. Wìr wáa səəsí mo, bo wù səə́si a dzə̀ ŋgaàŋ wo wù tumen mo.»

Joon 8:19

Á ku nèn sàyín jii, «Tàr won wo à yoŋ və̀n dzə̀ feé?» Jesus bìnèr jii, «Vèn yòʼ kì mo m dzəə̀n, a bó vèn yòʼ kì sá Tàr wor. A vèn kì kì mo m dzəə̀n, vèn nèn kìíy sa Tàr wor.»

Ŋwàʼ Luk 10:22

Jesus kfə́n a suúy jii, «Tàr wor wày ne vinyo vidzə̀m e mǒ kiwo. A bó yòʼ dzə̀ wìr kìíy mo mo woo Wán dzəə̀n, kù jòʼsì wun woo Tàr. A bo yòʼ dzə̀ sá wìr kìíy Tàr wor və̀n, kù jòʼsì mo woo Wán wùn à wír ve Wàn shoʼtin ji wun din Tàr wov shóo.»

Hosea 4:12

Áwune kù sí mbaa a dzə̀ mebvə̀m, a dzə̀ kicí mo á semen, kwaʼ ji kí yíi suúy kinyo ke kí bvəə́shi, e koóy. Shií wo áwune kér fo mebvə̀m mè yiì ne, á jáy dzə́ə. Á kfə̀n ne ji sàkì, e màʼày mo, e dù, e yèn a dzə̀ anyùy ve səné.

Aysaya 29:10

Nyùy Tàr səə̀vì ne ven e mbuùné ye juŋ. Wù sə̀tí ne sí yén, ven vee aŋgàa ntum və́. Wù sə̀tí ne vifií vén, ven vee vé sii.

Aysaya 8:20

Á lóo yòŋ bèy, vèn bìnèr aáwune ji á kú a yuurí a dzə̀ á yéʼéy ye yí dzəə̀n é ŋwàʼ, a yuurí ntum Nyùy Tàr ye yì dzəə̀n shó. A wìr dzə̀, a bó wù yòʼ suuy kinyo ke kí shémsín wùn à kee shooy ki, bo yì wíy sən wun, e làŋsìn.

Ŋwàʼ Jud 1:17

Ŋkàr sem, vèn kú a kuumé a dzə̀ vinyo ve aŋgàa ntum Taàtá wòsən Jesus Kristùu‑uù suuy fo ghan ji ví wíy koóy vi.

2 Pita 3:2

A m taʼ ji vèn wáa kuumé a vinyo ve aŋgàa ntum Nyùyi‑iì suuy fo ŋgùʼ ji ví wíy a koóy vidzə̀m, e kfə̀n a kuumé kinyo ke aŋgàa ntum Jesuse‑eè fiʼtì e vèn ji Taàtá wòsən wo wù‑uù tinen vèsən fó lòn‑eè suuy ji vèsən wáa yiì.

2 Korin 10:7

Vèn kú a leéy vinyo ve ví kooy e věn si vi, a yen kijuŋ. A wìr lò, a suúy kitú ji tùm Kristu wun, ŋgaàŋ kù yòʼ a kiíy ji tùm sáa Kristu ver.

Ŋwàʼ woó Rom 11:8

mo vé‑eè saŋen é Ŋwàʼ Nyùy jii, «Nyùy màʼ ne mbuùné aáwuné si, e sə̀tí vifií vév, á nén a dzə, e meé lèn, a bó sí yéví yòʼ yén vinyo, a bó vituʼùr vév ví yòʼ yú.»

Ŋwàʼ woó Rom 1:1

Ŋwàʼ və̀ne sàŋ mo woo Por, a m dzə̀ kém ji ŋgaà lìm Jesus Kristu. Wù‑uù lì mo ji m wáa dzə ŋgaà ntum və, e lèm ji m wáa fìʼtì a sáʼka Nyùy wo juŋ.

Joon 20:21

Wù nèn kfə̀n sùúy aáwune jii, «Nyaáŋ kú a dzə e věn mvəm. M sí túm ven lèn mo Tàr wor‑iì tumen sá mo.»

Joon 10:16

A m kér sa njiì wùmòʼ, a bó wù yòʼ sì é ŋgoo fèn. M kér fó yìi baʼtí woo shooy e dzə̀m, aá yíi a yu jí yem, a wìy, é ŋgoo njiì nèn a dzə e mòʼón, é nshìy wáa dzə sa e mòʼón.

Mayka 2:11

Vé kifàʼ vìne dzə̀ ben, aá koŋ ntum a dzə̀ ye kimboʼtì. A wìr lò, e sàsìn, e bvə̀y, a ghan, a levtí wíri jii, wun yíi yiì, aá wáa tsəə̀tìn tsəə̀tìn e meluʼ me tavkín mè, bo wír vìne kù yíi a gbù gbuùn é wùn wó ji á ŋgaà ntum wov.»

Joon 8:23

Wù nèn sùúy aáwune jii, «Vèn lò fo ndzə fèn, m ló kém a dzə̀ fó yuv. Vèn nén a dzə wír veé ndzə fèn, a bó m yòʼ dzə̀ wír woó ndzə fèn.

Joon 10:3

Wù lóo wìy, wìr wo wù shiy shúu kày kù nèn mvə̀ʼ. Wù nəə, wù yòŋrì njiì və é yír, yir, á kù nèn kìíy jí rə, e wìykìr, wù tsəə̀né, e fəə̀ shó fo kày.

1 Joon 5:19

Vèsən kì sá ji vèsən dzə̀ á wón Nyùy, yii bèy, a wír ve dzəə̀n veé ndzə fèn adzə̀me dzə̀ kév e ŋgaà vinyò ve bi ví və̀y kiwo.

2 Wòŋ 18:21

Kiyoy kìy ki bìnèr jii, ‹M yíi dù, e way kimboʼtì aàŋgàa si vəə́ shuù adzə̀m.› Nyùy Tàr biímé, e sùúy jii, ‹À yíi dù rú, e levtí. Dù ri, e yiì mo à suuyin.› »