1 Joon 4:5 - ŊWÀʼ NYÙY

⁵ Áwune dzə̀ kév, a dzə̀ wír veé ndzə fèn. Á nén a fìʼtì sa vinyo a dzə̀ veé ndzə fèn, wír veé ndzə fène wáa yuurí.

1 Joon 4:5 Referans Kwoze

Joon 8:23

Wù nèn sùúy aáwune jii, «Vèn lò fo ndzə fèn, m ló kém a dzə̀ fó yuv. Vèn nén a dzə wír veé ndzə fèn, a bó m yòʼ dzə̀ wír woó ndzə fèn.

Joon 17:14

M tiìsí ne jí sé aáwune, wír veé ndzə fène nén a bàn áwune, bìʼ fo áwune yòʼ dzəə̀n wír veé ndzə fèn, réŋréŋ mo bó m yòʼ dzəə̀n sá wír woó ndzə fèn.

Joon 17:16

Áwune yòʼ dzə̀ rú wír veé ndzə fèn réŋréŋ mo bó m yòʼ dzəə̀n sá wír woó ndzə foo fèn.

Joon 3:31

Wìr wo wù loòn a dzə̀ fó yuv, shaà wir dzə̀m. Wìr wo wù loòn kfə́ a dzə̀ fó nsay fèn, kú a dzə ji wír woó nsay, nèn fer sa a dzə̀ vinyo veé nsay. Mo wìr wo wù loòn fó yuv shaàn wir dzə̀m,

Ŋgaà Yen 12:9

A kintìŋ ke kigàgǎʼsòŋ ke vé‑eè jùmèn kin ki dzə̀ yó ye yì‑iì siìn fó ŋgùʼ, a dzə̀ wun wo wù ghán ndzə e dzə̀m, bóʼti wíri, aá yoŋ yír rə́ ji Satan, a dzə̀ ji Tavmènàŋ. A vé‑eè jùm, e màʼ a dzə̀ é nsay wùn à nshèelav sə́ sí sidzə̀m.

2 Timoti 4:3

Kú a kiíy ji ghán sí waà sí gheenè, se wíri yòʼ wíy a kòŋ fó a yuurí kinyo ke dzəə̀n ke ru kí. Á kù wíy a kòŋ a dzə̀ kinyo ke vituʼùr vév ví yur ji á wáa yu, e nèn a baʼtí vév vee aŋgàa yeʼéy, aá wáa fìʼtì a dzə̀ kinyo ke melív mev mè tíy sho.

Jeremia 5:31

Aŋgàa ntume sí tiísi a dzə̀ ntum kimboʼtì, aàtàá cùu fó sáʼ a dzə̀ ye yí gheen áwune. Wír vémé nén a kòŋ a dzə̀ kee shoon. Bo kimaysì kév kí wíy a dzə ka?»

Nsùyrì Nyùy 17:4

M yòʼ jumrì yíi wìr msòŋ ye bií. M yú kém a dzə̀ fo wò nsər, baʼàr dzə́ə sé melaà sidzə̀m.

Ŋwàʼ Luk 16:8

Ŋgaà lìm və̀y shwìvrì tàr wov bey, wù wìy yèn, e kù yòʼ bìnsí jii, ‹Jwè və̀n fìír feyì.› » Jesus nèn a màysì jii, «Dzə̀ rú, wír veé ndzə fène fìír e vinyò ve áwune yii, e shaà mo wír Nyùyi fiir e vév vee vinyo vi.

Mayka 2:11

Vé kifàʼ vìne dzə̀ ben, aá koŋ ntum a dzə̀ ye kimboʼtì. A wìr lò, e sàsìn, e bvə̀y, a ghan, a levtí wíri jii, wun yíi yiì, aá wáa tsəə̀tìn tsəə̀tìn e meluʼ me tavkín mè, bo wír vìne kù yíi a gbù gbuùn é wùn wó ji á ŋgaà ntum wov.»

Jeremia 29:8

Mo woo Nyùy Tàr woo Taà Mànjòŋ, mo woo Nyùy wìr veé Isray kfə́n a suúy jii, lá vèn yòʼ biìmé, é wír vén ve á dzəə̀n ji aŋgàa ntum Nyùy wùn à ve á shwéŋ vinyóo bóʼtí ven. Lá vèn yòʼ wày vifií e wír ve á tiísi vinyo ve á yenen é njèm a kù dzə̀ ve ví gheen ven ví.