1 Joon 4:4 - ŊWÀʼ NYÙY

⁴ Wòn vem, vèn dzə̀ kén wón Nyùy, a vèn shaà ne aŋgàa kimboʼtì vìy, bìʼ fo Kiyoy ke Nyùy ke kí dzəə̀n e věn meliv kí shaàn Satan wo wù ghán e ndzə fèn.

1 Joon 4:4 Referans Kwoze

Ŋwàʼ woó Rom 8:31

Mo Nyùy yii vinyo vìn e vèsən ben, bo vèsən dzə̀ é le lèn? Wìr wo dzə̀ wù kfə̀n yiì vèsən e kinyo ki dzə̀ la?

1 Joon 5:4

bìʼ fo wír ve dzəə̀n wón Nyùy adzə̀me shaàn ne vitaáví vé vinyò veé ndzə fèn. Aá sò ne ndzə, bìʼ fo á wayin shilív e Jesus wùn.

Ŋwàʼ woó Rom 8:37

Vinyo vìn vi kooy vèsən ben, a Kristu wo wù‑uù kòŋèn vèsən, kù dzəə́ leey fo vèsən, yii, a vèsən só vinyo vee shooy soón, la ví yòʼ a sə̀ʼ vèsən gheéy.

1 Joon 4:16

Á vinyo ve ví‑iì yiìn, é bo vèr kiíy rú ji Nyùy koŋ ver, e wày shilív e wun wùn. Kidzə̀m ki wáa dzə jii, liì Nyùy dzə̀ á ji wù koŋ wíri. A wìr wo wù koŋ Nyùy, kfə̀n koŋ fə́r və, tíy kfə́ wùn Nyùy, a Nyùy tíy sa wùn ŋgaàŋ.

1 Korin 2:12

A Kiyoy ke Nyùy wayin e vèsə́n meliv kí yòʼ lò a dzə̀ fó ndzə fèn. Wù wày a dzə̀ kfə́ kee Kiyoy ji kí wáa yiì, é vèsən wáa kiíy ambùʼmé ve wù bùʼùn vèsən shó adzə̀m.

1 Joon 5:19

Vèsən kì sá ji vèsən dzə̀ á wón Nyùy, yii bèy, a wír ve dzəə̀n veé ndzə fèn adzə̀me dzə̀ kév e ŋgaà vinyò ve bi ví və̀y kiwo.

1 Joon 4:13

Vèsən kì ji vèsən tíy vèsən à Nyùy, a Nyùy dzə̀ vèsən áwune, bìʼ Kiyoy kfə́ ke Ranén ke wù‑uù foon e vèsən.

Efesor 6:10

Kidzə̀m ki nén a dzə jii, vèn wáa tiy a kitávín. A kí dzə̀ jii, vèn kú a tiy vèn à Tàr wòsən Kristu, a yeʼtí a dzə̀ e və́ vee vitaáví ve ghaʼán ví.

Efesor 3:17

A m kfə̀n lón ji vèn ku màysì, e wày shilív e Jesus Kristu wùn, é wù wáa dzə e věn meliv, é vèn áwune nəə́nín, a kòŋnìn, é vèn wáa tiy kitávín moo kicí ke gháŋé nəən é nsay, kìn moo lav ye á bàʼrìn é kinsə̀ŋ ke tavín kí.

Ŋgaà Yen 12:11

Yii bèy, aáwune ghàʼ ne wun, bìʼ fo vé‑eè tíy kév a dzə̀ é mensə me Wàn Njiì Nyùy, fiʼtì a dzə̀ kinyo ke Nyùy, e kfə̀n biìmé kpú bìʼ kinyo kee shooy.

1 Joon 3:24

Vèn wáa kiíy jii, wìr wo wù yú sáʼ Nyùy dzə̀ á wo wù tíy kfə́ wùn Nyùy, a Nyùy tíy sa wùn ŋgaàŋ. A kinyo ke kí yii, bo vèsən wáa kiíy rú kijuŋ ji Nyùy tíy vèsən áwune kí dzə̀ Kiyoy kfə́ ke Ranén kí ke wù foon e vèsən.

Joon 12:31

Á lèn wo wír veé ndzə fène yíi lì lòn, aá baʼ Fon wo wù sáʼ ndzə yee shoon fo kàvàʼ.

Joon 17:23

Mo wòsò dzəə̀n kintatì, vèr áwune lóo dzə sa kintatì, aáwune nèn màysì, e tàtí ŋkuuŋkùŋ, a dzə ji kitú kimòʼón, é wír veé ndzə fène yén ji ntum ye mò‑oò loòn dzə̀ rú ye, e kfə̀n yèn sá ji à koŋ wír vìn réŋréŋ mo à koŋ mo.

1 Joon 4:6

Mo vèsən dzəə̀n késən wón Nyùy, wìr dzə̀m wo wù kiìn Nyùy nén a yuurí sa vinyo vesən, a bó wìr wo yòʼ dzəə̀n wan Nyùy yòʼ yuúri. Á nén a kiíy wír wo wù kér Kiyoy ke Nyùy ke kí yii suuy a dzə̀ kinyo ke ru kí, e kfə̀n a kiíy wír wo wù jumrì kfə́ a dzə̀ kimboʼtì.

2 Korin 6:16

A bó yòʼ dzə̀ sá, á lì lav Nyùy, e bìnèr ji ye anyùy kisaŋe. A dzə̀ vèsən vin ve dzəə̀n lav wun woo Nyùy réŋréŋ mo wù‑uù suuyin jii: «M wíy a dzə e wír vémé mvəm, a ghan vèr áwune. M wíy a dzə Nyùy wov, aáwune wáa dzə wír vém.»

1 Joon 2:13

A m sàŋ fo vèn ve siìn atàrí, bìʼ fo vèn kiiyin ne Nyùy wo wù‑uù siìn fó kèʼ, e sàŋ fo vèn vee wàʼbìn, bìʼ fo vèn soon ne Satan woo ŋgaà vinyò ve bi ví.

1 Korin 6:13

Yii bèy, a dzə̀ wùmòʼ kfə̀n a bìʼ sa jii, «Nyùy‑iì fèr vifá ve yi ji á wáa yi e bvə̀m, e fèr bvəm ji á yí vifá ve yi sho.» Yii bèy, vèn wáa kiíy ji Nyùy lèm ne a kishiíy ke wù wíy laàr vifá ve yi, é shúuyii may sá. A bó wúné yòʼ wíy mày bèy. Nyùy yòʼ‑oò lo bòm wún ji wìr li, a jàŋ a dzə̀ kinjàŋ sho. Wù‑uù bòm ji wìr wáa lìm sho a dzə̀ á fo Tàr wòsən Jesus Kristu, a dzə̀ wun woo Tàr wòsən wo wù kér wún wìr e dzə̀m.

Efesor 2:2

Vèn‑eè yú kinyo a dzə̀ ké fòn *anyùy, nèn yii kinyo a dzə̀ keé ndzə ye kér wun rə̀n. A dzə̀ wun wo wù sáʼ vifá ve ví ghán e shwer ji anyùy vidzə̀m, a ghán wun lèn, danèr wír ve á méŋ Nyùy adzə̀m, aá yii vinyo ve bi ví.

Joon 16:11

Mo fòn wo wù sáʼ ndzə rə̀n dzə́ lèn, a wù lí ne lòn, kí nen kfə̀n a dìn sa ji áwune jáy fó a meŋ lǒn vinyò ve bi ví.

2 Korin 4:4

Ké wír vìn ki dzə̀, a sə̀tí Satan woo nyùy wo wù kér ndzə rə̀n lèn vifií vév fo á biíme sáʼka Nyùy wo juŋ. A bó yòʼ dzə̀ áwune yèn rán ye sáʼka Nyùy wìyìn shó, a kiíy mo Kristu dzəə̀n. Kristu, wo wùn Nyùy dzəə̀n kikúv kimòʼón.

Joon 14:30

A bó m yòʼ dzəə́ yìi rəsí, a suŋnín vèsən, a dù kwaʼda. Fòn wo wù sáʼ ndzə rə̀n sí wiyì. A bó yòʼ dzə̀ ji wù kér vitaáví ve dzə̀ wù yiì kinyo e mò.

1 Joon 2:1

Wòn vem, m sáŋ ŋwàʼ və̀n fo vèn ben fo vèn kfə́n a jay vinyo. A wìr lòo dzə, e kfə̀n jày kinyo, wù wàa kiíy ji wìr wùmòʼ dzə̀, a bó wù yòʼ kér njò, a wù tíy e Tàr wov Nyùy si, búʼ wó bìʼ vèsən, a ŋgaàŋ dzə̀ Jesus Kristu.

1 Joon 3:20

A mè fə̀m lò, a saʼ vèsən, la vèsən yòʼ a fàn, bìʼ fo vèsən kiìn ji Nyùy kì vinyo vidzə̀m, e kfə̀n kìíy sa ji wù yòʼ dzə̀ moo melív mèsən, a dzə̀ wù kù rə̀r mendzən mèsən.