1 Joon 4:21 - ŊWÀʼ NYÙY

²¹ Nsər ye Jesus‑eè foon e vèsən dzə̀ jii, wìr wo wù koŋ Nyùy kú a kòŋ saa fə́r və.

1 Joon 4:21 Referans Kwoze

Cù 19:18

Lá wìr yòʼ a siìr ŋkfə́tír. Lá wìr yòʼ a màʼ ŋkfəə́mé e fər və́ kitu. Wìr wáa kòŋ fə́r və mo wù koŋ kitú kfə́. Dzə̀ mo Nyùy Tàr.

1 Joon 3:11

Vèn kuúmé kinyo ke vèn‑eè sí yú, e kèʼ mo vé‑eè kèʼèn, a fìʼtì kinyo ke Nyùy e vèn kí. Kí‑iì dzə̀ ji vèsən wáa kòŋnìn.

1 Tesalonika 4:9

Fo kinyò kee kùm kikoŋnìn ke fə̀r wùn fə̀r vee aŋgàa biimé, bó vèn yòʼ dzəə́ kér shií wo vèr wáa saŋ fo vèn, bìʼ fo vèn‑eè yeʼeyin ne fo wun woo Nyùy mo dzə̀ vèn wàa kòŋnìn.

1 Pita 3:8

M nen màysì, a tir wir dzə̀m lèn jii, vèn wáa yòy a kiyoy kén kimòʼón, é wìr wáa sham fə́r və, a way e shiliv. Vèn wáa ker shilív she juŋ shi, é wìr wáa lì kitú kfə́ shishàr.

Galatia 5:14

bìʼ fo nsər se Nyùy‑iì foon sidzə̀m si tàtí a dzə̀ é kitu ke kinyò kee jii, «Wìr wáa kòŋ fə́r və mo wù koŋ kitú kfə́.»

Joon 15:12

Yéem yee nsər ye m fó e vèn nén a dzə jii, wìr koŋ wùmòʼ réŋréŋ mo m koŋ ven.

1 Joon 3:23

A sáʼ rə́ rə́ne dzə̀ jii, vèsən wáy á shilív e Wan və Jesus Kristu wùn, e kfə̀n a kòŋnìn. Á mo wù‑uù suuyin ji vèsən wáa yiì.

1 Joon 3:14

Á ban bèy, a vèsən kì ji vèsən bòy ne fo kpu, aá sí kér dzəʼə̀m yee là may. Vèsən kìíy bèy, bìʼ fo vèsən sí koŋ afə́r vesən. Yii bèy, wìr wo bó wù yòʼ koŋ fə́r və yòʼ dzə̀ wù bòy fó kpu gheéy.

1 Pita 4:8

A kinyo ke kí shaàn vidzə̀m ki dzə̀ jii, wìr wáa kòŋ a wír shilív shidzə̀m, bìʼ fo kikoŋnìn ki yii sə́ti ajay anín.

Ŋwàʼ Luk 10:37

Wù bìnèr jii, «Dzə̀ wo wù‑uù shamen mendzən me wìr woo shooy.» Jesus nèn sùúy sho jii, «Dù ri, a yiì sa bèy.»

1 Joon 4:11

Ŋkàr sem, mo Nyùy koŋ vèsən é ŋàŋ ben, vèsən ku nèn a kòŋnìn sa.

Galatia 5:6

A wíri tàtí ne wùn à Jesus Kristu, la wùmòʼ yòʼ dzə́ə a dzə jeéy ji wír wo á saŋen mbèʼ sə́ é liì wìr veé Juda, kìn wo bó á yoʼ sàŋ. Ke kuʼùn kí dzə̀ jii, wíri wáy á shilív e Kristu wùn, a kòŋnìn.

1 Joon 3:18

Wòn vem, lá vèsən yòʼ a suúy a dzə̀ fó shuù ji vèsən koŋ afə́r vesən. Vèsən wáa kòŋ áwune rúrú, a sə áwune.

Matio 5:43

«Vèn kì sá kinyo ke vé‑eè duŋrì jii, ‹Wìr wáa kòŋ ŋkar rə, a bàn aŋgaà və́ vibàn.›

1 Joon 2:7

Ŋkàr sem, nsər ye m sáŋ fo vèn lèn rə̀n yòʼ dzə̀ e fíy. Kù dzə̀ kinyo ke vèn‑eè sí yú fo ŋgùʼ, e kèʼ mo vé‑eè kèʼèn, a fìʼtì kinyo ke Nyùy e vèn.