1 Joon 4:18 - ŊWÀʼ NYÙY

¹⁸ Kí nén a dzə jii, wìr wo Nyùy koŋ wun yòʼ dzə̀ á wù kfə̀n a fàn Nyùy, bìʼ fo, a wìr kì rú ji Nyùy koŋ wun, la wù yòʼ dzə́ə a fàn ji wù wíy way wun e ŋgeʼ. Yii bèy, wìr wo wù fan Nyùy yòʼ sí kiiy rú mo Nyùy koŋ wun.

1 Joon 4:18 Referans Kwoze

2 Timoti 1:7

Kú a kuumé ji Kiyoy ke Nyùy bùʼùn vèsən shó ki yòʼ yii, a melív mèsən mè yaʼ yàʼàn. Kí távir tàvírín, kfə̀n yii, a vèsən koŋ wíri, kiiy mo dzə̀ vèsən wàa tiír kiwuú késən, a fìʼ.

Ŋwàʼ woó Rom 8:15

Nyùy yòʼ‑oò lo fò ven shilív a dzə̀ shé kwàn ji á wáa fàn wun fánen. Wù‑uù fò ven shilív, a dzə̀ shé won. Vèsən nén a yòŋrì Nyùy woo Tàr wòsən yóŋrin ji Taàtá, Taàtá.

1 Joon 4:12

Vèn kì sá jii, bó wìr yòʼ‑oo yií ne shòv Nyùy e si. Yii bèy, a vèsən koŋnìnè, bo wù dzə̀ vèsən áwune, é koŋ ye wù koŋ vèsəné nèn shèmsín e kinyò ke wù taʼ ji vèsən wáa kòŋnìn.

Hibru 12:28

Mo sáʼ Nyùy ye vèsən wíy nəə́ shoo dzəə̀n, a bó yòʼ dzə̀ yí sə̀ʼ, vèsən ku nèn a beèrì wun bìʼ kee shooy, a ghvəm wun, a yu a dzə̀ fó fo, a kiíy ji dzə̀ vèsən wàa fàn a wun,

Jeem 2:19

A wìr biìmé ji Nyùy kù jòʼsì e mòʼón, bo wù kù yòʼ biìmé a dzə̀ kinyo ke ru kí. Yii bèy, kù dzə̀ sá mo *anyùyi biíme bèy, fan, yaʼà.

Nsùyrì Nyùy 119:120

Wúné yaʼ mo, bìʼ fan ye m fan wò. M leey vinyo ve à tinen, e wày ji nsər, wúné wàa beemé mo beemén.

Nsùyrì Nyùy 73:19

Yén ri, mo áwune lo, á gbù fó tèr, lòné koò áwune, á kpù kpú mensəə.

Ŋwàʼ Jov 15:21

Wù lo, wù yù kiyor, a kí yor, bémer wun, wù lóo yen ji vinyo vi ghán e mboʼ, ashóŋé nèn nə̀ə́ wun.

Matio 9:34

Yii bèy, a wír veé mbìv *Farasii suuy kév jii, fó a fon anyùy vitaáví e Jesus, bo wù wáa kàntì *anyùy, aá wáa màʼtì wíri.