1 Joon 4:16 - ŊWÀʼ NYÙY

¹⁶ Á vinyo ve ví‑iì yiìn, é bo vèr kiíy rú ji Nyùy koŋ ver, e wày shilív e wun wùn. Kidzə̀m ki wáa dzə jii, liì Nyùy dzə̀ á ji wù koŋ wíri. A wìr wo wù koŋ Nyùy, kfə̀n koŋ fə́r və, tíy kfə́ wùn Nyùy, a Nyùy tíy sa wùn ŋgaàŋ.

1 Joon 4:16 Referans Kwoze

1 Joon 3:24

Vèn wáa kiíy jii, wìr wo wù yú sáʼ Nyùy dzə̀ á wo wù tíy kfə́ wùn Nyùy, a Nyùy tíy sa wùn ŋgaàŋ. A kinyo ke kí yii, bo vèsən wáa kiíy rú kijuŋ ji Nyùy tíy vèsən áwune kí dzə̀ Kiyoy kfə́ ke Ranén kí ke wù foon e vèsən.

1 Joon 3:1

Vèn ku yèn búʼú mo Nyùy koŋ vèsən, yoŋ ji wón və́. A bó wù yòʼ yoŋ a dzə̀ fó shuù, vèsən dzə̀ rú wón və́. A bó wír veé nsay fène yòʼ kì, bìʼ fo bó á yòʼ kiìn sá Nyùy.

1 Joon 3:16

Kinyo ke kí din e vèsən mo dzə̀ wìr wàa kòŋ wír ki dzə̀ ke Jesus‑eè yiìn. Wù‑uù fò kitú kfə́, e kpù bìʼ vèsən. A dzə̀ mo vèsən kú a yiì bèy, a fo vitú vesən bìʼ afə́r vesən.

1 Korin 2:9

A dzə̀ kíwun ke vé‑eè saŋen é Ŋwàʼ Nyùy jii: «Vinyo ve bó wìr yòʼ‑oò yiì ne yèn, a bó á yòʼ‑oò yiì ne yù, a bó ví yòʼ fə̀m‑eè yiì ne wìy e wìr vifii, ví dzə̀ víwun ve Nyùy‑iì sìysìn fo wír ve á koŋ wune.»

Nsùyrì Nyùy 31:19

À nə́ʼsin wír ve á ghvə́m wò e vijuŋ vi, nə́ʼsin áwune e vijuŋ ve ghaʼtín ví, fó vijuŋ e wír ve á lir e wò wùné adzə̀m, a wìr dzə̀m yéné, səəmè.

Joon 6:69

Vèr wày ne shilív e wò wùn, e kìíy ji à lò rú fo Nyùy, aà dzə̀ Wan Nyùy.»

Aysaya 64:4

Kèʼ fo ŋgwàrìn wòŋ, bó wìr yòʼ‑oò ghàn ne yù, a bó wìr yòʼ‑oò ghàn ne yèn Nyùy wo wù dzəə̀n moo wò, Nyùy, wo wù leey fo wír ve á yoy, tiir e wun wùné.

Joon 9:3

Wù bìnèr jii, «Bó yòʼ dzə̀ ji lòné lò fo wìr və̀n, kìn fo tàr wov wùn yè wov. Vé‑eè dzə̀ə́, a sì mfìr bèn ji Nyùy fiʼ wìy dìn vitaáví və́ é wùn wó.

1 Joon 4:7

Ŋkàr sem, vèsən kú a kòŋnìn, bìʼ fo yii Nyùy, bo wíri wáa kòŋnìn. Wìr lóo yiì bèy, é wù nèn a dzə rú wan Nyùy, e kfə̀n a kiíy sa Nyùy.