1 Joon 4:15 - ŊWÀʼ NYÙY

¹⁵ Kí nén a dzə jii, a wìr fiʼtì ji Jesus dzə̀ Wan Nyùy, bo ŋgaàŋ tíy kfə́ wùn Nyùy, a Nyùy tíy sa wùn ŋgaàŋ.

1 Joon 4:15 Referans Kwoze

1 Joon 5:5

A bó yòʼ dzə̀ wìr wùmòʼ sò, kù mày wo wù biimen ji Jesus dzə̀ rú á Wan Nyùy.

Ŋwàʼ woó Rom 10:9

A kí dzə̀ jii, a wìr fiʼtì fo wùn shuù ji Jesus dzə̀ Tàr wov, e kfə̀n biìmé fo wùn shiliv ji Nyùy‑iì lo fə̀ə́r Jesus fo kpu, Nyùy nèn lì a ŋgaàŋ ji və́ə woo wír, wù wìy lùŋ.

Matio 10:32

«Vèn wáa kiíy jii, a wìr biìmé lèn e wírí si ji wun dzə̀ wír wom, bo m wíy biimé sa ŋgaàŋ e Tàr wor woó yúv si.

1 Joon 4:2

A dzə̀ vèn wàa səə̀m wír wo wù kér rú Kiyoy ke Nyùy a dzə̀ fó kinyò ke wù suuy kùm Jesus. A wìr fiʼtì ji Jesus Kristu‑uù wìy é nsay fèn, e lì mbom wìr, bo ŋgaàŋ kér rú Kiyoy ke Nyùy.

1 Joon 3:24

Vèn wáa kiíy jii, wìr wo wù yú sáʼ Nyùy dzə̀ á wo wù tíy kfə́ wùn Nyùy, a Nyùy tíy sa wùn ŋgaàŋ. A kinyo ke kí yii, bo vèsən wáa kiíy rú kijuŋ ji Nyùy tíy vèsən áwune kí dzə̀ Kiyoy kfə́ ke Ranén kí ke wù foon e vèsən.

Filipi 2:11

A wír vìn adzə̀me wíy a binsí kiránén ji Jesus Kristu dzə̀ á Taà Ndzə. Á lóo binsí bèy, bo dzə̀ búrí mo á búri Nyùy Tàr.

1 Joon 4:12

Vèn kì sá jii, bó wìr yòʼ‑oo yií ne shòv Nyùy e si. Yii bèy, a vèsən koŋnìnè, bo wù dzə̀ vèsən áwune, é koŋ ye wù koŋ vèsəné nèn shèmsín e kinyò ke wù taʼ ji vèsən wáa kòŋnìn.

1 Joon 5:1

Vèn wáa kiíy jii, wìr dzə̀m wo wù biíme ji Jesus dzə̀ *Mfə̀ə́r wo Nyùy‑iì tumen dzə̀ wo dzəə̀n wan Nyùy. Vèsən kì jii, wìr lóo kòŋ wír, bo wù koŋ saa wan wìr woo shooy.

Ŋwàʼ Luk 12:8

«M nén a suúy e vèn jii, a wìr biìmé lèn e wírí si ji wun dzə̀ wír wom, bo ŋgaà wo yírí dzəə̀n *Wanwìr və̀n wíy biimé sa ŋgaàŋ e nshèelav se Nyùy sí si.

2 Joon 1:7

A m sáŋ bèn, bìʼ fo wír ámóʼó wìyìn ne anín, a ghan virə́ʼ vidzə̀m, a boʼtí wíri bóʼtín, a kìnèn ji bó Jesus yòʼ‑oò lo wìy e nsay fèn, e lì rú á mbom wìr. A wír vee shooyi dzə̀ vé fòn kimboʼtì wo dzəə̀n Ŋgaà Vibàn Kristu.

Joon 6:56

Wìr wo wù yí wún wóm, kfə̀n nó mensə́ mem, dzə̀ wo wù táti e mǒ wùn, a m táti sa vèr ŋgaàŋ.

1 Joon 2:23

A wìr káy Wan Nyùy, bo ŋgaàŋ káy sa Nyùy. Wìr wáa yu Wan Nyùy, bo wù yú sa Nyùy.

1 Joon 2:24

M nén a suúy e vèn jii, vèn kú a tiy a dzə̀ é kinyò ke vèn‑eè tòmbìy yù kí. Vèn lóo tiy sho bèy, é vèn à Wàn Nyùy nèn a dzə kintatì, é vèn wáa dzə sa vèn à Nyùy.

1 Joon 3:23

A sáʼ rə́ rə́ne dzə̀ jii, vèsən wáy á shilív e Wan və Jesus Kristu wùn, e kfə̀n a kòŋnìn. Á mo wù‑uù suuyin ji vèsən wáa yiì.

Lim Aŋgàa Ntum 8:37

Filiv bìnèr jii, «Aà fèn wày ne shilív shé shidzə̀m e Jesus wùn, bo dzə̀ m wày wò e ndzəv.» Wù bìnèr jii, «M biìmé ne ji Jesus dzə̀ á Wan Nyùy.»]